Fótbolti

Zlatan frá í sex vikur

Tómas Þór Þórðarson skrifar
Zlatan meiddist í kviðvöðva.
Zlatan meiddist í kviðvöðva. vísir/getty
Zlatan Ibrahimovic, framherji Frakklandsmeistara Paris Saint-Germain, meiddist í leik gegn Bastia um helgina og verður ekki með næstu sex vikurnar.

Þetta kom fram í fréttatilkynningu frá Parísarliðinu í gær, en Zlatan missir af næstu fimm leikjum PSG í deildinni. Hann meiddist í kviðvöðva undir 12. rifbeini.

Hollendingurinn Gregory van der Wiel er einnig meiddur, en talið er að hann verði ekki frá lengur en í tíu daga.

Zlatan er búinn að vera algjör lykilmaður hjá PSG síðan hann gekk í raðir liðsins sumarið 2012.

Hann skoraði 30 mörk í 34 deildarleikjum á fyrstu leiktíð og 26 mörk á síðasta tímabili, en liðið var meistari í bæði skiptin.




Fleiri fréttir

Sjá meira


×