Enski boltinn

Zigic óvænt orðaður við Arsenal

Kristinn Páll Teitsson skrifar
Zigic er engin smá smíð, hér til vinstri.
Zigic er engin smá smíð, hér til vinstri. Vísir/Getty
Umboðsmaður serbneska framherjans Nikola Zigic greindi frá því að Arsene Wenger hafi haft samband vegna skjólstæðings síns. Zigic hefur verið orðaður við Arsenal í dag eftir að Olivier Giroud meiddist á dögunum.

Talið er að Arsene Wenger vilji bæta við framherja áður en félagsskiptaglugginn lokar eftir helgina. Franski framherjinn Giroud meiddist illa á dögunum og þá hefur Yaya Sanogo glímt við meiðsli undanfarna daga.

Zigic er samningslaus þessa dagana eftir að samningur hans rann út hjá Birmingham í vor en hann lék í fjögur ár með félaginu. Á þeim árum lék Zikic 128 leiki fyrir liðið og skoraði í þeim 32 mörk.

„Wenger hringdi í mig í gær og lét mig vita að hann hefði áhuga á Zigic. Hann talaði um eins árs samning með möguleikanum á árs framlengingu. Við þurfum að líta betur á þetta,“ sagði umboðsmaður Zigic.










Fleiri fréttir

Sjá meira


×