MÁNUDAGUR 5. DESEMBER NÝJAST 14:30

Ólafía Þórunn í kringum 120. sæti forgangslistans

SPORT

Zidane vildi fá Casillas aftur til Real Madrid

 
Fótbolti
17:56 04. JANÚAR 2016
Zinedine Zidane og Iker Casillas.
Zinedine Zidane og Iker Casillas. VÍSIR/GETTY

Spænskir miðlar hafa slegið því upp í dag að Real Madrid hafi ákveðið að reka Rafael Benitez og að Zinedine Zidane taki við liðinu. Florentino Pérez heldur blaðamannafund klukkan 18.30 þar sem hann mun væntanlega staðfesta þær fréttir.

Spænski miðillinn Según la Cadena, hefur ennfremur heimildir fyrir því að Zinedine Zidane sé byrjaður í nýja starfinu og að hann hafi þegar boðið spænska landsliðsmarkverðinum Iker Casillas að snúa aftur til Real Madrid. AS sagði frá fréttinni.

Iker Casillas spilaði með Real Madrid frá 1999 til 2015 en yfirgaf félagið síðasta sumar og gekk til liðs við portúgalska liðið Porto. Endalok Casillas hjá félaginu voru ekki glæsileg en hann er engu að síður goðsögn hjá félaginu.

Það voru margir stuðningsmenn Real Madrid mjög ósáttir við hvernig ferill Iker Casillas þróaðist eftir að allt fór í bál og brand á milli hans og Jose Mourinho.

Zidane og Casillas spiluðu saman hjá Real Madrid og þekkjast mjög vel.Zidane vildi fá Casillas aftur í janúarglugganum en spænski markvörðurinn segist vera búinn að loka hringnum og að hann sé ekki tilbúinn að koma aftur til Real Madrid.

Casillas er enn landsliðsmarkvörður Spánverja og enginn landsliðsmarkvörður hefur haldið markinu oftar hreinu eða spilað fleiri sigurleiki með landsliðinu.


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Fótbolti / Zidane vildi fá Casillas aftur til Real Madrid
Fara efst