X Factor lauk með kjaftshöggi -myndband

Tvær breskar stelpur sautján og átján ára vöktu heldur betur athygli í hæfileikakeppninni X Factor.

Þær sungu að vísu rammfalskt og komust ekki áfram. En framkoma þeirra við dómara og áhorfendur var með slíkum ólíkindum að jafnvel Simon Cowell varð orðlaus.

Ekki kom þeim mikið betur saman sjálfum, því ballinu lauk með því að önnur gaf hinni á kjaftinn og svo strunsuðu þær báðar af sviðinu.

Simon lét koma þeim skilaboðum til þeirra að þær fengju fjögur nei frá dómurunum.