MÁNUDAGUR 27. MARS NÝJAST 11:30

Draumur rćttist hjá John Arne Riise á Anfield um helgina

SPORT

Williams: Leiđ illa yfir ţví ađ biđja Massa um ađ koma aftur

 
Formúla 1
22:30 20. JANÚAR 2017
Bottas fer til Mercedes og Felipe Massa hćttir viđ ađ setjast í helgan stein til ađ hjálpa Williams liđinu.
Bottas fer til Mercedes og Felipe Massa hćttir viđ ađ setjast í helgan stein til ađ hjálpa Williams liđinu. VÍSIR/GETTY
Kristinn Ásgeir Gylfason skrifar

Claire Williams, liðsstjóri Williams liðsins í Formúlu 1 segir að sér hafi liðið illa yfir að hringja í Felipe Massa og biðja hann um að hætta við að setjast í helgan stein.

Williams hringdi í Massa í desember skömmu eftir að hann hafði verið í höfuðstöðvum liðsins á jólahlaðborði. Hann var spenntur að koma aftur. Hann hætti víst aðallega vegna þess að hann vissi að það var ekki laust sæti hjá toppliði á næsta tímabili. Hann var ekkert kominn með nóg af Formúlu 1, að sögn Williams.

„Felipe [Massa] hafði tilkynnt um brotthvarf sitt, við vorum búin að halda fögnuð með aðdáendum og svo þurfti ég að hringja í hann, fyrrum ökumann okkar til að spyrja hvort hann vildi ekki hætta við að hætta,“ sagði Claire Williams í samtali við Sky Sports News.

„Ég hef aldrei heyrt neinn eins spenntan og ánægðan svo það var mikill léttir fyrir okkur. Við myndum aldrei setja ökumann í bílinn sem við hefðum ekki trú á. Eins og allir gátu séð í fyrra hefur hann ekki tapað ástríðunni,“ bætti hún við.

Williams viðurkennir að hún vissi af hópum fólks sem töldu liðið vera að breyta rangt. Margir voru á því að Massa ætti bara að fá að vera í friði og að ungur ökumaður ætti að fá tækifæri.

„Ég vissi ekki [fyrr en ég talaði við hann] að hann vildi ekki hætta. Ég er því sannfærð um að Felipe muni standa sig vel í ár.“

„Hann getur bara farið og notið þess að aka án þess að það sé pressa á honum. Stundum breytist fólk þegar pressunni er aflétt.“

Staðreyndin er sú að Williams þurfti á reynslumiklum ökumanni að halda við hlið nýliðans Lance Stroll. Liðinu vantaði einhvern sem hafði ekið bíl síðasta árs og vissi á hvaða braut liðið var. Pat Symonds fráfarandi tæknistjóri liðsins hafði áður talað um mikilvægi þess að halda reynslu innan liðsins til að geta haldið áfram á þeirri þróunarbraut sem liðið er á.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Formúla 1 / Williams: Leiđ illa yfir ţví ađ biđja Massa um ađ koma aftur
Fara efst