Walcott hetjan í tíðindalitlum leik

Það var ekki mikið fjör er Everton marði 1-0 sigur á Newcastle í síðasta leik umferðarinnar í ensku úrvalsdeildinni en leikið var á Goodison.

Það var ekki eitt skot að marki í fyrri hálfleik og var fyrri hálfleikurinn algjörlega grútleiðinlegur. Bæði lið lágu í skotgröfunum og færin eftir því.

Staðan markalaus í fyrri hálfleik en eina mark leiksins kom í upphafi síðari hálfleiks, á 51. mínútu, er Theo Walcott skoraði er darraðadans kom í teig Newcastle eftir fyrirgjöf Yannick Bolasie.

Fleiri mörk litu ekki dagsins ljós og lokatölur 1-0 sigur Everton í tíðindalitlum leik en Everton er í áttunda sætinu með 45 stig.

Newcastle er tveimur sætum neðar með 41 stig.