Innlent

Vonast til að fá að fara aftur heim til Hollands

Þórhildur Þorkelsdóttir skrifar
Greindarskertur hollenskur maður sem dvaldi í átta vikur í einangrun á litla hrauni segir dvölina hafa verið þungbæra og erfiða. Hann á yfir höfði sér þungan dóm og sætir farbanni en vonar að hann geti farið sem fyrst heim til Hollands.

Fréttamaður hitti hinn 28 ára gamla Angelo snemma í morgun á gistiheimili í miðbænum þar sem hann dvelur þessa dagana. Hann er grunaður um aðild að umfangsmiklu fíkniefnasmygli hingað til lands með Norrænu, en hann var handtekinn í september ásamt tveimur Íslendingum og öðrum Hollendingi. Í kjölfarið var hann færður í eingangrun á litla hrauni þar sem hann var í átta vikur.  Sú vist var gagnrýnd vegna andlegrar fötlunar Angelo en hann fékk ekki að hafa samband við fjölskyldu sína fyrr en eftir fimm vikur í einangruninni.

„Einangrunin var mér mjög þungbær. Ég var aleinn og enginn vissi hvar ég var. Þessu er nú lokið en þetta var ekki gott og mjög erfitt. Ég gat ekki haft samband við fjölskylduna mína og mamma sendi mér skilaboð og pabbi líka,“ segir hann.



Angelo sést hér í landsliðstreyju sem hann keypti í gær en hann er mikill aðdáandi íslenska landsliðsins í fótbolta.VÍSIR/ÞÓRHILDUR
Angelo á yfir höfði sér þungan fangelsisdóm verði hann fundinn sekur í málinu. Hann segist sjá eftir að hafa farið í ferðina.

„Náungi einn bauð mér að fara í góða ferð og ég sagði já. Það var ótrúlegt hvað þeir fundu mikið í bílnum. Ég ætla að bíða og sjá hvað fólk segir hér og vona það besta fyrir sálfan mig. Vonandi segja þau að ég megi fara. En ég veit ekki. Við verðum að sjá til,“ segir hann. 

Angleo er nú í farbanni á Íslandi og eyðir jólunum því hér. Hann fær að borða í Hjálpræðishernum í kvöld og segist hlakka til.

„Ég er dálítið einmanna en annars líður mér þolanlega. Hér er ég með ágætt herbergi og get farið í sturtu og gönguferðir. En ég vona samt að ég komist sem fyrst heim til Hollands,“ segir hann.

Viðtalið við Angelo má sjá í spilaranum hér að ofan.


Tengdar fréttir

Óskar þess að hafa son sinn hjá sér á jólunum

"Ég sakna hans svo mikið og ég hef gert lítið annað en að gráta. Ég hef alltaf haft son minn hjá mér á jólunum og ég er hrædd um hann,“ segir Gea Uyleman, móðir 27 ára greindarskerts hollensk manns sem úrskurðaður var í farbann í Héraðsdómi Reykjaness í gær.

Eignaðist svo góða vini á Kvíabryggju

Angelo Uijleman hélt hann væri að fara í fría ævintýraferð til Íslands en var handtekinn fyrir grun um aðild að umfangsmiklu fíkniefnasmygli. Hann talar um þungbæra einangrun á Litla-Hrauni, bankamennina á Kvíabryggju og einmanaleg jól án fjölskyldunnar.

Andi jólanna?

Látnir voru lausir í gær fjórir menn sem setið hafa í gæsluvarðhaldi í tólf vikur vegna gruns um umfangsmikið fíkniefnasmygl hingað til lands. Það er í sjálfu sér fagnaðarefni og væntan­lega til marks um að rannsókn lögreglu sé vel á veg komin.

Fékk að ræða við móður sína

Greindarskertur ­hollenskur maður sem hefur verið í einangrun á Litla-Hrauni síðan 29. september hefur fengið að hafa samband við móður sína undir eftirliti lögreglu.

Greindarskerti Hollendingurinn umkomulaus um jólin

Fjórum mönnum sem hafa verið í gæsluvarðhaldi í tólf vikur vegna gruns um fíkniefnasmygl verður sleppt í dag. Lögreglu ekki tekist að ljúka rannsókn. 27 ára greindarskertur Hollendingur líklega settur í farbann í dag en á í engin hús að vernda.




Fleiri fréttir

Sjá meira


×