Vona að ekki þurfi katastrófu til Ólöf Skaftadóttir skrifar 30. júlí 2016 08:00 Fred þakkar þeim sem komu að björgunaraðgerðum að hann sé á lífi. „Hver sem er getur gert sér það í hugarlund hvernig tilfinning það er að svara símtali, úr mörg þúsund kílómetra fjarlægð, þar sem þér er tilkynnt að eiginmaður þinn sé þungt haldinn á gjörgæslu eftir bílslys. Ég varð alveg afskaplega hrædd,“ segir Raquel Pinto, eiginkona Freds Pinto, sem lenti í alvarlegri bílveltu á ferðalagi um landið á dögunum.Fred var illa haldinn eftir slysið og hefur enn ekki náð sér að fullu.Fred var á ferðalagi um Suðurland með bróður sínum, mágkonu og barni þeirra. Þau voru gríðarlega spennt fyrir ferðalaginu, enda höfðu þau heyrt góða hluti um land og þjóð. Fred og ferðafélagarnir keyrðu um á nýlegum, fjórhjóladrifnum Mitsubishi Pajero jeppa sem þau höfðu tekið á leigu. Þau vildu sjá Reynisfjöru, settu stefnuna þangað og keyrðu af stað með aðstoð GPS-tækisins. „Við eltum bara GPS-leiðbeiningar, eins og okkur hafði verið sagt að gera,“ útskýrir Fred um aðdraganda slyssins. Sjálfur er hann nokkuð vanur ökumaður, hefur ferðast talsvert innan Bandaríkjanna og keyrt þar eftir malarvegum, utan vegar og yfir ár og læki.Sjá einnig: Aukning á alvarlegum umferðarslysum þar sem erlendir ferðamenn eiga í hlutBíllinn illa útleikinn.Komust hvorki lönd né strönd „Við vorum komin hálfa leið upp malarveg sem lá upp á við, en festumst í hjólförunum. Við fórum út úr bílnum og reyndum að losa bílinn, m.a. með að setja möl undir dekkin, en ekkert gekk. Því næst reyndum við að bakka bílnum til þess að dekkin næðu gripi. Það gekk, nema ég gat ekki stöðvað bílinn frá því að fara niður hinum megin við veginn. Um leið og eitt hjól var komið af veginum, fór bíllinn að velta. Ég hentist út úr bílnum, sennilega í annarri eða þriðju veltu – bíllinn hélt áfram og fór margar veltur í viðbót.“ Bíllinn endaði á hvolfi, um 100 metra frá veginum, ofan í skurði. Fred braut rifbein og brákaði og braut þrjá þvertinda. Þá fékk hann lungnabólgu ofan í allt saman. Hann þakkar öllum þeim sem komu að björgunaraðgerðunum líf sitt. Hann fór með þyrlu á spítala, sem hann segir hafi gengið hratt fyrir sig. Fred líður miklu betur, að eigin sögn, en finnur enn fyrir sársauka. „Ég er enn þá með smá verk fyrir brjóstinu. Ég hugsa að ég haldi mig frá utanvegaakstri á næstunni.“Eftir margar veltur endaði bíllinn úti í skurði.Betri merkingar, takk! Raquel og Fred biðla til íslenskra stjórnvalda að merkja leiðir og vegi, þar sem ferðamenn fara um. „Þegar ég kom til Íslands til þess að sækja eiginmanninn og koma honum heim, fór að renna upp fyrir mér hversu stórt vandamál þessi fjölgun ferðamanna er á Íslandi. Það er ekki nægilega hlúð að ferðamönnum sem eru að ferðast um landið. Það vantar aðvaranir og skilti – leiðbeiningar um hvernig eigi að fara um. Það vantar allt regluverk til þess að standa undir þessum risaiðnaði,“ útskýrir Raquel. Fred segir malarveginn sem hann ók eftir þegar slysið varð hafa verið lausan í sér en GPS-tækið hafi leiðbeint honum eftir veginum. „Og þegar ég sá annan bíl keyra sömu leið varð ég viss um að þetta væri rétta leiðin. Fyrir utan að það vantaði öll skilti, þá var vegurinn ekki girtur af og þar af leiðandi algjör slysagildra. Það var ekkert sem gaf til kynna að maður væri kominn út af veginum, engar merkingar, engir hjallar – ekkert nema þverhnípið.“ „Ég vona að það þurfi ekki katastrófu til að yfirvöld geri eitthvað í málunum. Vari fólk við hættunum sem leynast úti í íslenskri náttúru,“ segir Raquel.Veginum lokað Vegslóðinn við Reynisfjall, þar sem slysið varð, er ekki hluti af vegakerfi landsins, en er hluti af gatnakerfi þéttbýlisins í Vík. „Vegurinn var merktur sem illfær nema fyrir 4x4 bíla. Eftir slysið var veginum lokað fyrir allri almennri umferð,“ segir Vigfús Þór Hróbjartsson, skipulags- og byggingarfulltrúi Mýrdalshrepps. Ferðamennska á Íslandi Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Verkefnið skapi níutíu störf og meðallaunin verði um 1,4 milljón á mánuði Innlent Landeigendur höfða mál gegn ríkinu vegna Hvammsvirkjunar Innlent Reyna að sigla um geiminn á geislum sólarinnar Erlent Össur segir Jóni Gnarr að „hætta að væla“ Innlent Svona var Pallborðið með Höllu, Katrínu og Steinunni Ólínu Innlent Fluttur á sjúkrahús eftir að ekið var á Útlendingastofnun Innlent Fleiri fréttir Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Sjá meira
„Hver sem er getur gert sér það í hugarlund hvernig tilfinning það er að svara símtali, úr mörg þúsund kílómetra fjarlægð, þar sem þér er tilkynnt að eiginmaður þinn sé þungt haldinn á gjörgæslu eftir bílslys. Ég varð alveg afskaplega hrædd,“ segir Raquel Pinto, eiginkona Freds Pinto, sem lenti í alvarlegri bílveltu á ferðalagi um landið á dögunum.Fred var illa haldinn eftir slysið og hefur enn ekki náð sér að fullu.Fred var á ferðalagi um Suðurland með bróður sínum, mágkonu og barni þeirra. Þau voru gríðarlega spennt fyrir ferðalaginu, enda höfðu þau heyrt góða hluti um land og þjóð. Fred og ferðafélagarnir keyrðu um á nýlegum, fjórhjóladrifnum Mitsubishi Pajero jeppa sem þau höfðu tekið á leigu. Þau vildu sjá Reynisfjöru, settu stefnuna þangað og keyrðu af stað með aðstoð GPS-tækisins. „Við eltum bara GPS-leiðbeiningar, eins og okkur hafði verið sagt að gera,“ útskýrir Fred um aðdraganda slyssins. Sjálfur er hann nokkuð vanur ökumaður, hefur ferðast talsvert innan Bandaríkjanna og keyrt þar eftir malarvegum, utan vegar og yfir ár og læki.Sjá einnig: Aukning á alvarlegum umferðarslysum þar sem erlendir ferðamenn eiga í hlutBíllinn illa útleikinn.Komust hvorki lönd né strönd „Við vorum komin hálfa leið upp malarveg sem lá upp á við, en festumst í hjólförunum. Við fórum út úr bílnum og reyndum að losa bílinn, m.a. með að setja möl undir dekkin, en ekkert gekk. Því næst reyndum við að bakka bílnum til þess að dekkin næðu gripi. Það gekk, nema ég gat ekki stöðvað bílinn frá því að fara niður hinum megin við veginn. Um leið og eitt hjól var komið af veginum, fór bíllinn að velta. Ég hentist út úr bílnum, sennilega í annarri eða þriðju veltu – bíllinn hélt áfram og fór margar veltur í viðbót.“ Bíllinn endaði á hvolfi, um 100 metra frá veginum, ofan í skurði. Fred braut rifbein og brákaði og braut þrjá þvertinda. Þá fékk hann lungnabólgu ofan í allt saman. Hann þakkar öllum þeim sem komu að björgunaraðgerðunum líf sitt. Hann fór með þyrlu á spítala, sem hann segir hafi gengið hratt fyrir sig. Fred líður miklu betur, að eigin sögn, en finnur enn fyrir sársauka. „Ég er enn þá með smá verk fyrir brjóstinu. Ég hugsa að ég haldi mig frá utanvegaakstri á næstunni.“Eftir margar veltur endaði bíllinn úti í skurði.Betri merkingar, takk! Raquel og Fred biðla til íslenskra stjórnvalda að merkja leiðir og vegi, þar sem ferðamenn fara um. „Þegar ég kom til Íslands til þess að sækja eiginmanninn og koma honum heim, fór að renna upp fyrir mér hversu stórt vandamál þessi fjölgun ferðamanna er á Íslandi. Það er ekki nægilega hlúð að ferðamönnum sem eru að ferðast um landið. Það vantar aðvaranir og skilti – leiðbeiningar um hvernig eigi að fara um. Það vantar allt regluverk til þess að standa undir þessum risaiðnaði,“ útskýrir Raquel. Fred segir malarveginn sem hann ók eftir þegar slysið varð hafa verið lausan í sér en GPS-tækið hafi leiðbeint honum eftir veginum. „Og þegar ég sá annan bíl keyra sömu leið varð ég viss um að þetta væri rétta leiðin. Fyrir utan að það vantaði öll skilti, þá var vegurinn ekki girtur af og þar af leiðandi algjör slysagildra. Það var ekkert sem gaf til kynna að maður væri kominn út af veginum, engar merkingar, engir hjallar – ekkert nema þverhnípið.“ „Ég vona að það þurfi ekki katastrófu til að yfirvöld geri eitthvað í málunum. Vari fólk við hættunum sem leynast úti í íslenskri náttúru,“ segir Raquel.Veginum lokað Vegslóðinn við Reynisfjall, þar sem slysið varð, er ekki hluti af vegakerfi landsins, en er hluti af gatnakerfi þéttbýlisins í Vík. „Vegurinn var merktur sem illfær nema fyrir 4x4 bíla. Eftir slysið var veginum lokað fyrir allri almennri umferð,“ segir Vigfús Þór Hróbjartsson, skipulags- og byggingarfulltrúi Mýrdalshrepps.
Ferðamennska á Íslandi Mest lesið Leiðin í vinnuna smám saman þrefaldast: „Þetta er eins og í einhverri bíómynd“ Innlent Fannst hennar tími vera kominn Innlent Miðflokkurinn staðfestir sig sem þriðji stærsti flokkurinn Innlent Ofbeldisbrotum fjölgar á sama tíma og lögreglumönnum fækkar Innlent Verkefnið skapi níutíu störf og meðallaunin verði um 1,4 milljón á mánuði Innlent Landeigendur höfða mál gegn ríkinu vegna Hvammsvirkjunar Innlent Reyna að sigla um geiminn á geislum sólarinnar Erlent Össur segir Jóni Gnarr að „hætta að væla“ Innlent Svona var Pallborðið með Höllu, Katrínu og Steinunni Ólínu Innlent Fluttur á sjúkrahús eftir að ekið var á Útlendingastofnun Innlent Fleiri fréttir Ofbeldisbrotum fjölgar á sama tíma og lögreglumönnum fækkar Landeigendur höfða mál gegn ríkinu vegna Hvammsvirkjunar Fannst hennar tími vera kominn Sakar ríkisstjórnina um að ætla að afhenda fiskeldinu firðina til eilífðar Miðflokkurinn staðfestir sig sem þriðji stærsti flokkurinn Leiðin í vinnuna smám saman þrefaldast: „Þetta er eins og í einhverri bíómynd“ Ákærð fyrir að hafa orðið syni sínum að bana Stórfjölgun ofbeldisbrota, firðir í hættu og hönnunarstuldur „Við næðum eflaust meiri árangri ef borgarstjóri myndi væla minna“ Össur segir Jóni Gnarr að „hætta að væla“ Staðfesta gæsluvarðhald tveggja sakborninga Óbreytt frumvarp þýði útrýmingu villta laxins Fluttur á sjúkrahús eftir að ekið var á Útlendingastofnun Húsfélagið má ekki klippa á tengil rafvirkjameistara Sjálfstæðisflokkurinn kvelji barnafólk með vettlingagjörningi Enn kröftugt gos úr einum gíg Börn sofi ekki úti í gosmóðunni suðvestanlands Velkomin í Verbúðina II Halla Hrund fjórfaldar fylgi sitt á milli kannanna Ákærðir fyrir þaulskipulagða skotárás gegn feðginum á aðfangadag Sextán hundruð vettlingar fyrir börnin sem bíða Verkefnið skapi níutíu störf og meðallaunin verði um 1,4 milljón á mánuði Aðstoðarrektor í Bandaríkjunum verður rektor Háskólans á Akureyri Bjarni vill taka daginn snemma Svona var Pallborðið með Höllu, Katrínu og Steinunni Ólínu Freista þess að halda veitingamanninum bak við lás og slá Furðar sig á ávirðingum vegna kaupa á vínarbrauði Tvö manndráp á skömmum tíma „Það er ástæða fyrir því að farið er í að rannsaka þetta andlát“ Vill geta vísað flóttafólki úr landi innan tveggja sólarhringa Sjá meira