Erlent

Vígamenn felldu rússneskan hermann í björgunaraðgerð

Vísir/EPA
Rússneskur landgönguliði féll þegar hann var um borð í þyrlu innan landamæra Sýrlands þar sem freista átti að bjarga flugmanni herþotu sem Tyrkir skutu niður í gær. Maðurinn féll þegar uppreisnarmenn á jörðu niðri skutu á þyrluna þar sem hún flaug yfir Latakia héraði.

Flugmenn herþotunnar í gær voru tveir og var annar skotinn til bana af uppreisnarmönnum í fallhlíf sinni á leið til jarðar en hinn er talinn vera í haldi vígamanna.

Hér má sjá upplýsingar um vélina sem skotin var niður.Vísir/GraphicNews
Yfirmenn NATÓ segjast standa við bakið á Tyrkjum í málinu en Rússar hafa varað við alvarlegum afleiðingum atviksins. Tyrkir segja rússnesku vélina hafa verið í lofthelgi Tyrklands en Rússar staðhæfa að hún hafi verið innan sýrlensku landamæranna.



Sjá einnig: Rússnesku flugmennirnir skotnir á leið til jarðar í fallhlífum

Þá segja Rússar að Tyrkir hafi ekki reynt að ná sambandi við flugmenn vélarinnar áður en þeir skutu á hana.

Tvær þyrlur voru notaðar til leitarinnar í gær, en lenda þurfti annarri eftir að skotið var á hana frá jörðu. Um er að ræða þyrluna sem landgönguliðinn sem lést var í. Uppreisnarhópurinn Free Syrian Army birti í gær myndband af því þegar þeir notuðu Bandarískt TOW flugskeyti til að sprengja þyrluna í loft upp.

Uppreisnarmenn birtu í gær myndband þar sem þeir skjóta bandarísku flugskeyti á þyrluna eftir að flugmenn hennar þurftu að lenda henni Latakia héraði.

Tengdar fréttir

Rússar herða loftárásir

Rússar hafa undanfarna daga hert loftárásir sínar á það sem þeir kalla hryðjuverkatengd skotmörk í Sýrlandi.




Fleiri fréttir

Sjá meira


×