MÁNUDAGUR 29. ÁGÚST NÝJAST 23:32

Árslöng Mars-tilraun NASA komin ađ endalokum

FRÉTTIR

Viđar Örn sagđur vera á leiđinni til AGF í Danmörku

 
Fótbolti
09:16 22. JANÚAR 2016
Viđar Örn Kjartansson í leik međ íslenska landsliđinu.
Viđar Örn Kjartansson í leik međ íslenska landsliđinu. VÍSIR/GETTY

Íslenski landsliðsframherjinn Viðar Örn Kjartansson gæti verið á leiðinni til danska félagsins AGF samkvæmt frétt í Ekstra Bladet í dag.

AGF hefur áhuga á að semja við Viðar Örn sem opnaði markareikning sinn með íslenska landsliðinu í vináttulandsleik á móti Sameinuðu arabísku furstadæmunum um síðustu helgi.

Ekstra Bladet hefur nokkrar heimildir fyrir áhuga AGF á Viðari sem lék með Jiangsu Sainty í kínversku deildinni á síðasta ári.

Nýjar reglur í Kína um takmarkanir á erlendum leikmönnum inn á vellinum í einu eiga mikinn þátt í því samkvæmt frétt danska blaðsins að Viðar sé að horfa til Evrópu á ný.

Jiangsu Sainty keypti Viðar Örn frá Vålerenga þar sem hann varð markakóngur norsku úrvalsdeildarinnar sumarið 2014 með 25 mörk í 29 leikjum. Viðar var þá á sínu fyrsta tímabili sem atvinnumaður eftir að hafa spilað mjög vel með Fylki tímabilið á undan.

Viðar skoraði 9 mörk i 28 deildarleikjum og 4 mörk í 7 bikarleikjum með Jiangsu Sainty en liðið varð kínverskur bikarmeistari í fyrsta sinn.

AGF hefur góða reynslu af íslenskum framherja því Aron Jóhannsson gerði góða hluti í framlínu liðsins frá 2011 til 2013 og skoraði meðal annars 14 mörk í 18 leikjum á síðasta tímabili sínu í Árósum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Viđar Örn sagđur vera á leiđinni til AGF í Danmörku
Fara efst