Formúla 1

Vettel: Verstappen hefur komið á óvart

Kristinn Ásgeir Gylfason skrifar
Max Verstappen hefur átt gott jómfrúartímabil í Formúlu 1.
Max Verstappen hefur átt gott jómfrúartímabil í Formúlu 1. Vísir/Getty
Sebastian Vettel, fjórfaldur heimsmeistari í Formúlu 1 segir að nýliðinn Max Verstappen hafi komi á óvart á tímabilinu.

Verstappen og Carlos Sainz, ökumenn Toro Rosso liðsins eru í 12. og 15. sæti í keppni ökumanna. Verstappen hefur nú náð í stig í sex keppnum í röð sem er met hjá Toro Rosso liðinu. Metinu náði Verstappen af engum öðrum en Vettel sjálfum.

Margir efuðust um getu Verstappen áður en tímabilið hófst. Margir töldu hann ekki reiðubúinn til keppni í Formúlu 1. Hann var 17 ára þegar tímabilið hófst og er í reynd nýlega orðin 18 ára. Hann hefur heldur betur svarað gangrýnisröddum með akstri sínum og hugrekki við fram úr akstri, sérstaklega. Hann hefur tvisvar náð fjórða sæti, í Ungverjalandi og Bandaríkjunum.

Sainz hefur einnig sýnt að hann hefur mikla hæfileika. Hann hefur þó verið óheppinn með bíl sinn, hann hefur bilað þó nokkuð oft að undanförnu. Bilanir bílsins hafa haft áhrif á stöðu hans í heimsmeistarakeppni ökumanna.

Max Verstappen og Carlos Sainz.Vísir/Getty
„Carlos og Max hafa staðið sig mjög vel, þeir tveir hafa staðið upp úr á tímabilinu,“ sagði Vettel.

„Max hefur komið á óvart, hann hefur verið mjög grimmur og stundum aðeins of grimmur. En þegar upp er staðið hefur hann átt mjög gott tímabil hingað til, hann hefur tvisvar náð fjórða sæti,“ bætti Vettel við.

Verstappen er eins og allir aðrir ökumenn innan raða Red Bull samstæðunnar samningsbundinn Red Bull liðinu og á láni til Toro Rosso, þangað til hann fær tækifæri hjá Red Bull eða hann losnar undan samningi.

Verstappen er orðinn einn eftirsóknarverðasti ökumaðurinn í Formúlu 1 og er orðrómur á sveimi um að Mercedes og Ferrari séu að reyna að ná í unga ökumanninn, liðin gætu þó þurft að borga hann undan samningi hjá Red Bull.


Tengdar fréttir

Ferrari býður Red Bull líflínu

Ferrari hefur nú boðið Red Bull aftur að samningaborðinu. Red Bull hefur enn ekki orðið sér út um vél fyrir næsta ár en líkurnar eru nú með liðinu.

Bílskúrinn: Blönduð keppni í Brasilíu

Keppnin í Brasilíu um síðustu helgi var með þeim rólegri, einungis einn ökumaður komst ekki í endamark, Carlos Sainz á Toro Rosso kláraði ekki fyrsta hringinn. Margt athyglisvert kom þó fram um helgina uppgjör þess helsta er í Bílskúrnum, hér á Vísi.

Felipe Massa dæmdur úr leik á heimavelli

Felipe Massa hefur verið dæmdur úr brasilíska kappakstrinum sem fram fór í dag. Dekk á bíl heimamannsins var heitara en heimilt er á ráslínu.




Fleiri fréttir

Sjá meira


×