ŢRIĐJUDAGUR 23. ÁGÚST NÝJAST 10:00

Klopp vill fara alla leiđ í deildabikarnum

SPORT

Verđur sendur úr landi á morgun

 
Innlent
20:00 07. JANÚAR 2016

Rússneskur hælisleitandi sem farið hefur huldu höfði á Íslandi um nokkurra mánaða skeið var handtekinn í vikunni og verður sendur úr landi áður en kærunefnd útlendingamála hefur úrskurðað í máli hans. Maðurinn er samkynhneigður og segist ekki geta snúið aftur til Rússlands.

Eduard Sakesh sótti um hæli hér á landi á grundvelli þess að lífi hans sé ógnað í heimalandinu vegna ofsókna. Hann er samkynhneigður og var virkur í baráttu stjórnarandstæðinga gegn Vladimír Pútín. Stöð2 ræddi við hann í september síðastliðnum þar sem hann sagði frá ítrekuðum líkamsárásum sem hann varð fyrir áður en hann flýði land.

Getur ekki beðið þess að rússneskt samfélag breytist
Vegna þess að Eduard sótti fyrst um hæli í Frakklandi var umsókn hans hér á landi hafnað með vísan til Dyflinarreglugerðarinnar. Í Frakklandi hafði mál hans hinsvegar verið mánuðum saman í kerfinu án þess að hann fengi nokkra félagslega aðstoð á meðan, né atvinnuleyfi til að vinna fyrir sér. Hann bjóð því í tjaldi sem hann bjó sér sjálfur til úr rusli, áður en hann gafst upp og ákvað að koma til Íslands.

Hann segist ekkert bíða sín í Frakklandi og hann býst heldur ekki við að eiga nokkurn tíma afturkvæmt til heimalandsins Rússlands. „Þar búa of margir sem haldnir eru hómófóbíu. Ég get ekki snúið aftur, því það er raunverulega of hættulegt fyrir mig. Ég veit ekki hvort það muni kannski breytast á næstu 20 árum, eða 30 árum, en það er of langur tími fyrir mig til að bíða."

Vill ekki vera baggi á samfélaginu
Eudard hefur farið huldu höfði hér síðustu mánuði síðan umsókn hans var hafnað, en nú í vikunni var hann handtekinn þegar lögreglan stöðvaði hann undir stýri þar sem hann var að aka vini sínum á sjúkrahús. Farið var fram á gæsluvarðhald yfir honum en Héraðsdómur Reykjavíkur hafnaði þeirri kröfu.

Honum hefur verið tilkynnt að hann verðir sendur úr landi á morgun, föstudag. Lögmaður hans, Leifur Runólfsson, hefur farið fram á að málið verði tekið upp aftur hjá kærunefnd útlendingamála, en fékk þau svör að það verði ekki gert fyrr en 14. janúar. Þá verður þegar búið að senda Eduard úr landi.
„Hann óskar eftir að fá hæli hér á landi til að fá að starfa og lifa hér. Hann er ekki kominn hingað til að setjast upp á íslensku þjóðina. Hann er með háskólamenntun og vill bara lifa sínu lífi. Hann telur Ísland vera öruggasta land í heimi, ég held við getum tekið undir það með honum, og hann vill bara byggja hér upp gott líf eins og hver annar einstaklingur," segir Leifur.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Verđur sendur úr landi á morgun
Fara efst