Innlent

Verður gott að flytja úr húsbílnum og geta notað eldavél

Þórgnýr Einar Albertsson skrifar
Fjóla var að horfa á sjónvarpið í húsbíl sínum þegar ljósmyndara Fréttablaðsins bar að garði.
Fjóla var að horfa á sjónvarpið í húsbíl sínum þegar ljósmyndara Fréttablaðsins bar að garði. vísir/eyþór
Á annan tug manns býr í húsbílum á tjaldstæðinu í Laugardalnum í Reykjavík. Samkvæmt þeim sem Fréttablaðið ræddi við búa umræddir einstaklingar einkum þar vegna óhagstæðs húsnæðismarkaðar.

Einn íbúa hverfisins sem Fréttablaðið ræddi við segir alls um fimmtán manns búa á svæðinu um þessar mundir. Sjálfur býr hann í húsbíl vegna þess hversu dýrt er að leigja eða kaupa húsnæði.

Fjóla Stefánsdóttir hefur búið á tjaldstæðinu síðan í sumar. Hún segist hafa flutt þangað þegar leiga hennar hækkaði. Fjóla er hins vegar að flytja í félagsíbúð á næstunni og hlakkar mikið til.

„Það verður gott að geta eldað á eldavél og komist á klósettið,“ segir hún. 

Fjóla segir einnig að nokkrir íbúar hverfisins búi á landsbyggðinni en séu að vinna á höfuðborgarsvæðinu í vetur. Ódýrara sé fyrir viðkomandi að búa á tjaldstæðinu en að leigja íbúð. 

Fréttin birtist fyrst í Fréttablaðinu


Tengdar fréttir




Fleiri fréttir

Sjá meira


×