Vélræn mörgæs á hjólum hjálpar til við rannsóknir

Vísindamenn sem rannsaka hegðun keisaramörgæsa á Suðurheimskautslandinu hafa hannað nýja vélræna mörgæs á hjólum. Þessi vélknúni fugl þykir henta vel í rannsóknarvinnu. Mörgæsirnar eru ekki hræddar við hana og virðast hegða sér eðlilega.

Hér má sjá myndband af rannsókninni:

Áður notuðu vísindamennirnir mörgæs sem var búin til úr trefjagleri en sú hræddi hinar lifandi keisaramörgæsir og hafði áhrif á rannsóknir vísindamannanna. En þessi nýja mörgæs er loðin og virðist ekki hræða dýrin. Á vef Washington Post kemur fram að hinar lifandi mörgæsir hafi meira að segja sungið fyrir hina vélknúnu mörgæs.

Hér að neðan má sjá fleiri myndbönd frá rannsókninni.