FÖSTUDAGUR 29. JÚLÍ NÝJAST 23:30

Nowitzki hermdi eftir furđuvíti Zaza | Myndband

SPORT

Vélaverđ lćkkar um milljarđ og V6 vélar til 2020

 
Formúla 1
16:00 20. JANÚAR 2016
Max Verstappen sýndi óvart Renault vélina í Toro Rosso bílnum ţegar vélarhlíf gaf sig á Monza í september.
Max Verstappen sýndi óvart Renault vélina í Toro Rosso bílnum ţegar vélarhlíf gaf sig á Monza í september. VÍSIR/F1TECHNICAL
Kristinn Ásgeir Gylfason skrifar

Samkomulag hefur náðst um að halda í V6 tvinnvélar til 2020 að minnsta kosti. Samkomulag náðist um lægri verð á vélunum á tveggja daga fundi í Geníva í vikunni.

Þróunarhópur Formúlu 1 og skipulagsnefnd Formúlu 1 hittust í upphafi vikunnar til að setja saman drög að breyttum reglum í Formúlu 1.

Áhersla fundarins var á vélar eftir að Bernie Ecclestone, eigandi sýningaréttar af Formúlu 1 og Jean Todt, forseti FIA, alþjóða akstursíþróttasambandsins, óskuðu eftir því í sameinginu að liðin finndu lausn á vélavandræðum í íþróttinni.

Ecclestone og Todt höfðu áður lýst yfir stuðningi við þá hugmynd að sjálfstæður vélaframleiðandi yrði fenginn til að smíða öflugari en einfaldari og ódýrari vélar sem stæðu liðum til boða.

Hugmyndin var að öll lið gætu nálgast góða vél á viðráðanlegu verði. Red Bull og Toro Rosso liðin voru næstum án véla á komandi tímabili eftir að hafa slitið samningi við Renault. Sjálfstæður vélaframleiðandi hefði sem dæmi geta komið þeim liðum til bjargar.

Ekki fékkst samþykki meirihluta liða fyrir hugmyndinni um ódýrari og einfaldari vélar. Þá var liðunum gert að finna lausn á vandanum.


Bernie Ecclestone og Jean Todt ná samkomulagi.
Bernie Ecclestone og Jean Todt ná samkomulagi. VÍSIR/GETTY

Nú er samkomulag í höfn. Talið er að Mercedes, Ferrari, Renault og Honda hafi samþykkt að tryggja að öll lið í Formúlu 1 hafi vélar. Eins er talið að samkomulagið feli í sér að verðið lækki talsvert, áður kostuðu vélarnar fyrir keppnistímabilið um 17 milljónir punda, rúmlega 3,1 milljaðra króna, en munu nú kosta um 12 milljónir punda, rúmlega 2,2 milljarða króna.

Þessar breytingar munu að öllum líkindum taka gildi fyrir upphaf tímabilsins 2018.

Auk vélanna var samið um að breyta reglum um hámarksfjölda gírkassa sem hver ökumaður má nota á tímabili. Hver ökumaður má nú einungis nota þrjá gírkassa á tímabilinu áður en hann þarf að sæta refsingu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Formúla 1 / Vélaverđ lćkkar um milljarđ og V6 vélar til 2020
Fara efst