Fótbolti

Vela með þrennu | Alfreð spilaði í sigurleik

Eiríkur Stefán Ásgeirsson skrifar
Carlos Vela fagnar einu marka sinna í kvöld.
Carlos Vela fagnar einu marka sinna í kvöld. vísir/getty
Real Sociedad komst upp í tólfta sæti spænsku úrvalsdeildarinnar er liðið vann sigur á Elche, 3-0, á heimavelli sínum í kvöld.

Þetta var fyrsti heimaleikur liðsins undir stjórn David Moyes sem tók nýverið við sem knattspyrnustjóri. Liðið gerði markalaust jafntefli við Deportivo í hans fyrsta leik um síðustu helgi.

Alfreð Finnbogason var á meðal varamanna Real Sociedad í kvöld en kom inn á strax á níundu mínútu vegna meiðsla Imanol Agirretxe.

Alfreð átti fínan leik en það var þó Mexíkóinn Carlos Vela sem var stjarna leiksins. Hann skoraði öll þrjú mörk Real Sociedad í leiknum og fór á kostum.

Elche er í næstneðsta sæti spænsku deildarinnar með tíu stig.




Fleiri fréttir

Sjá meira


×