LAUGARDAGUR 27. ÁGÚST NÝJAST 08:00

Fentanýl gengur kaupum og sölum á Facebook

FRÉTTIR

Veittu 25 milljónum til hjálparstarfs í Grikklandi

 
Innlent
17:01 27. JANÚAR 2016
Flóttamenn í Grikklandi.
Flóttamenn í Grikklandi. VÍSIR/EPA

Rauði krossinn á Íslandi veitti í dag 25 milljónum króna til hjálparstarfs á Grikklandi. Það var gert eftir kall Alþjóðasambands Rauða krossins og Rauða hálfmánans vegna neyðarástands sem ríkir þar vegna flóttamannavandans svokallaða. 

Þá veittu samtökin hjálparstarfið einnig um 13 milljónir króna í nóvember. Heildarupphæðin til hjálparstafs í Grikklandi er því 38 milljónir. 

„Í þetta sinn er það ekki síst fyrir framlag utanríkisráðuneytisins sem  gerir Rauða krossinum kleift að styðja hjálparstarfið sem veitir fjölda flóttafólks lífsnauðsynlega aðstoð,“ segir í tilkynningu frá Rauða krossinum.

„Ástandið í Grikklandi hefur lengi verið mjög slæmt og fjárhagslegt bolmagn Rauða krossins í Grikklandi er mjög takmarkað vegna mikils álags. Árið 2010 ákváðu íslensk stjórnvöld að hætta að endursenda hælisleitendur til Grikklands á grundvelli Dyflinnarreglugerðarinnar.“

Þá kemur enn fremur fram að Flóttamannastofnun Sameinuðu þjóðanna áætlar að á þeim tæpa mánuði sem liðinn er af árinu 2016 hafi yfir 44.000 flóttamenn komist að ströndum Evrópu eftir hættuför yfir Miðjarðarhafið. Flestir þeirra koma að landi í Grikklandi.

Brýnustu verkefnin sem liggja fyrir starfsfólki og sjálfboðaliðum gríska Rauða krossins er dreifing vatns, matvæla og hreinlætispakka. Þá er flóttafólki veitt gunnheilbrigðisþjónusta og flóttafólk aðstoðað við að komast í samband við viðskila ættingja og ástvini.

Páll Biering, dósent í geðhjúkrunarfræði við Heilbrigðisvísindasvið Háskóla Íslands fór sem sendifulltrúi á vegum Rauða krossins til Grikklands í nóvember síðastliðnum. Hann starfaði í flóttamannabúðum norska Rauða krossins í Idomeni, smábæ við landamæri Makedóníu. Helstu verkefni hans voru að veita flóttafólki sem fer um búðirnar sálfélagslegan stuðning auk  þess sem hann þjálfaði sjálfboðaliða gríska Rauða krossins í að veita sálfélagslegan stuðning.

Á morgun, fimmtudaginn 28. janúar kl. 8:30 – 9:30 mun Páll kynna aðkomu sína að hjálparstarfinu. Fyrirlesturinn er opinn öllum og verður haldinn í húsi Rauða krossins, Efstaleiti 9.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Veittu 25 milljónum til hjálparstarfs í Grikklandi
Fara efst