Veitingastöðum í miðbænum fjölgi um 70 Ingvar Haraldsson skrifar 25. janúar 2016 07:00 Veitingastöðum, börum og kaffihúsum í miðborg Reykjavíkur gæti fjölgað um 50-70 á næstu fimm árum. Þetta er mat Óla Arnar Eiríkssonar, sviðsstjóra atvinnuþróunar hjá Reykjavíkurborg, miðað við vænta fjölgun ferðamanna næstu árin. Þetta þýðir að veitingahúsum myndi fjölga um 28-39 prósent en 177 veitingahús eru í miðborginni nú samkvæmt nýlegri skýrslu Rannsóknarseturs verslunarinnar. Þeim hefur fjölgað um 69 prósent frá árinu 1999 þegar þau voru 107. Óli bendir á að þar að auki hafi veitingavögnum fjölgað verulega en þeir eru ekki inni í tölfræðinni. Það verður áskorun að koma stöðunum fyrir, að sögn Óla, þar sem nú eru starfsleyfiskvótar í gildi í miðborginni, sem segja til um hve mikið af einni starfsemi má þrífast á hverjum stað. „Kvótarnir eru langerfiðastir á Laugaveginum og Skólavörðustíg en eru miklu opnari í öðrum götum.“ Kvótarnir eru fullnýttir á nokkrum stöðum í miðborginni sem þýðir að ekki er hægt að opna fleiri veitingastaði þar. „Ég held að þeir einu sem hagnist verulega á þessu séu húseigendur sem eiga hús með dýrmætan kvóta. Ef menn vilja opna veitingastað þá þurfa menn að borga háa leigu og oft mikil lyklagjöld til þess að komast inn á markaðinn,“ segir Jón Mýrdal veitingamaður, sem rekur barina Húrra og Bravó og vinnur að því að opna sjávarréttastað við Lækjargötu 6. Jón bendir á að í húsinu hafi verið veitingastaður fyrir og því hafi veitingaleyfi hússins verið nýtt.Jón Mýrdal segist vilja láta reyna á markaðslausn.Vísir/DaníelFleiri dæmi eru um áhrif veitingakvótanna. Fjárfestar keyptu nýlega húsnæði veitingastaðarins Asíu og í kjölfarið var staðnum lokað eftir 27 ára rekstur. Nýir eigendur vinna að því að opna nýjan veitingastað í húsinu. Þá var ekki hægt að opna veitingastaðinn Nam við Laugaveg þegar hann var tilbúinn í júlí síðastliðnum þar sem veitingaleyfi fékkst ekki vegna takmarkananna. Staðurinn var svo opnaður um miðjan janúar eftir að búið var að flytja hann átta metra innar í bygginguna, þar sem hann er ekki sýnilegur frá götunni. „Ég er ekki sjálfur hrifinn af þessu. Ég held að markaðurinn væri betri til að finna út úr þessu en kvótar,“ segir Jón, en að hann hafi þó skilning á því að það verði að vera fjölbreytt starfsemi í miðborginni. Óli segir kvótunum hafa verið komið á til að tryggja fjölbreytni í miðborginni. Hins vegar sé hópur á vegum Reykjavíkurborgar að störfum við að endurskoða stefnu miðborgarinnar, þar séu starfsemiskvótarnir meðal annars undir. „Vonandi eigum við eftir að upplifa það að veitingastaðirnir fari að teygja sig aðeins og færa sig aðeins út úr meginkjarnanum. Þannig að við fáum fleiri svæði sem verða með veitingastaði,“ segir Óli. Hann segir enn hægt að bæta við veitingastöðum á mörgum svæðum í miðborginni, til að mynda við höfnina, á Hverfisgötu og á svæðinu við Hlemm og í átt að Borgartúni. Þá sé starfsemi við miðborgartorg undanþegin kvótum. Júlíus Vífill Ingvarsson, borgarfulltrúi Sjálfstæðisflokksins, segir borgaryfirvöld ekki hafa tekið tillit til mannfjöldabreytinga í miðborginni. „Þessir kvótar eru orðnir mjög gamlir, þeir eiga uppruna sinn að rekja til ársins 2002,“ segir Júlíus. „Það hefur svo gríðarlega margt breyst í Reykjavík frá þeim tíma, þá aðallega vegna þeirra ferðamanna sem hingað koma.“ Júlíus hefur vakið máls á þessu innan borgarstjórnar og í umhverfis- og skipulagsráði og að þetta verði að endurskoða. Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Vilja taka upp auðlindagjald að hætti Norðmanna Innlent Steinunn Ólína segir landráðamál í uppsiglingu Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira
Veitingastöðum, börum og kaffihúsum í miðborg Reykjavíkur gæti fjölgað um 50-70 á næstu fimm árum. Þetta er mat Óla Arnar Eiríkssonar, sviðsstjóra atvinnuþróunar hjá Reykjavíkurborg, miðað við vænta fjölgun ferðamanna næstu árin. Þetta þýðir að veitingahúsum myndi fjölga um 28-39 prósent en 177 veitingahús eru í miðborginni nú samkvæmt nýlegri skýrslu Rannsóknarseturs verslunarinnar. Þeim hefur fjölgað um 69 prósent frá árinu 1999 þegar þau voru 107. Óli bendir á að þar að auki hafi veitingavögnum fjölgað verulega en þeir eru ekki inni í tölfræðinni. Það verður áskorun að koma stöðunum fyrir, að sögn Óla, þar sem nú eru starfsleyfiskvótar í gildi í miðborginni, sem segja til um hve mikið af einni starfsemi má þrífast á hverjum stað. „Kvótarnir eru langerfiðastir á Laugaveginum og Skólavörðustíg en eru miklu opnari í öðrum götum.“ Kvótarnir eru fullnýttir á nokkrum stöðum í miðborginni sem þýðir að ekki er hægt að opna fleiri veitingastaði þar. „Ég held að þeir einu sem hagnist verulega á þessu séu húseigendur sem eiga hús með dýrmætan kvóta. Ef menn vilja opna veitingastað þá þurfa menn að borga háa leigu og oft mikil lyklagjöld til þess að komast inn á markaðinn,“ segir Jón Mýrdal veitingamaður, sem rekur barina Húrra og Bravó og vinnur að því að opna sjávarréttastað við Lækjargötu 6. Jón bendir á að í húsinu hafi verið veitingastaður fyrir og því hafi veitingaleyfi hússins verið nýtt.Jón Mýrdal segist vilja láta reyna á markaðslausn.Vísir/DaníelFleiri dæmi eru um áhrif veitingakvótanna. Fjárfestar keyptu nýlega húsnæði veitingastaðarins Asíu og í kjölfarið var staðnum lokað eftir 27 ára rekstur. Nýir eigendur vinna að því að opna nýjan veitingastað í húsinu. Þá var ekki hægt að opna veitingastaðinn Nam við Laugaveg þegar hann var tilbúinn í júlí síðastliðnum þar sem veitingaleyfi fékkst ekki vegna takmarkananna. Staðurinn var svo opnaður um miðjan janúar eftir að búið var að flytja hann átta metra innar í bygginguna, þar sem hann er ekki sýnilegur frá götunni. „Ég er ekki sjálfur hrifinn af þessu. Ég held að markaðurinn væri betri til að finna út úr þessu en kvótar,“ segir Jón, en að hann hafi þó skilning á því að það verði að vera fjölbreytt starfsemi í miðborginni. Óli segir kvótunum hafa verið komið á til að tryggja fjölbreytni í miðborginni. Hins vegar sé hópur á vegum Reykjavíkurborgar að störfum við að endurskoða stefnu miðborgarinnar, þar séu starfsemiskvótarnir meðal annars undir. „Vonandi eigum við eftir að upplifa það að veitingastaðirnir fari að teygja sig aðeins og færa sig aðeins út úr meginkjarnanum. Þannig að við fáum fleiri svæði sem verða með veitingastaði,“ segir Óli. Hann segir enn hægt að bæta við veitingastöðum á mörgum svæðum í miðborginni, til að mynda við höfnina, á Hverfisgötu og á svæðinu við Hlemm og í átt að Borgartúni. Þá sé starfsemi við miðborgartorg undanþegin kvótum. Júlíus Vífill Ingvarsson, borgarfulltrúi Sjálfstæðisflokksins, segir borgaryfirvöld ekki hafa tekið tillit til mannfjöldabreytinga í miðborginni. „Þessir kvótar eru orðnir mjög gamlir, þeir eiga uppruna sinn að rekja til ársins 2002,“ segir Júlíus. „Það hefur svo gríðarlega margt breyst í Reykjavík frá þeim tíma, þá aðallega vegna þeirra ferðamanna sem hingað koma.“ Júlíus hefur vakið máls á þessu innan borgarstjórnar og í umhverfis- og skipulagsráði og að þetta verði að endurskoða.
Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Vilja taka upp auðlindagjald að hætti Norðmanna Innlent Steinunn Ólína segir landráðamál í uppsiglingu Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira