Íslenski boltinn

Veigar Páll afgreiddi Val

Eiríkur Stefán Ásgeirsson skrifar
Veigar Páll í leik gegn Val síðastliðið sumar.
Veigar Páll í leik gegn Val síðastliðið sumar. Vísir/Stefán
Stjarnan er komið áfram í 8-liða úrslit Lengjubikarkeppni karla en liðið vann 2-1 sigur á Val í dag.

Veigar Páll Gunnarsson skoraði bæði mörk Stjörnumanna í dag. Hann kom Garðbæingum yfir á 7. mínútu en Ragnar Þór Gunnarsson jafnaði metin fyrir Val um stundarfjórðungi fyrir leikslok.

Vegiar Páll var svo hetja Stjörnumanna er hann skoraði sigurmarkið á 87. mínútu.

Stjarnan og Víkingur eru bæði með fjórtán stig á toppi 3. riðils og örugg áfram í 8-liða úrslitin. ÍBV kemur næst með tíu stig og Valur er með níu þegar ein umferð er eftir.

Tvö efstu liðin úr riðlunum þremur komast áfram í fjórðungsúrslitin ásamt þeim tveimur liðum sem bestum árangri náðu í þriðja sæti sinna riðla.


Tengdar fréttir

Lowing tryggði Víkingum sigur

Víkingur vann nauman sigur á Haukum, 2-1, í Lengjubikarnum í dag. Varnarmaðurinn Alan Lowing var hetja Víkinga.




Fleiri fréttir

Sjá meira


×