Lífið

Vatnsberi: Hafðu gaman af því sem þú gerir

Það er spenna í loftinu og stundum þarf bara að pissa í vaskinn.
Það er spenna í loftinu og stundum þarf bara að pissa í vaskinn.
Elsku fallegi Vatnsberi. Mundu að þeir sem haga sér of vel skrifa yfirleitt ekki mannkynssöguna! Og árangur þinn felst ekki í því að hafa allt fullkomið heldur því að hafa gaman af því sem þú gerir. Staldraðu við um stund og sjáðu að það hefur mikið verið að gerast þetta árið. Margt af því er komið til að vera en öðru muntu sleppa.

Það er spenna í loftinu og stundum þarf bara að pissa í vaskinn þegar klósettið er upptekið og passa að taka hlutina ekki of alvarlega.

Þú munt svo sannarlega fá allt sem þú vilt, bara ekki allt á sama tíma! Þolinmæði er orðið sem þú þarft að skrifa á spegilinn og skoða á hverjum degi, elsku Vatnsberi.

Þú hefur það hugrekki sem þarf en tímasetningar þurfa að vera pottþéttar. Þú þarft að vera ástfanginn og þú getur það því að ástin er sterk í kortinu þínu. En ef ástin er ekki nógu sterk eða góð fáðu þér þá súkkulaði og staldraðu við. Þú þarft ekki að vera í neinum eltingarleik við ástina núna því þetta liggur í loftinu allt í kringum þig.

Þessi tími sem þú ert að fara inn í er eins og spennandi fótboltaleikur og mundu að leiknum lýkur ekki fyrr en dómarinn hefur flautað hann af.

Mottó: Allt sem ég þarf er ást og ég er búinn til úr ást.

Frægir í Vatnsberanum:  Pacas hans Begga, Geir Sveinsson handknattleiksþjálfari, Halla himintungl, Clark Gable leikari, Sveinbjörg Birna Sveinbjörnsdóttir borgarfulltrúi, Yoko Ono, Bjarni Benediktsson, fjármála- og efnahagsráðherra, Katrín Jakobsdóttir þingkona, Hilmir Snær Guðnason leikari, Rikka sjónvarpskona, María Ólafsdóttir Júróvisjónstjarna, Þóra Arnórsdóttir, ritstjóri Kastljóss, Gunna Dís útvarpskona.






Fleiri fréttir

Sjá meira


×