Vardy búinn að skrifa undir nýjan samning við Leicester

Jamie Vardy, markahæsti leikmaður ensku úrvalsdeildarinnar, hefur skrifað undir nýjan þriggja ára samning við Leicester City. Nýi samningurinn gildir til ársins 2019.

Vardy hefur gjörsamlega slegið í gegn á tímabilinu og átt hvað stærstan þátt í frábæru gengi Leicester sem er með fimm stiga forskot á toppi úrvalsdeildarinnar.

Vardy hefur skorað 18 mörk í úrvalsdeildinni í vetur, þremur meira en Harry Kane hjá Tottenham og Romelu Lukaku hjá Everton.

Vardy, sem er 29 ára, hefur verið í herbúðum Leicester frá 2012 en hann kom til liðsins frá utandeildarliði Fleetwood Town. Framherjinn á fjóra A-landsleiki að baki fyrir England.

Vardy og félagar gerðu góða ferð á Etihad-völlinn í dag þar sem þeir unnu 1-3 sigur á Manchester City.

SIGNED: @vardy7 pens new contract with #lcfc, committing his future to the Foxes until 2019. More follows #vardylcfc pic.twitter.com/8Mz8iudX9n

— Leicester City (@LCFC) February 6, 2016

Great 3 points, boys on form as always, also delighted to have signed a new deal with the club #lcfc

— Jamie Vardy (@vardy7) February 6, 2016