FIMMTUDAGUR 23. MARS NÝJAST 06:00

Minn tími mun koma

SPORT

Varađ viđ stormi suđaustantil í dag

 
Innlent
08:08 14. MARS 2017
Veđurstofan hefur varađ viđ stormi fram undir hádegi syđst á landinu og suđaustanlands í dag
Veđurstofan hefur varađ viđ stormi fram undir hádegi syđst á landinu og suđaustanlands í dag VÍSIR/VILHELM

Veðurstofan hefur varað við stormi fram undir hádegi syðst á landinu og suðaustanlands í dag. Útlit er fyrir vestan og norðvestan 8 til 15 metra á sekúndu en 15 til 23 metra suðaustantil.

Þá snýst í suðvestan 8-15 seint í dag með éljagangi en léttir til á Norðaustur- og Austurlandi. Hægari suðvestanátt á morgun með dálitlum éljum sunnan og vestanlands. Kólnar smám saman í veðri, hiti í kringum frostmark í kvöld og á morgun.

„Í nótt fór lægð til austurs meðfram suðurströndinni og af hennar völdum var vestan ofsaveður á miðunum suður af landinu. Á landi sleppa menn nokkuð vel við þessa lægð. Hann slær staðbundið í storm syðst og einnig á stöku stað suðaustanlands. Annars staðar verður vindur hægari og víða verður vart við úrkomu. Síðdegis fjarlægist lægðin landið hratt og þegar líða fer að kvöldi tekur við suðvestan strekkingur með éljagangi, en það léttir til á Norðaustur- og Austurlandi,“ segir í hugleiðingum veðurfræðings á vef Veðurstofunnar.

Samkvæmt Vegagerðinni er hálka á Sandskeiði, Hellisheiði, Þrengslum og Mosfellsheiði og eitthvað um hálkubletti í uppsveitum Suðurlands en greiðfært nær sjónum.

Á Vesturlandi og Vestfjörðum er víða hálka eða hálkublettir og snjóþekja á nokkrum fjallvegum.

Snjóþekja eða hálka er á vegum á Norðurlandi og éljagangur eða snjókoma.

Á Austurlandi er greiðfært á Héraði en hálka eða snjóþekja á fjallvegum.  Greiðfært er með suðausturströndinni.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Varađ viđ stormi suđaustantil í dag
Fara efst