Innlent

Vantar 500 hjúkrunarfræðinga til starfa

Tryggvi Páll Tryggvason skrifar
Hjúkrunarfræðinemar sem útskrifast í vor hyggjast ekki sækja um starf á Landspítalanum í sumar.
Hjúkrunarfræðinemar sem útskrifast í vor hyggjast ekki sækja um starf á Landspítalanum í sumar. Vísir/vilhelm
Alls vantar 290 hjúkrunarfræðinga til starfa til að manna fjármögnuð stöðugildi hjúkrunarfræðinga á heilbrigðisstofnunum á Íslandi. Samkvæmt mati framkvæmdastjóra hjúkrunar og hjúkrunarforstjóra vantar 523 hjúkrunarfræðinga til starfa samkvæmt áætlaðri þörf á hjúkrunarfræðingum.

Þetta kemur fram í nýútkominni skýrslu Félags íslenskra hjúkrunarfræðinga um vinnumarkað hjúkrunarfræðinga. Samkvæmt greiningu á vinnumarkaði hjúkrunarfræðinga eru einungis 69 prósent þeirra félagsmenn í Félagi íslenskra hjúkrunarfræðinga og starfa um þúsund hjúkrunarfræðingar við annað en hjúkrun. Þá er brottfall nýútskrifaðra hjúkrunarfræðinga úr starfi að meðaltali 15 prósent á undanförnum fimm árumhjúkrunarfræðingi við annað en hjúkrun.

Til að tryggja næga mönnun í hjúkrun og þar með öryggi sjúklinga og að draga úr dánarlíkum þeirra er nauðsynlegt að gripið verði til aðgerða hjá hinu opinbera og öðrum heilbrigðisstofnunum að mati Guðbjargar Pálsdóttur, formanns Félags íslenskra hjúkrunarfræðinga. Samkvæmt mannfjöldaspá mun íbúum 60 ára og eldri fjölga umtalsvert á komandi árum og eykur það enn frekar eftirspurn eftir heilbrigðisstarfsfólki.

Félag íslenskra hjúkrunarfræðinga leggur til að brugðist verði við skorti á hjúkrunarfræðingum með því að veita meira fé til menntunar hjúkrunarfræðinga og hækka laun þeirra til samræmis við aðra opinbera starfmenn. Þá þarf að leita leiða til að draga úr vinnuálagi og bæta starfsumhverfi til þess að sporna gegn skertu starfshlutfalli hjúkrunarfræðinga, en það er að meðaltali 71 prósent, og talið mega rekja til starfsumhverfis, vinnufyrirkomulags, vinnutíma og álags í starfi.


Tengdar fréttir

Landlæknir telur heilbrigðiskerfið verulega brotakennt

Birgir Jakobsson, landlæknir, segir í Víglínunni á Stöð 2 að sérfræðimönnun sé ábótavant á landspítalanum, kerfið sé brotakennt og þróun þess ekki sambærileg þeirri sem orðið hefur í nágrannalöndum okkar.




Fleiri fréttir

Sjá meira


×