Valskonur keyrđu yfir Grindvíkinga í seinni hálfleiknum | Grindavík falliđ

 
Körfubolti
19:34 15. MARS 2017
Dagbjört Dögg Karlsdóttir lék vel fyrir Valsliđiđ í kvöld.
Dagbjört Dögg Karlsdóttir lék vel fyrir Valsliđiđ í kvöld. VÍSIR/STEFÁN

Valur vann öruggan fimmtán stiga sigur á Grindavík, 83-68, í fyrsta leik kvöldsins í 26. umferð Domino´s deildar kvenna í körfubolta.

Valsliðið er fjórum stigum á eftir Stjörnuliðinu í baráttunni um fjórða og síðasta sætið í úrslitakeppninni. Grindavík er áfram í neðsta sæti deildarinnar og með þessum úrslitum er ljóst að liðið er fallið í 1. deild.

Grindavík getur nú bara náð Haukum að stigum en verður alltaf neðar í töflunni á lélegri árangri í innbyrðisleikjum liðanna.  Haukar unnu Grindavík þrisvar sinnum í vetur.

Grindvíkurkonur unnu sinn fyrsta leik á árinu í síðasta leik og byrjuðu mjög vel á Hlíðarenda í kvöld.

Grindavík var þannig átta stigum yfir eftir fyrsta leikhlutann, 26-18, og með sjö stiga forystu í hálfleik, 46-39.

Valskonur vöknuðu eftir hálfleiksræðu Ara Gunnarssonar þjálfara síns og töku öll völd í seinni hálfleiknum.

Valsliðið vann þriðja leikhlutann 23-14 og svo lokaleikhlutann 21-8 þar sem ekki stóð steinn yfir steini í leik gestanna úr Grindavík.

Mia Loyd átti enn einn stórleikinn með Val en hún endaði með 34 stig, 15 fráköst og 5 stoðsendingar. Hallveig Jónsdóttir skoraði 14 stig og Dagbjört Dögg Karlsdóttir var með 12 stig og 4 stoðsendingar.

Angela Marie Rodriguez skoraði 18 stig fyrir Grindavík og Íris Sverrisdóttir var með 17 stig.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Valskonur keyrđu yfir Grindvíkinga í seinni hálfleiknum | Grindavík falliđ
Fara efst