Innlent

Vaka kynnir framboðslista sinn til Stúdentaráðs

Stefán Árni Pálsson skrifar
Á myndinni eru þeir sem leiða lista á hverju sviði. Frá vinstri: Páll Óli Ólason, Aldís Mjöll Geirsdóttir, Aron Ólafsson, Guðrún Edda Reynisdóttir og Egill Þór Jónsson.
Á myndinni eru þeir sem leiða lista á hverju sviði. Frá vinstri: Páll Óli Ólason, Aldís Mjöll Geirsdóttir, Aron Ólafsson, Guðrún Edda Reynisdóttir og Egill Þór Jónsson. mynd/aðsend
Vaka félag lýðræðissinnaðra stúdenta við Háskóla Íslands hefur kynnt framboðslista sína til Stúdentaráðs í ár en þetta kemur fram í tilkynningu frá Vöku. Félagið er í meirihluta í Stúdentaráði en Vaka á 19 fulltrúa í Stúdentaráði af 27.

Vaka fagnar 80 ára afmæli sínu þann 4. febrúar næstkomandi en með félagið í broddi fylkingar í Stúdentaráði í gegnum árin hafa fjölmargir sigrar unnist. Í tilkynningunni segir að  Vökuliðar hafi staðið til að mynda fyrir skönnun gamalla prófa á sínum tíma, Vaka hafi komið Félagsstofnun stúdenta á stokkinn árið 1968 og forrituðu rafrænu stúdentakortin sem allir háskólanemar nýta í dag.

„Á síðastliðnum árum hefur Vaka áorkað miklu; meðal annars opnaði Stúdentakjallarinn 1. desember 2012, nýir stúdentagarðar voru teknir í notkun árið 2013 auk þess sem Stúdentaráð höfðaði mál gegn ríkinu þegar Lánasjóður íslenskra námsmanna hugðist breyta úthlutunarreglum sínum með stuttum fyrirvara og sigraði. Árið 1990 fór Vaka í átak sem miðaði að því að slíta pólitíkina úr starfi Stúdentaráðs. Félagið er óflokkspólitískt afl og starfar einungis eftir stefnu sem miðar að því að tryggja hagsmuni þess fjölbreytta hóp einstaklinga sem sækir nám við Háskóla Íslands,“ segir í tilkynningunni.

Vaka býður fram fjölbreyttan hóp öflugra einstaklinga á stórafmælisári sínu, fjölmargir frambjóðenda sitja í Stúdentaráði nú í ár en auk þeirra eru öflugir nýliðar sem eru að stíga sín fyrstu skref í hagsmunabaráttunni. Á Facebook síðu félagsins má nálgast myndir af öllum frambjóðendum ársins.



Félagvísindasvið:

1. Egill Þór Jónsson, félagsfræði

2. Matthildur Þórðardóttir, stjórnmálafræði

3. Áslaug Björnsdóttir, lögfræði

4. Tryggvi Másson, viðskiptafræði

5. Lilja Gylfadóttir, viðskiptafræði

6. Ragnheiður Harpa Haraldsdóttir, mannfræði

7. Kristófer Már Maronsson, hagfræði

Verkfræði- og náttúruvísindasvið:

1. Aron Ólafsson, ferðamálafræði

2. Elísabet Ýr Sigurðardóttir, tölvunarfræði

3. Ásmundur Þrastarson, umhverfis- og byggingarverkfræði

4. Hilmar Steinn Gunnarsson, vélaverkfræði

5. Kristbjörg Anna Þórarinsdóttir, eðlisfræði

Hugvísindasvið

1. Aldís Mjöll Geirsdóttir, ritlist

2. Jóhanna Gunnþóra Guðmundsdóttir, heimspeki

3. Atli Jasonarson, íslenska

4. Jami Ashley Kirby, íslenska sem annað mál

5. Elísabet Blöndal, franska

Heilbrigðisvísindasvið:

1. Páll Óli Ólason, læknisfræði

2. Silja Rán Guðmundsdóttir, sálfræði

3. Sunneva Björk Gunnarsdóttir, hjúkrunarfræði

4. Jóhanna Dröfn Stefánsdóttir, læknisfræði

5. Steinþór Kristjánsson, sálfræði

Menntavísindasvið:

1. Guðrún Edda Reynisdóttir, tómstunda- og félagsmálafræði

2. Andri Rafn Ottesen, kennslufræði

3. Eyja Eydal, uppeldis- og menntunarfræði

4. Tanja Kristín Leifsdóttir, kennslufræði

5. Ingimar Guðmundsson, tómstunda- og félagsmálafræði








Fleiri fréttir

Sjá meira


×