Jól

Útstilling Geysis best skreytti glugginn

Bjarki Ármannsson skrifar
Aðalsteinn Árnason, formaður miðbæjarsamtakanna á Akureyri, og Eiríkur Björn veita Björgu verðlaunin í dag.
Aðalsteinn Árnason, formaður miðbæjarsamtakanna á Akureyri, og Eiríkur Björn veita Björgu verðlaunin í dag. Mynd/Akureyrarbær
Útstillingar í versluninni Geysi á Akureyri hlutu nafnbótina „Best skreytti glugginn í miðbæ Akureyrar“ fyrr í dag. Eiríkur Björn Björgvinsson, bæjarstjóri Akureyrar, afhenti Björgu Mörtu Gunnarsdóttur, verslunarstjóra Geysis á Akureyri, verðlaun af því tilefni.

Í fréttatilkynningu er „einfaldleiki skreytingarinnar, frumleg hönnun og skemmtilega myndræn framsetning,“ sögð hafa heillað dómnefndina. Hönnuðurinn Þórunn Árnadóttir á heiðurinn af gluggaskreytingum Geysis í ár.

Svokallað aðventuævintýri stendur nú yfir í miðbæ Akureyrar. Á morgun verður leikin tónlist í göngugötunni og gamlar jóla- og vetrarmyndir úr miðbænum frá Minjasafninu á Akureyri verða sýndar á húsvegg verslunarinnar Eymundsson.






×