Útibú verða sameinuð

Útibú Landsbankans og þau sem áður heyrðu undir Sparisjóð Vestmannaeyja á Höfn og Selfossi verða sameinuð frá og með deginum í dag, mánudeginum 27. apríl.

Útibúin verða til að byrja með rekin í húsnæði Landsbankans á þessum stöðum, en að loknum lagfæringum á Höfn mun bankinn flytja starfsemi sína í húsnæði sparisjóðsins. Við sameiningu útibúa á Selfossi og Höfn hætta 6 starfsmenn.

Ákveðið hefur verið að reka áfram afgreiðslur á Breiðdalsvík og á Djúpavogi.