Íslenski boltinn

Úrvalslið mótsins að mati Pepsi-markanna: 5 leikmenn úr FH

Kristinn Páll Teitsson skrifar
Atli Guðnason hefur verið tíður gestur í úrvalsliði Pepsi-deildarinnar undanfarin ár.
Atli Guðnason hefur verið tíður gestur í úrvalsliði Pepsi-deildarinnar undanfarin ár. Vísir/Þórdís
Sérfræðingarnir í Pepsi-mörkunum völdu úrvalslið ársins í sérstökum uppgjörsþætti á Stöð 2 Sport í kvöld en fimm leikmenn koma úr Íslandsmeistaraliði FH.

FH á flesta aðila í liðinu en með varamannabekknum er Breiðablik með fjóra leikmenn, Valur með fjóra, ÍA með tvo, KR, Fjölnir og ÍBV með einn.

FH-ingar eiga fimm aðila í byrjunarliðinu, Pétur Viðarsson og Jonathan Hendrickx í vörninni og Davíð Þór Viðarsson, Emil Pálsson og Atla Guðnason á miðjunni.

Gunnleifur Gunnleifsson er í liðinu ásamt Kristni Jónssyni og Oliver Sigurjónssyni en Breiðablik fékk aðeins 13 mörk á sig í sumar.

Thomas Guldborg Christiansen, fyrrum leikmaður Vals, er í liðinu þrátt fyrir að hafa aðeins leikið 13 leiki í Pepsi-deildinni en hann í byrjarliðinu ásamt Kristini Frey Sigurðssyni og Patrick Pedersen.

Þá eru framherjarnir sem tóku silfur- og bronsskóinn, Jonathan Glenn og Garðar Gunnlaugsson á bekknum ásamt Skúla Jóni Friðgeirssyni, Bjarna Ólafi Eiríkssyni, Kennie Chopart, Jose Enrique Sito og Árna Snæ Ólafssyni.

Pedersen er í fremstu víglínu í liðinu.Vísir/Vilhelm
Lið ársins 2015

 

Markmaður: Gunnleifur Gunnleifsson, Breiðablik

Miðverðir: Pétur Viðarsson, FH og Thomas Guldborg Christensen Valur

Vinstribakvörður: Kristinn Jónsson, Breiðablik

Hægri bakvörður: Jonathan Hendrickx, FH

Miðjumenn: Oliver Sigurjónsson, Breiðablik og Davíð Þór Viðarsson, FH

Holan fyrir framan miðjumenn: Kristinn Freyr Sigurðsson, Val

Hægri vængur: Emil Pálsson, Fjölnir/FH

Vinstri vængur: Atli Guðnason, FH

Framherji: Patrick Pedersen Val

 

Varamenn:

Árni Snær Ólafsson, ÍA (VM)

Skúli Jón Friðgeirsson, KR

Jonathan Glenn, ÍBV/Breiðablik

Bjarni Ólafur Eiríksson, Valur

Garðar Gunnlaugsson, ÍA

Kennie Chopart, Fjölnir

Jose Enrique Sito, ÍBV


Tengdar fréttir

Oliver efnilegastur að mati Pepsi-markanna

Oliver Sigurjónsson, miðjumaður Breiðabliks, var í kvöld valinn besti ungi leikmaður Pepsi-deildarinnar á nýafstöðnu tímabili af sérfræðingum Pepsi-markanna




Fleiri fréttir

Sjá meira


×