FIMMTUDAGUR 30. MARS NÝJAST 23:48

Segja bréf May fela í sér hótanir

FRÉTTIR

Úrslitaleikurinn hjá stelpunum hefst ekki fyrr en klukkan 20.30

 
Íslenski boltinn
14:30 20. FEBRÚAR 2017
Valur og Fylkir spila til úrslita í ár.
Valur og Fylkir spila til úrslita í ár. VÍSIR/DANÍEL

Úrslitaleikur Reykjavíkurmóts kvenna í fótbolta er ekki spilaður á venjulegum tíma í ár. Leiknum mun ljúka í kringum hálf ellefu um kvöld.

Fylkir og Valur spila um Reykjavíkurmeistaratitil kvenna í ár og fer leikurinn fram í Egilshöllinni fimmtudagskvöldið 23. febrúar næstkomandi.

Karlarnir léku sinn úrslitaleik á mánudagskvöldið var og unnu Valsmenn þá 1-0 sigur á Fjölni.Karlaleikurinn hófst klukkan 19.00 en úrslitaleikur stelpnanna hefst ekki fyrr en klukkan 20.30.

Þetta er fjórða árið í röð sem stelpurnar spila sérstakan úrslitaleik í Reykjavíkurmótinu en árin á undan vannst titilinn í deildarkeppni þar sem allir spiluðu við alla.

Leiktími úrslitaleiksins í ár sker sig algjörlega úr á meðal leiktíma úrslitaleikja Reykjavíkurmótsins undanfarin fjögur ár.

Valskonur spiluðu reyndar leik upp á líf eða dauða í Reykjavíkurmótinu svo seint á dögunum því undanúrslitaleikur KR og Vals hófst klukkan 20.45. Ástæðan var að báðir undanúrslitaleikirnir fóru fram það kvöld og leikur Fylkis og Fjölnis var á undan eða klukkan 18.45.

Það verður örugglega ekki mikið um ungar knattspyrnukonur í Egilshöll í úrslitaleiknum á fimmtudagskvöldið en útivistartími barna yngri en 12 ára er til 20:00 á vetrum en fyrir ungmenni 13 til 16 ára er það til 22:00 yfir vetrartímann.

Tími á úrslitaleikjum Reykjavíkurmóts karla og kvenna undanfarin ár
2017: Karlar (19.00) - Konur (20.30)
2016: Karlar (19.00) - Konur (18.45)
2015: Karlar (19.00) - Konur (19.00)
2014: Karlar (19.00) - Konur (19.00)


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Íslenski boltinn / Úrslitaleikurinn hjá stelpunum hefst ekki fyrr en klukkan 20.30
Fara efst