MIĐVIKUDAGUR 24. ÁGÚST NÝJAST 22:44

Var látinn ţegar bifreiđin fannst

FRÉTTIR

Upplýsinga beđiđ úr svörtu kössunum

 
Erlent
06:00 10. FEBRÚAR 2016
Hrikaleg ađkoma var á slysstađ í Bćjaralandi í gćrmorgun ţar sem tvćr lestir rákust framan á hvor ađra á fullri ferđ. Ţá var óhćgt um vik fyrir björgunarliđ ţví enginn vegur liggur á stađinn. Lán var ţó í óláni ađ fćrri börn voru um borđ en alla jafna út af vetrarfrídögum vegna yfirstandandi kjötkveđjuhátíđar.
Hrikaleg ađkoma var á slysstađ í Bćjaralandi í gćrmorgun ţar sem tvćr lestir rákust framan á hvor ađra á fullri ferđ. Ţá var óhćgt um vik fyrir björgunarliđ ţví enginn vegur liggur á stađinn. Lán var ţó í óláni ađ fćrri börn voru um borđ en alla jafna út af vetrarfrídögum vegna yfirstandandi kjötkveđjuhátíđar. VISIR/EPA

Þýskaland Að minnsta kosti tíu manns létu lífið og sautján slösuðust alvarlega þegar tvær járnbrautarlestir rákust á í Þýskalandi í gærmorgun. Tölurnar miða við stöðuna síðdegis í gær. Sextíu og þrír hlutu minni meiðsli.
Þetta er eitt versta lestarslys í sögu Þýskalands.

Orsakir árekstursins voru enn óljósar í gær, en beðið var upplýsinga úr svörtu kössunum svokölluðu úr báðum lestunum. Í hvorri lest eru þrír kassar með búnaði sem skráir allar upplýsingar um ferðir lestanna. Síðdegis í gær var búið að finna tvo kassanna.

Áreksturinn varð skammt frá bænum Bad Aibling í Bæjaralandi, ekki langt suðaustur af München, á kafla þar sem lestarteinarnir eru einfaldir þannig að ekki er hægt að mætast.

Engin skýring hafði í gær fengist á því hvers vegna báðar lestirnar voru þar á ferðinni á móti hvor annarri. Þær virtust hafa lent saman á fullri ferð, án þess að reynt hafi verið að hægja á, því fremsti vagn annarrar lestarinnar klauf hliðina af fremsta vagni hinnar lestarinnar.
Lestarstjórarnir hafi því varla haft nokkra vitneskju um að önnur lest væri að nálgast.




Joachim Hermann innanríkisráđherra landstjórnarinnar í Bćjaralandi
Joachim Hermann innanríkisráđherra landstjórnarinnar í Bćjaralandi

Ef báðar lestirnar hefðu verið á áætlun, á leiðinni milli Kolber­moor og Rosenheim, þá hefði önnur verið komin af einföldu brautarleiðinni áður en hin færi inn á hana.
„Nú þarf að rannsaka af hverju vikið var frá áætluninni,“ höfðu þýskir fjölmiðlar í gær eftir Joa­chim Hermann, innanríkisráðherra landstjórnarinnar í Bæjaralandi.
Ekki var vitað nákvæmlega á hvaða hraða lestunum var ekið, en hámarkshraði á þessum stað er 100 kílómetrar á klukkustund, en þarna er lestunum ekið um skóglendi þar sem útsýni fram eftir teinunum er lítið.

Í Bæjaralandi eru þessa dagana vetrarfrídagar vegna kjötkveðjuhátíðar, sem varð til þess að óvenju fá skólabörn voru á ferðinni með lestunum.
Björgunarfólk var komið að slysstaðnum innan fárra mínútna eftir að slysið varð, en erfitt var að komast að slysstaðnum þar sem teinarnir lágu þar á milli skóglendis og árinnar Mangfall, sem rennur fram hjá Bad Aibling til bæjarins Rosenheim, sem er þar skammt frá.
Um fimm hundruð manna björgunarlið var á staðnum, en notast þurfti við þyrlur til að ná látnum og slösuðum af slysstaðnum vegna þess að þangað liggur enginn akvegur.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Upplýsinga beđiđ úr svörtu kössunum
Fara efst