Viðskipti innlent

Unnsteinn Guðmundsson hlaut Svifölduna

Stefán Árni Pálsson skrifar
Sigurvegarinn fékk að auki 500 þúsund króna peningaverðlaun.
Sigurvegarinn fékk að auki 500 þúsund króna peningaverðlaun. vísir/aðsend
Í dag voru veitt verðlaun Sjávarútvegsráðstefnunnar fyrir framúrstefnuhugmynd árið 2014 en að þessu sinni að þessu sinni hlaut Unnsteinn Guðmundsson, frá 4fish ehf. Grundarfirði, verðlaunagripinn Svifölduna.

Sigurvegarinn fékk að auki 500 þúsund króna peningaverðlaun. Í ár bárust 12 hugmyndir en hugmynd sigurvegarans felst í því að skera sporð af bolfiski fyrir flökun og samkvæmt upplýsingum í umsókn þá hefur þessi litla aðgerð víðtæk og mikil áhrif á gæði flökunar í flökunarvélum.

Hugmynd sem hefur verið framkvæmd og prófuð í 7 mánuði hjá fiskvinnslu G.Run h/f í Grundarfirði með góðum árangri og felst í því að sporðskera fisk fyrir flökun og leysir þannig ákveðið vandamál sem þekkt er í öllum gerðum flökunarvéla.

Vélin getur skorið 500 gr. til 18 kg fisk í sömu aðgerðinni án þess að stilla þurfi á milli og tekur yfir allan þann stærðarskala sem þörf er á fyrir framleiddar flökunarvélar, einföld mæling á sporðskurðarvél tryggir hámarks nýtingu óháð stærð fisks.

Í tilraunarvinnslu hefur þessi aðgerð aukið verðmætasköpun í vinnslu umtalsvert, lægra hlutfall fer í blokk og marning, afköst í vinnslu hafa aukist um ríflega fjórðung, þar sem flökunargallar hafa minnkað um meira en helming.






Fleiri fréttir

Sjá meira


×