Ungar KR-stúlkur njóta góđs af styrkjum framtíđarsjóđs

 
Sport
16:14 17. FEBRÚAR 2016
Sigrún Skarphéđinsdóttir, ţjálfari yngri flokka í körfubolta, Guđjón Guđmundsson, formađur stjórnar Framtíđarsjóđs KR, Gylfi Ađalsteinsson formađur KR, Ţóra Passauer, stjórn knattspyrnudeildar, Guđrún Kristmundsdóttir formađur körfuknattleiksdeildar, og úr yngri flokkum KR í knattspyrnu og körfubolta stúlkna: Jasmín, Ragna, Íris, Írena, Helena, Ţorbjörg, Aríanna, Guđrún, Helga, Ásdís, Auđur og Sigrún.
Sigrún Skarphéđinsdóttir, ţjálfari yngri flokka í körfubolta, Guđjón Guđmundsson, formađur stjórnar Framtíđarsjóđs KR, Gylfi Ađalsteinsson formađur KR, Ţóra Passauer, stjórn knattspyrnudeildar, Guđrún Kristmundsdóttir formađur körfuknattleiksdeildar, og úr yngri flokkum KR í knattspyrnu og körfubolta stúlkna: Jasmín, Ragna, Íris, Írena, Helena, Ţorbjörg, Aríanna, Guđrún, Helga, Ásdís, Auđur og Sigrún. MYND/AĐSEND

Knattspyrnufélag Reykjavíkur, KR, hélt upp á 117 ára afmæli sitt í gær og af því tilefni var tveimur styrkjum úr Framtíðarsjóði KR deilt út.

Ungar knattspyrnu- og körfuboltastúlkur í KR njóta góðs af því en styrkirnir námu samtals hálfri milljón króna.

Fréttatilkynningu Framtíðarsjóðs KR má lesa hér fyrir neðan:

„Framtíðarsjóður KR úthlutar styrkjum á 117 ára afmæli KR

KR fagnaði 117 ára afmæli sínu í gær, 16. febrúar.  Framtíðarsjóður KR, sem ætlað er að styðja við framgang félagsins til lengri tíma litið, úthlutaði af því tilefni tveimur styrkjum.

Styrkirnir nema samtals um hálfri milljón króna. Annar styrkurinn mun renna til tækjakaupa sem nýtast við þjálfun stúlkna í körfubolta, en hinn verður nýttur í kynningarátak sem miðar að því að fjölga stúlkum meðal iðkenda í knattspyrnu.

Gylfi Aðalsteinsson formaður KR og Guðjón Guðmundsson, formaður stjórnar Framtíðarsjóðs KR, afhentu forsvarsmönnum yngri flokka KR í körfubolta og knattspyrnu styrkina í kaffisamsæti í KR-heimilinu í gær. Viðstaddar voru einnig hressar körfubolta- og knattspyrnustúlkur úr yngri flokkum KR.

Um Framtíðarsjóð KR:

Framtíðarsjóður KR, sem settur var á stofn fyrir nokkrum árum, er sjálfseignarstofnun. Framlög í Framtíðarsjóð KR mynda höfuðstól sem skerðist ekki og vex með nýjum framlögum. Aðeins má nota ávöxtun sjóðsins, umfram verðbólgu, til úthlutunar til verkefna sem teljast stuðla að framtíðarheill félagsins, s.s. uppbyggingar og þróunar á starfsemi og aðstöðu. Markmið Framtíðarsjóðs KR er að verða með tíð og tíma hornsteinn félagsins alls, varanlegur grunnur fyrir framþróun félagsins um ókomin ár. Framlög í Framtíðarsjóð KR geta verið í ýmsu formi styrkja og gjafa, s.s. afmælisgjafa, arfs, minningarkorta, í tengslum við skipulögð söfnunarátök, eingreiðslur eða mánaðarlegar stuðningsgreiðslur. Framlög í framtíðarsjóðinn eru eyrnamerkt þeim aðila, einstaklingi eða félagi, sem stendur að framlaginu. Velunnarar félagsins, sem leggja vilja framtíð KR lið, geta nálgast nánari upplýsingar um Framtíðarsjóð KR á vef félagsins, KR.is.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Ungar KR-stúlkur njóta góđs af styrkjum framtíđarsjóđs
Fara efst