Viðskipti innlent

Under Armour opnar í Kringlunni

Samúel Karl Ólason skrifar
Mynd/Altis
Samningur hefur verið undirritaður á milli ALTIS, Reita og Rekstrarfélags Kringlunnar. Til stendur að opna Under Armour versluna í Kringlunni þann 11. ágúst. Nú þegar er ein Under Armour verslun rekin í Hafnarfirði. Í tilkynningu frá Altis segir að nýja verslunin muni bjóða upp á mikið úrval af íþróttavörum á börn og fullorðna.



„Við trúum því að þessi viðbót eigi eftir að leggjast vel í viðskiptavini okkar enda er Under Armour eitt vinsælasta vörumerki í sportfatnaði í dag. Við viljum bjóða viðskiptavinum Kringlunnar sem fjölbreyttast val þegar kemur að verslun, veitingum og þjónustu og þetta er einn liðurinn í því,“ segir Sigurjón Örn Þórsson, framkvæmdastjóri Kringlunnar.






Fleiri fréttir

Sjá meira


×