Umræða um umdeilt mark Árna

Umdeilt atvik átti sér stað í leik Breiðabliks og Fram í 16. umferð Pepsi-deildar karla á mánudaginn var. Framarar áttu aukaspyrnu, Hafsteinn Briem rúllaði boltanum til baka á Denis Cardaklija, markvörð Fram, og ætlaði honum að taka spyrnuna.

Árni Vilhjálmsson aftur á móti hljóp að boltanum, tók hann og skoraði nánast í autt markið. Ívar Orri Kristjánsson sá ekkert athugavert og dæmdi markið gilt. Framarar voru ósáttir en Blikar fögnuðu eftir þessa ótrúlegu atburðarrás.

Í myndbandinu hér að neðan má sjá hvað sérfræðingar Pepsi-markanna, Þorvaldur Örlygsson og Tómas Ingi Tómasson, höfðu um þetta umdeilda atvik að segja.