Umfjöllun og viðtöl: Þór Þorl. - Njarðvík 83-70 | Njarðvík ekki í úrslitakeppnina Eiríkur Stefán Ásgeirsson skrifar 9. mars 2017 21:45 Tobin Carberry skoraði 22 stig. vísir/eyþór Njarðvík mun ekki keppa í úrslitakeppninni í Domino's-deild karla en það varð ljóst eftir tap liðsins fyrir Þór í Þorlákshöfn í kvöld. Njarðvíkingar hafa ekki misst af úrslitakeppninni síðan 1993 og niðurstaðan því söguleg. Þór var með undirtökin lengst af í leiknum en þegar skammt var eftir náðu gestirnir að jafna metin. Þór svaraði með tveimur þriggja stiga körfum með skömmu millibili og það bil náðu Njarðvíkingar aldrei að brúa. Bæði lið hafa oft spilað betur en í þessum leik enda mikilvægi leiksins mikið. Það var sérstaklega mikið fyrir Njarðvíkinga sem voru flestir á afturfótunum í slöppum fyrri hálfleik. Aðeins Logi Gunnarsson virtist í sambandi en hann skoraði meira en helming stiga síns liðs í fyrri hálfleik, sem voru þó ekki nema 36 talsins. Njarðvíkingar svöruðu betur fyrir sig í síðari hálfleik með betri varnarleik og náðu að jafna metin seint í fjórða leikhluta. Leikurinn virtist vera að sveiflast í átt með Njarðvíkingum þegar heimamenn gerðu sér lítið fyrir og gerðu út um leikinn utan þriggja stiga línunnar á lokamínútunum. Njarðvíkingar voru einfaldlega rotaðir í blálok leiksins.Af hverju vann Þór? Liðsheildin var mun sterkari hjá heimamönnum og margir sem lögðu sitt af mörkum. Í raun hefðu heimamenn átt að gera út um leikinn miklu fyrr en klaufagangur réði því að þeir hleyptu Njarðvíkingum aftur inn í leikinn á viðkvæmum tímapunkti. En heimamenn náðu að sýna styrk sinn með því að taka aftur völdin seint í leiknum og vann að lokum sannfærandi sigur á liði sem er með öflugan Loga Gunnarsson innanborðs. Það er ekki öllum gefið.Bestu menn vallarins Tobin Carberry var sem fyrr áberandi í leik Þórs en hitti illa í kvöld. Tíu skot geiguðu í teignum og hefðu betri lið en Njarðvík refsað fyrir það í kvöld. Gömlu Njarðvíkingarnir Ólafur Helgi Jónsson og Majiec Baginski voru í lykilhlutverki í kvöld, sérstaklega í vörninni þar sem þeir reyndu hvað þeir gátu að hafa hemil á Loga. Báðir voru öflugir í sókn og skiluðu þeir hvor sextán stigum. Halldór Garðar Hermannsson skilaði einnig mikilvægum körfum, til að mynda þriggja stiga körfu undir lok leiks sem gerði endanlega út um leikinn. Logi Gunnarsson var langbesti maður Njarðvíkur í kvöld en Myron Dempsey vaknaði ekki fyrr en fremur seint í síðari hálfleik. Aðrir voru langt frá sínu besta, því miður fyrir Njarðvíkurliðið í kvöld.Tölfræðin sem vakti athygli Logi setti niður fleiri þrista (5) í leiknum en allir aðrir leikmenn Njarðvíkur til samans (4). Munurinn var enn meira sláandi í fyrri hálfleik þar sem Logi hafði sett niður jafn mörg skot úr opnum leik og allir liðsfélagarnir til samans.Hvað gekk illa? Logi og Dempsey voru báðir með meira en 50 prósenta skotnýtingu í kvöld en það vekur óneitanlega athygli að hinir þrír byrjunarliðsmenn Njarðvíkur - Snjólfur, Jóhann Árni og Björn hittu samtals úr átta af 27 skotum í kvöld.Þór Þ.-Njarðvík 83-70 (25-19, 19-17, 18-19, 21-15) Þór Þ.: Tobin Carberry 22/10 fráköst, Maciej Stanislav Baginski 16/8 fráköst, Ólafur Helgi Jónsson 16, Halldór Garðar Hermannsson 13, Grétar Ingi Erlendsson 6, Emil Karel Einarsson 6/6 fráköst, Ragnar Örn Bragason 4/5 fráköst. Njarðvík: Logi Gunnarsson 27, Myron Dempsey 18/8 fráköst/6 stoðsendingar, Johann Arni Olafsson 10/5 fráköst, Björn Kristjánsson 7, Snjólfur Marel Stefánsson 6/9 fráköst, Jeremy Martez Atkinson 2.Logi: Erfitt að kyngja þessu Logi Gunnarsson var vitanlega svekktur í leikslok eftir að ljóst varð að Njarðvík yrði ekki með í úrslitakeppni efstu deildar karla í fyrsta sinn síðan 1993. „Ég spilaði mitt fyrsta tímabil með Njarðvík árið 1997 og síðan þá hef ég alltaf verið í að minnsta kosti í undanúrslitum og unnið marga titla þau ár sem ég hef verið með liðinu,“ sagði hann við Vísi eftir leikinn í kvöld. „En svona er þetta bara. Þetta varð raunin í þetta árið. Við vorum í erfiðleikum í upphafi tímabilsnis og það kom í bakið á okkur núna. Þessu þurfum við bara að kyngja en það er erfitt.“ Logi segir að liðið hafi ekki hitt á góðan dag í Þorlákshöfn í kvöld. „Við hittum illa en vorum samt að fá fín skot. Varnarleikurinn var ekki nógu góður hjá okkur heldur.“ „En samt náðum við að jafna leikinn en þeir svöruðu með tveimur þriggja stiga skotum. Þá var þetta erfitt.“ Hann segist hafa liðið vel í leiknum, þrátt fyrir að hafa verið með þá Ólaf Helga og Majiec Baginski á móti sér allan leikinn. „Ég var ekki að þröngva mér í nein skot og tók bara það sem mér bauðst. Svo reyndi ég bara að spila vörn á Carberry eins og ég gat og það gekk ágætlega. En það var ekki nóg í dag.“ Logi á sjálfur nóg eftir og kvíðir ekki framtíðinni í Njarðvík. „Þeir koma á færibandi úr yngri flokkunum, öflugir leikmenn og við munum byggja á því sem fyrr. Við kvíðum engu.“Magic: Blendnar tilfinningar „Auðvitað eru þetta blendnar tilfinningar, þó svo að það eigi ekki að skipta mann máli hver andstæðingurinn er,“ sagði Majiec Baginski, Njarðvíkingurinn sem var svo öflugur í liði Þórs Þorlákshafnar í kvöld. Með sigri Þórs varð endanlega ljóst að Njarðvík kemst ekki í úrslitakeppni Domino's-deildar karla. Magic, eins og hann er kallaður, var settur á Loga Gunnarsson stærstan hluta leiksins og segir að það hafi verið erfitt að eiga við hann. „Hann er erfiður, þó svo að hann sé gamall - karlinn,“ sagði hann í léttum dúr. „Það var erfitt að spila gegn honum.“ Magic fékk sína fimmtu villu þegar rúmar tvær mínútur voru eftir af leiknum og mjótt á munum. „Ég hafði engar áhyggjur og treysti strákunum til að klára þetta.“ Þór mætir nú Grindavík í úrslitakeppninni og reiknar hann með erfiðri rimmu. „Það getur allt gerst í úrslitakeppninni og ég veit ekki hversu miklu máli skiptir að þeir eigi heimavallarréttinn. Við erum ekki endilega búnir að vera betri á heimavelli í vetur. Þetta er allt saman opið.“Daníel Guðni: Mér líður ömurlega Daníel Guðni Guðmundsson, þjálfari Njarðvíkur, hefur áhuga á að halda áfram með liðið á næstu leiktíð. Daníel Guðni Guðmundsson, þjálfari Njarðvíkur, hefur áhuga á að halda áfram með liðið á næstu leiktíð. Þetta sagði hann eftir tapið gegn Þór Þorlákshöfn í kvöld. Njarðvík missir af sinni fyrstu úrslitakeppni í efstu deild karla síðan 1993 og segir þjálfarinn að það sé verulega sárt. „Mér líður ömurlega. Þetta er það erfiðasta sem hægt er að lenda í á körfuboltaferlinum. Við vissum að þetta yrði erfiður slagur en samt er maður orðlaus. Þetta er afar sárt.“ Daníel Guðni segir að leikmannamál hafi verið að þvælast fyrir liðinu í upphafi tímabilsins. „Það voru hrókeringar í upphafi árs sem voru erfiðar. Þetta hefði verið allt annað ef maður hefði haft þetta lið sem spilaði í kvöld frá upphafi leiktíðar.“ Hann segir óljóst hvað taki við hjá honum en hann myndi sjálfur kjósa að vera áfram með Njarðvíkurliðið. „Ég vona það. Það á eftir að halda aðalfund í deildinni og kjósa nýja stjórn. Þetta er ekki eitthvað sem ég ræð sjálfur. En þetta er lið sem á framtíðina fyrir sér og það er óskandi að það haldist saman á næstu árum.“Einar Árni: Finn til með þessum strákum Einar Árni Jóhannsson, þjálfari Þórs, þekkir vel til í Njarðvík þar sem hann er uppalinn og var áður þjálfari til margra ára. Hann stýrir nú Þór sem vann sigur á Njarðvík í kvöld. „Þórsarinn og keppnismaðurinn réðu för þar til flautað var til leiksloka. Þá finnur maður auðvitað til með þessum strákum. Ég hef þjálfað þá marga og er að kenna í skólanum í Njarðvík sjálfur. Þetta er auðvitað snúið,“ sagði Einar Árni eftir leikinn í kvöld. „Það er súrt í broti að Njarðvík sé ekki með í úrslitakeppninni í fyrsta sinn í öll þessi ár. Þó svo að Logi verðskuldi gott frí á hann ekki skilið að fara í sumarfrí svona snemma á árinu.“ Hann segist auðvitað fyrst og fremst stoltur og glaður með sitt lið, sem hafi klárað deildarkeppnina með tveimur erfiðum leikjum. „Við vorum að spila gegn lið sem voru að berjast fyrir lífi sínu og unnum þá báða. Það eru hættulegar aðstæður en við tækluðum þær vel.“ Þór mætir Grindavík í úrslitakeppninni og veit að það verður hörkurimma. „En við erum að koma inn í úrslitakeppnina með mikinn kraft eftir að hafa unnið þessa tvo leiki. Við höfðum verið í lægð eftir bikarkeppnina og þess vegna er ég svo ánægður með liðið núna.“ Dominos-deild karla Mest lesið Barnshafandi eftir langt ferli sem tók á andlega Íslenski boltinn Kári Vagn náði níu pílna leik og stefnir á Ally Pally Sport Ótrúlegur lækningamáttur í dalnum vekur furðu Íslenski boltinn Dæmd í bann eftir að ljúga til um krabbamein til að sleppa við bann Sport Einar Árni hættur hjá Hetti Körfubolti Segir að Ten Hag sé búinn að vera Enski boltinn Segir viðbrögð fjölmiðla til skammar Enski boltinn „Mér fannst ódýrt af Arnari að bera þetta saman“ Íslenski boltinn Losnar stjarna Aþenu úr frystiklefa Brynjars Karls? Körfubolti Fannst Pogba týna sjálfum sér eftir að hann varð heimsmeistari Enski boltinn Fleiri fréttir Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Losnar stjarna Aþenu úr frystiklefa Brynjars Karls? Skoraði 35 stig í fyrri hálfleik „Mér finnst þetta fullmikið“ Fær þriggja leikja bann fyrir pungspark á Hlíðarenda Kawhi-lausir Clippers í engum vandræðum með Mavericks Svanirnir hefja flug í úrslitakeppninni „Við algjörlega frusum“ „Maður harkar þetta bara af sér og heldur áfram fyrir liðið“ Uppgjörið: Stjarnan - Haukar 73 - 64 | Ótrúleg endurkoma tryggði Stjörnunni oddaleik Mætti eins og Gru í „Despicable Me“ og kláraði síðan Lakers Gaf á sjálfan sig, tróð með látum og fór svo meiddur af velli Úlfarnir með stórsigur í fyrsta leik gegn Suns Þórsarar unnu oddaleikinn og halda áfram í undanúrslit Öruggur sigur í fyrsta leik úrslitakeppninnar Miami og New Orleans síðustu liðin inn: Svona lítur úrslitakeppni NBA út „Við treystum á Remy og guð í kvöld“ „Ég elska Keflavík og ég elska Ísland“ „Særð dýr eru hættulegustu dýrin“ Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik „Fínt að enda þetta þannig að fólk fái eitthvað fyrir peninginn“ Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Uppgjör og viðtöl: Valur - Njarðvík 67-82 | Íslandsmeistararnir í sumarfrí Sjá meira
Njarðvík mun ekki keppa í úrslitakeppninni í Domino's-deild karla en það varð ljóst eftir tap liðsins fyrir Þór í Þorlákshöfn í kvöld. Njarðvíkingar hafa ekki misst af úrslitakeppninni síðan 1993 og niðurstaðan því söguleg. Þór var með undirtökin lengst af í leiknum en þegar skammt var eftir náðu gestirnir að jafna metin. Þór svaraði með tveimur þriggja stiga körfum með skömmu millibili og það bil náðu Njarðvíkingar aldrei að brúa. Bæði lið hafa oft spilað betur en í þessum leik enda mikilvægi leiksins mikið. Það var sérstaklega mikið fyrir Njarðvíkinga sem voru flestir á afturfótunum í slöppum fyrri hálfleik. Aðeins Logi Gunnarsson virtist í sambandi en hann skoraði meira en helming stiga síns liðs í fyrri hálfleik, sem voru þó ekki nema 36 talsins. Njarðvíkingar svöruðu betur fyrir sig í síðari hálfleik með betri varnarleik og náðu að jafna metin seint í fjórða leikhluta. Leikurinn virtist vera að sveiflast í átt með Njarðvíkingum þegar heimamenn gerðu sér lítið fyrir og gerðu út um leikinn utan þriggja stiga línunnar á lokamínútunum. Njarðvíkingar voru einfaldlega rotaðir í blálok leiksins.Af hverju vann Þór? Liðsheildin var mun sterkari hjá heimamönnum og margir sem lögðu sitt af mörkum. Í raun hefðu heimamenn átt að gera út um leikinn miklu fyrr en klaufagangur réði því að þeir hleyptu Njarðvíkingum aftur inn í leikinn á viðkvæmum tímapunkti. En heimamenn náðu að sýna styrk sinn með því að taka aftur völdin seint í leiknum og vann að lokum sannfærandi sigur á liði sem er með öflugan Loga Gunnarsson innanborðs. Það er ekki öllum gefið.Bestu menn vallarins Tobin Carberry var sem fyrr áberandi í leik Þórs en hitti illa í kvöld. Tíu skot geiguðu í teignum og hefðu betri lið en Njarðvík refsað fyrir það í kvöld. Gömlu Njarðvíkingarnir Ólafur Helgi Jónsson og Majiec Baginski voru í lykilhlutverki í kvöld, sérstaklega í vörninni þar sem þeir reyndu hvað þeir gátu að hafa hemil á Loga. Báðir voru öflugir í sókn og skiluðu þeir hvor sextán stigum. Halldór Garðar Hermannsson skilaði einnig mikilvægum körfum, til að mynda þriggja stiga körfu undir lok leiks sem gerði endanlega út um leikinn. Logi Gunnarsson var langbesti maður Njarðvíkur í kvöld en Myron Dempsey vaknaði ekki fyrr en fremur seint í síðari hálfleik. Aðrir voru langt frá sínu besta, því miður fyrir Njarðvíkurliðið í kvöld.Tölfræðin sem vakti athygli Logi setti niður fleiri þrista (5) í leiknum en allir aðrir leikmenn Njarðvíkur til samans (4). Munurinn var enn meira sláandi í fyrri hálfleik þar sem Logi hafði sett niður jafn mörg skot úr opnum leik og allir liðsfélagarnir til samans.Hvað gekk illa? Logi og Dempsey voru báðir með meira en 50 prósenta skotnýtingu í kvöld en það vekur óneitanlega athygli að hinir þrír byrjunarliðsmenn Njarðvíkur - Snjólfur, Jóhann Árni og Björn hittu samtals úr átta af 27 skotum í kvöld.Þór Þ.-Njarðvík 83-70 (25-19, 19-17, 18-19, 21-15) Þór Þ.: Tobin Carberry 22/10 fráköst, Maciej Stanislav Baginski 16/8 fráköst, Ólafur Helgi Jónsson 16, Halldór Garðar Hermannsson 13, Grétar Ingi Erlendsson 6, Emil Karel Einarsson 6/6 fráköst, Ragnar Örn Bragason 4/5 fráköst. Njarðvík: Logi Gunnarsson 27, Myron Dempsey 18/8 fráköst/6 stoðsendingar, Johann Arni Olafsson 10/5 fráköst, Björn Kristjánsson 7, Snjólfur Marel Stefánsson 6/9 fráköst, Jeremy Martez Atkinson 2.Logi: Erfitt að kyngja þessu Logi Gunnarsson var vitanlega svekktur í leikslok eftir að ljóst varð að Njarðvík yrði ekki með í úrslitakeppni efstu deildar karla í fyrsta sinn síðan 1993. „Ég spilaði mitt fyrsta tímabil með Njarðvík árið 1997 og síðan þá hef ég alltaf verið í að minnsta kosti í undanúrslitum og unnið marga titla þau ár sem ég hef verið með liðinu,“ sagði hann við Vísi eftir leikinn í kvöld. „En svona er þetta bara. Þetta varð raunin í þetta árið. Við vorum í erfiðleikum í upphafi tímabilsnis og það kom í bakið á okkur núna. Þessu þurfum við bara að kyngja en það er erfitt.“ Logi segir að liðið hafi ekki hitt á góðan dag í Þorlákshöfn í kvöld. „Við hittum illa en vorum samt að fá fín skot. Varnarleikurinn var ekki nógu góður hjá okkur heldur.“ „En samt náðum við að jafna leikinn en þeir svöruðu með tveimur þriggja stiga skotum. Þá var þetta erfitt.“ Hann segist hafa liðið vel í leiknum, þrátt fyrir að hafa verið með þá Ólaf Helga og Majiec Baginski á móti sér allan leikinn. „Ég var ekki að þröngva mér í nein skot og tók bara það sem mér bauðst. Svo reyndi ég bara að spila vörn á Carberry eins og ég gat og það gekk ágætlega. En það var ekki nóg í dag.“ Logi á sjálfur nóg eftir og kvíðir ekki framtíðinni í Njarðvík. „Þeir koma á færibandi úr yngri flokkunum, öflugir leikmenn og við munum byggja á því sem fyrr. Við kvíðum engu.“Magic: Blendnar tilfinningar „Auðvitað eru þetta blendnar tilfinningar, þó svo að það eigi ekki að skipta mann máli hver andstæðingurinn er,“ sagði Majiec Baginski, Njarðvíkingurinn sem var svo öflugur í liði Þórs Þorlákshafnar í kvöld. Með sigri Þórs varð endanlega ljóst að Njarðvík kemst ekki í úrslitakeppni Domino's-deildar karla. Magic, eins og hann er kallaður, var settur á Loga Gunnarsson stærstan hluta leiksins og segir að það hafi verið erfitt að eiga við hann. „Hann er erfiður, þó svo að hann sé gamall - karlinn,“ sagði hann í léttum dúr. „Það var erfitt að spila gegn honum.“ Magic fékk sína fimmtu villu þegar rúmar tvær mínútur voru eftir af leiknum og mjótt á munum. „Ég hafði engar áhyggjur og treysti strákunum til að klára þetta.“ Þór mætir nú Grindavík í úrslitakeppninni og reiknar hann með erfiðri rimmu. „Það getur allt gerst í úrslitakeppninni og ég veit ekki hversu miklu máli skiptir að þeir eigi heimavallarréttinn. Við erum ekki endilega búnir að vera betri á heimavelli í vetur. Þetta er allt saman opið.“Daníel Guðni: Mér líður ömurlega Daníel Guðni Guðmundsson, þjálfari Njarðvíkur, hefur áhuga á að halda áfram með liðið á næstu leiktíð. Daníel Guðni Guðmundsson, þjálfari Njarðvíkur, hefur áhuga á að halda áfram með liðið á næstu leiktíð. Þetta sagði hann eftir tapið gegn Þór Þorlákshöfn í kvöld. Njarðvík missir af sinni fyrstu úrslitakeppni í efstu deild karla síðan 1993 og segir þjálfarinn að það sé verulega sárt. „Mér líður ömurlega. Þetta er það erfiðasta sem hægt er að lenda í á körfuboltaferlinum. Við vissum að þetta yrði erfiður slagur en samt er maður orðlaus. Þetta er afar sárt.“ Daníel Guðni segir að leikmannamál hafi verið að þvælast fyrir liðinu í upphafi tímabilsins. „Það voru hrókeringar í upphafi árs sem voru erfiðar. Þetta hefði verið allt annað ef maður hefði haft þetta lið sem spilaði í kvöld frá upphafi leiktíðar.“ Hann segir óljóst hvað taki við hjá honum en hann myndi sjálfur kjósa að vera áfram með Njarðvíkurliðið. „Ég vona það. Það á eftir að halda aðalfund í deildinni og kjósa nýja stjórn. Þetta er ekki eitthvað sem ég ræð sjálfur. En þetta er lið sem á framtíðina fyrir sér og það er óskandi að það haldist saman á næstu árum.“Einar Árni: Finn til með þessum strákum Einar Árni Jóhannsson, þjálfari Þórs, þekkir vel til í Njarðvík þar sem hann er uppalinn og var áður þjálfari til margra ára. Hann stýrir nú Þór sem vann sigur á Njarðvík í kvöld. „Þórsarinn og keppnismaðurinn réðu för þar til flautað var til leiksloka. Þá finnur maður auðvitað til með þessum strákum. Ég hef þjálfað þá marga og er að kenna í skólanum í Njarðvík sjálfur. Þetta er auðvitað snúið,“ sagði Einar Árni eftir leikinn í kvöld. „Það er súrt í broti að Njarðvík sé ekki með í úrslitakeppninni í fyrsta sinn í öll þessi ár. Þó svo að Logi verðskuldi gott frí á hann ekki skilið að fara í sumarfrí svona snemma á árinu.“ Hann segist auðvitað fyrst og fremst stoltur og glaður með sitt lið, sem hafi klárað deildarkeppnina með tveimur erfiðum leikjum. „Við vorum að spila gegn lið sem voru að berjast fyrir lífi sínu og unnum þá báða. Það eru hættulegar aðstæður en við tækluðum þær vel.“ Þór mætir Grindavík í úrslitakeppninni og veit að það verður hörkurimma. „En við erum að koma inn í úrslitakeppnina með mikinn kraft eftir að hafa unnið þessa tvo leiki. Við höfðum verið í lægð eftir bikarkeppnina og þess vegna er ég svo ánægður með liðið núna.“
Dominos-deild karla Mest lesið Barnshafandi eftir langt ferli sem tók á andlega Íslenski boltinn Kári Vagn náði níu pílna leik og stefnir á Ally Pally Sport Ótrúlegur lækningamáttur í dalnum vekur furðu Íslenski boltinn Dæmd í bann eftir að ljúga til um krabbamein til að sleppa við bann Sport Einar Árni hættur hjá Hetti Körfubolti Segir að Ten Hag sé búinn að vera Enski boltinn Segir viðbrögð fjölmiðla til skammar Enski boltinn „Mér fannst ódýrt af Arnari að bera þetta saman“ Íslenski boltinn Losnar stjarna Aþenu úr frystiklefa Brynjars Karls? Körfubolti Fannst Pogba týna sjálfum sér eftir að hann varð heimsmeistari Enski boltinn Fleiri fréttir Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum Losnar stjarna Aþenu úr frystiklefa Brynjars Karls? Skoraði 35 stig í fyrri hálfleik „Mér finnst þetta fullmikið“ Fær þriggja leikja bann fyrir pungspark á Hlíðarenda Kawhi-lausir Clippers í engum vandræðum með Mavericks Svanirnir hefja flug í úrslitakeppninni „Við algjörlega frusum“ „Maður harkar þetta bara af sér og heldur áfram fyrir liðið“ Uppgjörið: Stjarnan - Haukar 73 - 64 | Ótrúleg endurkoma tryggði Stjörnunni oddaleik Mætti eins og Gru í „Despicable Me“ og kláraði síðan Lakers Gaf á sjálfan sig, tróð með látum og fór svo meiddur af velli Úlfarnir með stórsigur í fyrsta leik gegn Suns Þórsarar unnu oddaleikinn og halda áfram í undanúrslit Öruggur sigur í fyrsta leik úrslitakeppninnar Miami og New Orleans síðustu liðin inn: Svona lítur úrslitakeppni NBA út „Við treystum á Remy og guð í kvöld“ „Ég elska Keflavík og ég elska Ísland“ „Særð dýr eru hættulegustu dýrin“ Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik „Fínt að enda þetta þannig að fólk fái eitthvað fyrir peninginn“ Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Uppgjör og viðtöl: Valur - Njarðvík 67-82 | Íslandsmeistararnir í sumarfrí Sjá meira
Uppgjör og viðtöl: Höttur - Valur 97-102 | Valsmenn í undanúrslit eftir framlengdan leik á Egilsstöðum