Umfjöllun og viðtöl: Stjarnan - Valur 27-20 | Öruggur Stjörnusigur Guðmundur Marinó Ingvarsson skrifar 13. apríl 2016 13:51 Esther Viktoría Ragnarsdóttir, leikmaður Stjörnunnar. vísir/vilhelm Stjarnan lagði Val 27-20 í fyrsta leik liðanna í átta liða úrslitum Olís deildar kvenna á heimavelli í kvöld. Stjarnan lagði grunninn að sigrinum með frábærum fyrri hálfleik. Florentina Stanciu varði 12 skot í markinu eða 55% skota Vals auk þess sem Stjarnan refsaði Val fyrir nánast hvern tapaðan bolta og misheppnað skot úr dauðafæri með marki úr hraðaupphlaupi. Stjarnan var 17-9 yfir í hálfleik og reyndi Valur að brjóta leikinn upp með að taka tvo leikmenn úr umferð strax eftir hálfleikinn. Það virkaði varnarlega því sóknarmenn Stjörnunnar voru lengi að ná tökum á öllu því plássi sem sá varnarleikur býður upp á en Florentina kom í veg fyrir að Valur kæmist inn í leikinn með magnaðari markvörslu. Florentina varði mikinn fjölda dauðafæra í leiknum á sama tíma og Berglind Hansdóttir náði sér engan vegina á strik fyrir aftan afspyrnuslaka vörn Vals í fyrri hálfleik. Hanna Guðrún Stefánsdóttir sem er að leika á sinni 21. leiktíð var markahæst Stjörnunnar með 8 mörk. Hanna lék fyrst 16 ára gömul með Haukum tímabilið 1995/1996. Stjarnan náði að leysa framliggjandi vörn Vals þegar seinni hálfleikur var hálfnaður með Þórhildi Gunnarsdóttur og Esther Viktoríu Ragnarsdóttur í fararbroddi sem þvingaði Val til að færa vörnina aftur og í kjölfarið var ljóst að heimasætur tækju forystu í einvíginu. Stjarnan getur tryggt sér sæti í undanúrslitum með sigri þegar liðin mætast öðru sinni í Valshöllinni á laugardaginn en Valur þarf sigur þar til að knýja fram oddaleik. Halldór Harri: Urðum gráðugar„Það var góður kafli í fyrri hálfleik sem skilur að,“ sagði Halldór Harri Kristjánsson þjálfari Stjörnunnar eftir sigurinn í kvöld. „Við fengum góða vörn, góða markvörslu og nokkur hraðaupphlaup,“ og flóknara var það ekki. Stjarnan nýtti færin sín mjög vel í fyrri hálfleik á sama tíma og Valur fór mjög illa með sín. Valur reyndi svo að brjóta leikinn upp með að taka tvo úr umferð í seinni hálfleik. „Það kom upp svolítið stress. Það virðist allt vera opið þegar þú spilar fjórir á móti fjórum. Við urðum gráðugar og fórum að slútta of snemma. Svo náðum við smá tökum þá því áður en þær duttu aftur til baka.“ Þetta kom Stjörnunni samt ekki á óvart og fór Halldór Harri yfir það með liði sínu í hálfleik að Valur myndi eflaust reyna að brjóta leikinn upp. „Við ræddum þetta í klefanum í hálfleik að þær þurftu að gera eitthvað til að fá þetta upp. Við þurfum að bæta hvernig við tökum á því. „Ef þetta kemur upp aftur þá fagna ég því. Þetta var aðeins opið í byrjun en náðum ekki að skora og því hefðum við getað klárað þetta þannig. Það vantaði ekki færin,“ sagði Halldór Harri. Valur getur mögulega nagað sig í handarbökin yfir að hafa ekki nýtt færin sín betur í leiknum en Florentina Stanciu varði óhemju mörg skot af sex metrunum. „Flóra var virkilega góð í kvöld og dregur kraftinn úr þeim. Það voru nokkur hraðaupphlaup sem hún náði að stoppa og hleypti Val ekki almennilega inn í þetta.“ Kristín: Gerist ekki tvo leiki í röð„Við fengum fín færi sem við klúðrum. Við spiluðum ágætlega sóknarlega í byrjun en svo fer vörnin með þetta,“ sagði Kristín Guðmundsdóttir leikstjórnandi Vals. „Það klikka allir hlutir í vörninni. Allir þessir einföldu hlutir sem eiga ekki að vefjast fyrir okkur, þá gerum við ekki. Við hættum að treysta hverri annarri. „Við hlaupum þvers og kurrs í veg fyrir hverja aðra. Það verður rosalega langt á milli okkar. Manni leið eins og það væru þrír metrar í næsta mann, alveg frá horni og yfir í næsta horn,“ sagði Kristín um varnarleik Vals í fyrri hálfleik í kvöld. Valur fékk fjölda dauðafæri sem liðið fór illa með í kvöld og náði liðið ekki að nýta sér vandræðagang Stjörnunnar þegar Valur tók tvo úr umferð í seinni hálfleik. „Fyrstu 10 mínúturnar fáum við góð færi en köstum í belginn á henni. Við spiluðum sóknina vel og hratt en klúðrum. Svo var vörnin hræðileg og þá verður þetta erfitt. „Það er erfiðara að spila sóknarleik þegar vörnin er góð. „Við hefðum átt að minnka þetta í þrjú mörk á fyrstu 10 mínútunum í seinni hálfleik. Þær taka leikhlé snemma og við förum eiginlega að hlæja. Það átti greinilega ekki að gerast. „Við ákváðum að taka fyrstu fimm mínúturnar og krydda upp í þessu. Mjög líklega vorum við ekki að fara að vinna en við ætluðum ekki að kasta handklæðinu og nýta þetta sem góða æfingu og fá blóð á tennurnar. „Við náðum að vinna fullt af boltum og koma í bakið á þeim. Seinni hálfleikur var í sjálfu sér ágætur. Við náðum ekki að koma honum inn en það gerist ekki tvo leiki í röð,“ sagði Kristín en mikill munur var á markvörslu liðanna. Kristín sagði þó réttilega að það væri ekki við Berglindi Hansdóttur að sakast þó hún næði sér ekki á strik í kvöld. „Það er ekki henni að kenna. Markvarsla er 90% vörnin. Við vorum það lélegar að hún gat ekki treyst neinum sem við gerðum. Eðlilega er ekki hægt að verja meira.“ Kristín er bjartsýn fyrir annan leik liðanna sem verður í Valshöllinn á laugardaginn klukkan 16. „Við erum þekktar fyrir að spila best undir pressu. Við erum gamlar og lúnar og fólki finnst fínt að segja að við eigum helst að vera á elliheimili og hefur litla trú á okkur. Það er fínt. Það spá allir Stjörnunni 2-1 sem er frábært. Við þurftum aðeins að koma okkur í gang og spýta í lófana fyrir laugardaginn,“ sagði Kristín Guðmundsdóttir. Olís-deild kvenna Mest lesið Heimir Guðjóns og Óskar Hrafn hafa báðir látið Hallgrím heyra það Íslenski boltinn Þróttarar kjósa um nýtt merki Íslenski boltinn Í beinni: Bayern - Arsenal | Allt galopið Fótbolti Besta-spáin 2024: Blóðtakan of mikil Íslenski boltinn Ætla prófa að refsa markvörðum með innköstum eða hornspyrnum Fótbolti Vann sig upp úr þunglyndi með sænskum hugarþjálfara: „Ég varð bara önnur manneskja“ Fótbolti Í beinni: Man. City - Real Madrid | Önnur veisla framundan Fótbolti „Vorum að spila á móti besta liði landsins“ Íslenski boltinn HSÍ keyri sig ekki aftur í þrot vegna HM Handbolti Besta-spáin 2024: Ætla að gera falldrauginn afturreka úr Árbænum Íslenski boltinn Fleiri fréttir Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Eyjakonur byrja úrslitakeppnina með látum Þórsarar tryggðu sér oddaleik Uppgjörið: Haukar - Stjarnan 36-23 | Yfirburðasigur Hauka Metamfetamín felldi markvörðinn Íslandsmeistararnir hefja titilvörn á sigri gegn Haukum Hafnfirðingar hefja atlögu að titlinum með sigri Óðinn Þór og félagar í undanúrslit Sjá meira
Stjarnan lagði Val 27-20 í fyrsta leik liðanna í átta liða úrslitum Olís deildar kvenna á heimavelli í kvöld. Stjarnan lagði grunninn að sigrinum með frábærum fyrri hálfleik. Florentina Stanciu varði 12 skot í markinu eða 55% skota Vals auk þess sem Stjarnan refsaði Val fyrir nánast hvern tapaðan bolta og misheppnað skot úr dauðafæri með marki úr hraðaupphlaupi. Stjarnan var 17-9 yfir í hálfleik og reyndi Valur að brjóta leikinn upp með að taka tvo leikmenn úr umferð strax eftir hálfleikinn. Það virkaði varnarlega því sóknarmenn Stjörnunnar voru lengi að ná tökum á öllu því plássi sem sá varnarleikur býður upp á en Florentina kom í veg fyrir að Valur kæmist inn í leikinn með magnaðari markvörslu. Florentina varði mikinn fjölda dauðafæra í leiknum á sama tíma og Berglind Hansdóttir náði sér engan vegina á strik fyrir aftan afspyrnuslaka vörn Vals í fyrri hálfleik. Hanna Guðrún Stefánsdóttir sem er að leika á sinni 21. leiktíð var markahæst Stjörnunnar með 8 mörk. Hanna lék fyrst 16 ára gömul með Haukum tímabilið 1995/1996. Stjarnan náði að leysa framliggjandi vörn Vals þegar seinni hálfleikur var hálfnaður með Þórhildi Gunnarsdóttur og Esther Viktoríu Ragnarsdóttur í fararbroddi sem þvingaði Val til að færa vörnina aftur og í kjölfarið var ljóst að heimasætur tækju forystu í einvíginu. Stjarnan getur tryggt sér sæti í undanúrslitum með sigri þegar liðin mætast öðru sinni í Valshöllinni á laugardaginn en Valur þarf sigur þar til að knýja fram oddaleik. Halldór Harri: Urðum gráðugar„Það var góður kafli í fyrri hálfleik sem skilur að,“ sagði Halldór Harri Kristjánsson þjálfari Stjörnunnar eftir sigurinn í kvöld. „Við fengum góða vörn, góða markvörslu og nokkur hraðaupphlaup,“ og flóknara var það ekki. Stjarnan nýtti færin sín mjög vel í fyrri hálfleik á sama tíma og Valur fór mjög illa með sín. Valur reyndi svo að brjóta leikinn upp með að taka tvo úr umferð í seinni hálfleik. „Það kom upp svolítið stress. Það virðist allt vera opið þegar þú spilar fjórir á móti fjórum. Við urðum gráðugar og fórum að slútta of snemma. Svo náðum við smá tökum þá því áður en þær duttu aftur til baka.“ Þetta kom Stjörnunni samt ekki á óvart og fór Halldór Harri yfir það með liði sínu í hálfleik að Valur myndi eflaust reyna að brjóta leikinn upp. „Við ræddum þetta í klefanum í hálfleik að þær þurftu að gera eitthvað til að fá þetta upp. Við þurfum að bæta hvernig við tökum á því. „Ef þetta kemur upp aftur þá fagna ég því. Þetta var aðeins opið í byrjun en náðum ekki að skora og því hefðum við getað klárað þetta þannig. Það vantaði ekki færin,“ sagði Halldór Harri. Valur getur mögulega nagað sig í handarbökin yfir að hafa ekki nýtt færin sín betur í leiknum en Florentina Stanciu varði óhemju mörg skot af sex metrunum. „Flóra var virkilega góð í kvöld og dregur kraftinn úr þeim. Það voru nokkur hraðaupphlaup sem hún náði að stoppa og hleypti Val ekki almennilega inn í þetta.“ Kristín: Gerist ekki tvo leiki í röð„Við fengum fín færi sem við klúðrum. Við spiluðum ágætlega sóknarlega í byrjun en svo fer vörnin með þetta,“ sagði Kristín Guðmundsdóttir leikstjórnandi Vals. „Það klikka allir hlutir í vörninni. Allir þessir einföldu hlutir sem eiga ekki að vefjast fyrir okkur, þá gerum við ekki. Við hættum að treysta hverri annarri. „Við hlaupum þvers og kurrs í veg fyrir hverja aðra. Það verður rosalega langt á milli okkar. Manni leið eins og það væru þrír metrar í næsta mann, alveg frá horni og yfir í næsta horn,“ sagði Kristín um varnarleik Vals í fyrri hálfleik í kvöld. Valur fékk fjölda dauðafæri sem liðið fór illa með í kvöld og náði liðið ekki að nýta sér vandræðagang Stjörnunnar þegar Valur tók tvo úr umferð í seinni hálfleik. „Fyrstu 10 mínúturnar fáum við góð færi en köstum í belginn á henni. Við spiluðum sóknina vel og hratt en klúðrum. Svo var vörnin hræðileg og þá verður þetta erfitt. „Það er erfiðara að spila sóknarleik þegar vörnin er góð. „Við hefðum átt að minnka þetta í þrjú mörk á fyrstu 10 mínútunum í seinni hálfleik. Þær taka leikhlé snemma og við förum eiginlega að hlæja. Það átti greinilega ekki að gerast. „Við ákváðum að taka fyrstu fimm mínúturnar og krydda upp í þessu. Mjög líklega vorum við ekki að fara að vinna en við ætluðum ekki að kasta handklæðinu og nýta þetta sem góða æfingu og fá blóð á tennurnar. „Við náðum að vinna fullt af boltum og koma í bakið á þeim. Seinni hálfleikur var í sjálfu sér ágætur. Við náðum ekki að koma honum inn en það gerist ekki tvo leiki í röð,“ sagði Kristín en mikill munur var á markvörslu liðanna. Kristín sagði þó réttilega að það væri ekki við Berglindi Hansdóttur að sakast þó hún næði sér ekki á strik í kvöld. „Það er ekki henni að kenna. Markvarsla er 90% vörnin. Við vorum það lélegar að hún gat ekki treyst neinum sem við gerðum. Eðlilega er ekki hægt að verja meira.“ Kristín er bjartsýn fyrir annan leik liðanna sem verður í Valshöllinn á laugardaginn klukkan 16. „Við erum þekktar fyrir að spila best undir pressu. Við erum gamlar og lúnar og fólki finnst fínt að segja að við eigum helst að vera á elliheimili og hefur litla trú á okkur. Það er fínt. Það spá allir Stjörnunni 2-1 sem er frábært. Við þurftum aðeins að koma okkur í gang og spýta í lófana fyrir laugardaginn,“ sagði Kristín Guðmundsdóttir.
Olís-deild kvenna Mest lesið Heimir Guðjóns og Óskar Hrafn hafa báðir látið Hallgrím heyra það Íslenski boltinn Þróttarar kjósa um nýtt merki Íslenski boltinn Í beinni: Bayern - Arsenal | Allt galopið Fótbolti Besta-spáin 2024: Blóðtakan of mikil Íslenski boltinn Ætla prófa að refsa markvörðum með innköstum eða hornspyrnum Fótbolti Vann sig upp úr þunglyndi með sænskum hugarþjálfara: „Ég varð bara önnur manneskja“ Fótbolti Í beinni: Man. City - Real Madrid | Önnur veisla framundan Fótbolti „Vorum að spila á móti besta liði landsins“ Íslenski boltinn HSÍ keyri sig ekki aftur í þrot vegna HM Handbolti Besta-spáin 2024: Ætla að gera falldrauginn afturreka úr Árbænum Íslenski boltinn Fleiri fréttir Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Eyjakonur byrja úrslitakeppnina með látum Þórsarar tryggðu sér oddaleik Uppgjörið: Haukar - Stjarnan 36-23 | Yfirburðasigur Hauka Metamfetamín felldi markvörðinn Íslandsmeistararnir hefja titilvörn á sigri gegn Haukum Hafnfirðingar hefja atlögu að titlinum með sigri Óðinn Þór og félagar í undanúrslit Sjá meira
Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga