FIMMTUDAGUR 30. MARS NÝJAST 23:48

Segja bréf May fela í sér hótanir

FRÉTTIR

Umfjöllun og viđtöl: Njarđvík - KR 80-81 | Meistararnir kreistu fram sigur

 
Körfubolti
22:45 24. FEBRÚAR 2017
Jón Arnór var hetja KR-inga.
Jón Arnór var hetja KR-inga. VÍSIR/VILHELM
Aron Ingi Valtýsson í Njarđvík skrifar

KR vann mikilvægan en tæpan sigur í Dominos-deild karla í körfubolta í kvöld þar sem þeir lögðu Njarðvík á heimavelli 80-81.

KR situr í efsta sæti deildarinnar eftir 19 umferðir með 30 stig á meðan drengirnir úr Ljónagryfjunni sitja í 9. sæti með 18 stig.

Njarðvíkingar fóru með sigur af hólmi í fyrri leik liða í deildinni í vetur 61-72. Framan af leit allt út fyrir að Njarðvík ætlaði að taka sigur hér í kvöld en Jón Arnór Stefánsson kláraði leikinn á vítalínunni.

Liðunum gekk erfiðlega að skora í byrjun leiks og kom fyrsta karfan ekki fyrr en eftir þrjár mínútur. Leikmenn tókust vel á og ætluðu Njarðvíkingar ekki að gefa neitt eftir. Heimamenn voru að spila flottann sóknarleik á köflum á meðan KR var ekki að setja skotin sín ofaní. Njarðvík leiddi með einu stigi, 13-12 eftir fyrsta leikhluta.

Liðin hresstust aðeins í öðrum leikhluta, meiri harka og hraði fór að færast í leikinn. Njarðvíkingar voru ekki hræddir við að pressa allan völl og koma gestunum í vandræði. Gestirnir voru með 7 tapaða bolta í fyrri hálfleik og tóku einungis 3 sóknarfráköst sem telst óásættanlegt á þeim bænum. Njarðvíkingar bættu í og unnu leikhlutann með þremur stigum. Staðan í hálfleik var 39-35.

Björn Kristjánsson opnaði seinni hálfleikinn með þristi og setti tóninn fyrir heimamenn í leikhlutanum. Njarðvík skoruðu 7 stig í röð á meðan KR skoraði ekkert fyrr en u.þ.b. 3 mínútur voru búnar líkt og í byrjun leiks. Finnur Freyr Stefánsson var brjálaður og tók leikhlé þegar Njarðvík var komið með 12 stiga forystu þegar fjórar mínútur voru búnar af leikhlutanum. Gestirnir rifu sig heldur betur í gang og fengu á sig 5 stig það sem eftir lifði leikshlutans og minnkuðu forystuna niður í 2 stig. 56-54 var staðan fyrir fjórða og síðasta leikhlutann.

Gestirnir úr Vesturbænum virtust ætla að hrökkva í gang eins og þeir eru þekktir fyrir en heimamenn hleyptu þeim þó aldrei langt undan. KR komst í 6 stiga forystu um miðjan leikhlutann. Njarðvík náði að naga niður muninn og þegar 30 sek voru eftir af leiknum var Njarðvík einu stigi undir og með boltann.

Njarðvík skoraði og Darri Hilmarsson kastaði boltanum frá sér þegar 7 sek voru eftir. Þarna var Njarðvík með sigurinn í vasanum. En Njarðvík kastaði boltanum frá sér og brutu á Jóni Arnóri sem setti niður bæði vítin og skilaði KR sigri í kvöld 80-81.

Þeir stuðningsmenn KR-inga sem gerðu sér ferð suður með sjó í kvöld frá hrós skilið. En þeir sem sátu heima og horfðu á imbakassann ættu að skammast sín. Að 20 manns mæti á leik hjá liði sem situr í efsta sæti deildarinnar er til háborinnar skammar.

Af hverju vann KR?
Ástæðan fyrir því að KR sigraði hér í kvöld er að þeir áttu síðustu sóknina. Það var ekkert sem benti til þess að KR ætlaði að sækja sigur hér í kvöld og áttu hann eiginlega ekki skilið. En KR-ingar gerðu það sem þeir eru þekktir fyrir, að klára tæpa og spennandi leiki.

Bestu menn vallarins:
Philip Alawoya var geysilega sterkur í kvöld en hann leiddi sína með með 28 stigum og 9 fráköstum. Pavel Ermolinskij var einnig mjög mikilvægur hjá KR og skoraði 14 stig, tók 11 fráköst og gaf 11 stoðsendingar. Frábærar tölur frá honum í kvöld!

Hjá Njarðvík var Logi Gunnarsson með 20 stig og 6 fráköst. Björn skilaði niður 17 stigum, 7 fráköstum og 2 stoðsendingum.

Tölfræðin sem vakti athygli:
KR hefur skorað 29 stig að meðaltali í fyrri hálfleik á móti Njarðvík í vetur eða 1.45 stig á mínútu.

Hvað gekk illa?
Leikurinn fór virkilega illa af stað og hvorugt liðið mætti tilbúið til leiks sem hafði mikið að segja um úrslit kvöldins. Alltof mikið af töpuðum boltum og sérstaklega á mikilvægum tímum í leiknum.

Njarðvík-KR 80-81 (13-12, 26-23, 17-19, 24-27)

Njarðvík: Logi  Gunnarsson 20/6 stoðsendingar, Myron Dempsey 18/8 fráköst, Björn Kristjánsson 17/7 fráköst, Vilhjálmur Theodór Jónsson 10/7 fráköst, Johann Arni Olafsson 6/8 fráköst/6 stoðsendingar, Snjólfur Marel Stefánsson 4/7 fráköst, Jón Arnór Sverrisson 3, Jeremy Martez Atkinson 2.

KR: Philip Alawoya 28/9 fráköst, Jón Arnór Stefánsson 15/9 fráköst, Pavel Ermolinskij 14/11 fráköst/11 stoðsendingar, Þórir Guðmundur Þorbjarnarson 11, Darri Hilmarsson 6, Brynjar Þór Björnsson 5, Vilhjálmur Kári Jensson 2.

Bein lýsing: Njarðvík - KR


Daníel: Við komumst í úrslitakeppnina
„Þetta var mjög svekkjandi vissulega, við vorum mjög nálægt þessu og að tapa boltanum svona er bara hrikalega svekkjandi. Við vorum með leikinn í hönd okkar og við klúðruðum þessu,“ sagði Daníel Guðmundsson, þjálfari Njarðvíkur, ótrulega svekktur eftir leikinn og bætti við:

 „Ég held að bæði lið hafi átt þennan sigur skilið, eitt vítaskot til og frá. Jón Arnór klárar þetta á línunni og bara vel gert hjá þeim. Ég hefði viljað sjá okkur ná boltanum inn og fara á ínuna í staðin fyrir að tapa boltanum og fá tvö vítaskot á okkur.“

Njarðvíkingar hafa tapa tveim jöfnum leikjum sem þeir hefðu átt að sigra og telur Daníel þetta ekki leggjast á leikmenn. Strákarnir viti hvað þeir geta.

„Náttúrulega súrt að tapa þessum leik, við erum alveg í góðum gír, þetta er eitthvað til að byggja á, við verðum að gíra okkur í slag fyrir næsta leik á Akureyri og verðum að sækja 2 stig þar. Þetta snýst um að sækja stig og  það skiptir ekki máli hvaðan þau koma svo lengi sem þau koma,“ sagði Daníel sem er fullviss um að Njarðvík komist í úrslitakeppnina.

Finnur Freyr: Við áttum sigurinn skilið
„Þetta var mjög léleg byrjun, mesta orkuleysi sem við höfum lent í. Ég veit ekki hve mörgum boltum við köstuðum í burtu frá okkur og þeir fengu auðveldar körfur úr þeim,“ sagði Finnur léttur í lundu eftir spennandi leik.

En fannst honum KR eiga skilið að vinna leikinn?

„Við vorum í kjörstöðu til þess að vinna leikinn þrátt fyrir mörg mistök. Mér fannst við eiga sigurinn skilið.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Umfjöllun og viđtöl: Njarđvík - KR 80-81 | Meistararnir kreistu fram sigur
Fara efst