Umfjöllun og viðtöl: ÍR - Afturelding 25-24 | Arnór hetja ÍR Henry Birgir Gunnarsson í Austurbergi skrifar 18. apríl 2015 00:01 Arnór Freyr Stefánsson. vísir/valli ÍR jafnaði einvígið gegn Aftureldingu í dag með eins marks sigri í skrautlegum leik. Fyrri hálfleikur var eign heimamanna frá a til ö. Þeir mættu gríðarlega vel stemmdir til leiks. Spiluðu góða framliggjandi vörn þar sem vinnslan var til mikillar fyrirmyndar. Afturelding komst varla í opið skot. Þegar það gerðist þá varði Svavar Már oftar en ekki í markinu en hann var með 59 prósent markvörslu í hálfleiknum. Markvarslan hjá Aftureldinga var aftur á móti ekki nema fjögur skot eða 25 prósent. ÍR keyrði líka upp hraðann í leiknum. Gerði hraða árás við hvert tækifæri og með hverri mínútu jókst munurinn á liðunum. Þegar blásið var til leikhlés var munurinn orðinn átta mörk, 15-7, og útlitið ekki bjart fyrir gestina. Það var ekkert sem benti til annars um miðbik seinni hálfleiks en að ÍR væri að fara að valta yfir gestina. Þá náði liðið tíu marka forskoti, 22-12. Jóhann Jóhannsson, leikmaður Aftureldingar, fékk svo að líta rauða spjaldið fyrir fólskulegt brot. Mosfellingar efldust aftur á móti við mótlætið. Þjöppuðu sér saman og Davíð datt loksins í gírinn. Upphófst einhver mesta endurkoma sem maður hefur séð lengi. Afturelding fékk tækifæri til þess að jafna leikinn en Arnór Freyr Stefánsson varði skot Arnar Inga Bjarkasonar á lokasekúndunni og sá til þess að staðan í einvígi liðanna er jöfn. Virkilega sterkur sigur hjá ÍR en síðustu 15 mínútur leiksins hjá þeim er áhyggjuefni. Þá fór liðið algjörlega á taugum. Sóknarleikurinn hrundi, menn urðu hræddir og hættu að sækja. Ef Arnór hefði ekki bjargað þeim í lokin þá hefði Afturelding unnið þennan leik í framlengingu. Það var allt í tjóni hjá ÍR en þeir sluppu með skrekkinn. Markvarslan hjá þeim reið baggamuninn í þessum leik sem og frábær varnarleikur framan af. Afturelding mætti ekki til leiks fyrr en korter var eftir. Samt tókst liðinu næstum að krækja í framlengingu. Það segir sitt um styrkleika liðsins. Markvarslan vonbrigði hjá þeim en ungu mennirnir Birkir og Elvar leiddu endurkomuna sem náðist ekki að fullkomna. Þessi rimma stendur vel undir væntingum og kæmi engum á óvart ef við fengjum oddaleik.Arnór: Aldrei verið hetjan áður Arnór Freyr Stefánsson, markvörður ÍR, var að vonum brosmildur eftir að hafa bjargað sínu liði i dag. "Það var virkilega gott að verja lokaskotið. Ég held ég hafi aldrei lent í því áður að verja skot á lokasekúndunni. Tilfinningin er virkilega góð," sagði Arnór Freyr og brosti hringinn. "Varnarleikur Aftureldingar í lokin var frábær og þeir komu á okkur af fullu afli. Við unnum og það er það eina sem skiptir máli. Skiptir ekki máli hvernig eða með hve mörgum mörkum. Staðan í einvígi er 1-1. Það eru einu tölurnar sem skipta máli." Markvörðurinn átti fá svör við því hvað hefði gerst í leik hans liðs á síðustu mínútunum. "Ég veit ekki hvað gerist. Þeir hitta vissulega vel á markið og stela af okkur boltanum. Ég veit ekki hvað gerðist. Ég stend bara í búrinu. Það er mitt hlutverk."Einar Andri: Drullusvekkjandi að fá ekki framlengingu "Eins og fyrri hálfleikurinn var ömurlegur þá var seinni hálfleikurinn hjá okkur jafn frábær," sagði svekktur þjálfari Aftureldingar, Einar Andri Einarsson. "Ég verð að hrósa kjúklingunum, í orðsins fyllstu merkingu, fyrir að spila sóknarleikinn svona vel. Þeir spiluðu eins og kóngar og það var drullusvekkjandi að komast ekki í framlengingu." Einar Andri lét dómarana heyra það í leikslok en hann var ósáttur við að Arnar Birkir skildi ekki fá rautt spjald fyrir gróft brot einum fjórum sekúndum fyrir leikslok. "Dómgæslan var samt ekki vandamálið í dag. Það vorum við sjálfir," segir þjálfarinn en hvernig útskýrir hann þennan hörmulega fyrri hálfleik hjá hans liði? "Það er erfitt að útskýra hann. Það eru oft miklar sveiflur í úrslitakeppninni. Ég ætla ekki að afsaka okkur á því að við séum með ungt lið eða eitthvað svoleiðis. Við vorum búnir að vinna þrjá leiki í röð og menn héldu kannski að þeir væru betri en þeir eru og við fengum á baukinn fyrir vikið. Við verðum samt að fara yfir þetta því þessi fyrri hálfleikur er það lélegasta sem við höfum sýnt í vetur." Olís-deild karla Mest lesið Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport „Á sama tíma í fyrra held ég að þetta hafi verið gult“ Íslenski boltinn Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira
ÍR jafnaði einvígið gegn Aftureldingu í dag með eins marks sigri í skrautlegum leik. Fyrri hálfleikur var eign heimamanna frá a til ö. Þeir mættu gríðarlega vel stemmdir til leiks. Spiluðu góða framliggjandi vörn þar sem vinnslan var til mikillar fyrirmyndar. Afturelding komst varla í opið skot. Þegar það gerðist þá varði Svavar Már oftar en ekki í markinu en hann var með 59 prósent markvörslu í hálfleiknum. Markvarslan hjá Aftureldinga var aftur á móti ekki nema fjögur skot eða 25 prósent. ÍR keyrði líka upp hraðann í leiknum. Gerði hraða árás við hvert tækifæri og með hverri mínútu jókst munurinn á liðunum. Þegar blásið var til leikhlés var munurinn orðinn átta mörk, 15-7, og útlitið ekki bjart fyrir gestina. Það var ekkert sem benti til annars um miðbik seinni hálfleiks en að ÍR væri að fara að valta yfir gestina. Þá náði liðið tíu marka forskoti, 22-12. Jóhann Jóhannsson, leikmaður Aftureldingar, fékk svo að líta rauða spjaldið fyrir fólskulegt brot. Mosfellingar efldust aftur á móti við mótlætið. Þjöppuðu sér saman og Davíð datt loksins í gírinn. Upphófst einhver mesta endurkoma sem maður hefur séð lengi. Afturelding fékk tækifæri til þess að jafna leikinn en Arnór Freyr Stefánsson varði skot Arnar Inga Bjarkasonar á lokasekúndunni og sá til þess að staðan í einvígi liðanna er jöfn. Virkilega sterkur sigur hjá ÍR en síðustu 15 mínútur leiksins hjá þeim er áhyggjuefni. Þá fór liðið algjörlega á taugum. Sóknarleikurinn hrundi, menn urðu hræddir og hættu að sækja. Ef Arnór hefði ekki bjargað þeim í lokin þá hefði Afturelding unnið þennan leik í framlengingu. Það var allt í tjóni hjá ÍR en þeir sluppu með skrekkinn. Markvarslan hjá þeim reið baggamuninn í þessum leik sem og frábær varnarleikur framan af. Afturelding mætti ekki til leiks fyrr en korter var eftir. Samt tókst liðinu næstum að krækja í framlengingu. Það segir sitt um styrkleika liðsins. Markvarslan vonbrigði hjá þeim en ungu mennirnir Birkir og Elvar leiddu endurkomuna sem náðist ekki að fullkomna. Þessi rimma stendur vel undir væntingum og kæmi engum á óvart ef við fengjum oddaleik.Arnór: Aldrei verið hetjan áður Arnór Freyr Stefánsson, markvörður ÍR, var að vonum brosmildur eftir að hafa bjargað sínu liði i dag. "Það var virkilega gott að verja lokaskotið. Ég held ég hafi aldrei lent í því áður að verja skot á lokasekúndunni. Tilfinningin er virkilega góð," sagði Arnór Freyr og brosti hringinn. "Varnarleikur Aftureldingar í lokin var frábær og þeir komu á okkur af fullu afli. Við unnum og það er það eina sem skiptir máli. Skiptir ekki máli hvernig eða með hve mörgum mörkum. Staðan í einvígi er 1-1. Það eru einu tölurnar sem skipta máli." Markvörðurinn átti fá svör við því hvað hefði gerst í leik hans liðs á síðustu mínútunum. "Ég veit ekki hvað gerist. Þeir hitta vissulega vel á markið og stela af okkur boltanum. Ég veit ekki hvað gerðist. Ég stend bara í búrinu. Það er mitt hlutverk."Einar Andri: Drullusvekkjandi að fá ekki framlengingu "Eins og fyrri hálfleikurinn var ömurlegur þá var seinni hálfleikurinn hjá okkur jafn frábær," sagði svekktur þjálfari Aftureldingar, Einar Andri Einarsson. "Ég verð að hrósa kjúklingunum, í orðsins fyllstu merkingu, fyrir að spila sóknarleikinn svona vel. Þeir spiluðu eins og kóngar og það var drullusvekkjandi að komast ekki í framlengingu." Einar Andri lét dómarana heyra það í leikslok en hann var ósáttur við að Arnar Birkir skildi ekki fá rautt spjald fyrir gróft brot einum fjórum sekúndum fyrir leikslok. "Dómgæslan var samt ekki vandamálið í dag. Það vorum við sjálfir," segir þjálfarinn en hvernig útskýrir hann þennan hörmulega fyrri hálfleik hjá hans liði? "Það er erfitt að útskýra hann. Það eru oft miklar sveiflur í úrslitakeppninni. Ég ætla ekki að afsaka okkur á því að við séum með ungt lið eða eitthvað svoleiðis. Við vorum búnir að vinna þrjá leiki í röð og menn héldu kannski að þeir væru betri en þeir eru og við fengum á baukinn fyrir vikið. Við verðum samt að fara yfir þetta því þessi fyrri hálfleikur er það lélegasta sem við höfum sýnt í vetur."
Olís-deild karla Mest lesið Tíu KR-ingar skoruðu níu í gölnum leik Íslenski boltinn Bayern hyggst ráða manninn sem United losaði sig við Fótbolti „Þetta einvígi er bara rétt að byrja“ Handbolti „Skrítið að spila á móti liði sem þú varst í þegar þú varst ungur“ Íslenski boltinn Ingvar verður ekki áfram: „Haukar ætla sér alltaf meira en þetta“ Sport „Á sama tíma í fyrra held ég að þetta hafi verið gult“ Íslenski boltinn Líflausir Liverpoolmenn skrá sig út úr titilbaráttunni Enski boltinn Lærisveinninn laut í lægra haldi Íslenski boltinn Uppgjörið: Valur - FH 3-0 | Nýtt leikskipulag skilaði frábærum árangri Íslenski boltinn Uppgjörið og viðtöl: Haukar 73-75 Stjarnan | Stjarnan áfram eftir naglbít Körfubolti Fleiri fréttir „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Sjá meira