Umfjöllun og viðtöl: Haukar - Akureyri 26-18 | Aron Rafn í miklu stuði
Haukar voru þremur mörkum yfir í hálfleik, 10-7, en tóku síðan öll völd í seinni hálfleiknum þar sem náðu átta marka forskoti, 22-14, þegar tíu mínútur voru til leiksloka.
Aron Rafn Eðvarðsson átti enn einn stórleikinn í marki Hauka en hann varði alls 23 skot í kvöld eða 56 prósent skota sem komu á hann. Sveinn Þorgeirsson og Stefán Rafn Sigurmannsson voru markahæstir með sex mörk.
Fyrri hálfleikur fór rólega af stað og voru liðin virkilega lengi í gang. Heimamenn í Haukum vorum aftur á móti alltaf einu skrefi á undan. Liðin léku gríðarlega harðann varnarleik og menn fengu heldur betur að finna fyrir því.
Það sem skildi liðin að var í raun frammistaða Arons Rafns Eðvarðssonar í marki Haukar en hann fór gjörsamlega á kostum í hálfleiknum og varði 12 skot eða 67% allra skota sem komu á markið. Staðan var 10-7 í hálfleik og liðin þurftu í raun bæði að spýta í lófana fyrir seinnihálfleikinn.
Akureyri minnkaði muninn í tvö mörk í upphafi seinni hálfleiks, 11-9, en þá komu þrjú Haukamörk í röð og leikur norðanmanna hrundi endanlega. Haukar komust í 17-12 og 22-14. Haukarnir héldu síðan átta marka forskoti til leiksloka. Akureyringar fóru að skjóta illa á Aron í markinu og virtust hreinlega vera hræddir við þann hávaxna.
Sóknarleikur Hauka fór vel í gang og náðu þeir að keyra hraðan upp með Frey Brynjarsson í broddi fylkinga. Haukar hafa verið í smá lægð eftir að liðið tryggði sér bikarmeistaratitilinn en þeirri lægð lauk í kvöld. Akureyringar þurfa að hugsa sinn gang eftir frammistöðuna í kvöld og skoða þá sérstaklega sóknarleik liðsins og skotnýtinguna.
MYND/VALLI
„Ég man hreinlega ekki hvenær Akureyri tapaði síðast leik og því var þetta rosalega sterkur sigur."
„Það var sérstaklega mikilvægt að vinna þennan leik eftir hreint hörmulega frammistöðu í síðustu
umferð gegn Gróttu. Við urðum bara að sýna og sanna fyrir okkar áhorfendum hversu góðir við erum."
„Það þarf engan stærðfræðing til að segja manni það að þegar lið spila góða vörn þá kemur markvarslan, ég var með frábæra vörn fyrir framan mig í kvöld."
Hægt er að sjá viðtalið við Aron hér að ofan.
MYND/VALLI
„Síðan fór varnarleikur okkar að verða slakur í síðari hálfleiknum og við í raun komumst aldrei í takt við þennan leik."
„Þetta er mjög grátlegt því liðið hefur verið að spila frábærlega að undanförnu og slæmt að fá svona skell eins og í kvöld.Frammistaðan í kvöld var fyrir neðan allar hellur. Menn voru síðan að svekkja sig mikið í seinni hálfleiknum og það fór að hafa áhrif á spilamennskuna hjá strákunum. Það hlutur sem við verðum að vinna í og drengirnir verða hreinlega að fjarlægja slíkan hugsunarhátt."
„Ef menn misnota færi þá verða þeir að bæta það upp í næstu sókn, ekki missa hausinn og þar með einbeitinguna. Það eru þrír úrslitaleikir eftir hjá okkur og við verðum að líta þannig á hlutina," sagðin Atli að lokum.
Þessi síða uppfærist sjálfkrafa á 30 sekúndna fresti
