Umfjöllun og viðtöl: Valur - Afturelding 24-25 | Mosfellingar í úrslit eftir háspennuleik Ingvi Þór Sæmundsson í Valshöllini skrifar 3. maí 2016 21:45 Afturelding er komin í úrslit Olís-deildar karla í handbolta annað árið í röð eftir eins marks sigur, 24-25, á Val í oddaleik í Valshöllinni í kvöld. Leikurinn var frábær og svo sannarlega góð auglýsing fyrir íslenskan handbolta. Það var mannmargt í Valshöllinni í kvöld og stemmningin rafmögnuð. Úrslitin réðust í framlengingu sem Valsmenn tryggðu sér með frábærum endaspretti. Mosfellingar leiddu með fimm mörkum, 16-21, þegar átta mínútur voru til leiksloka og fátt benti til annars en að þeir væru að sigla örugglega í úrslit. En Valsmenn sýndu karakter og komu til baka. Óskar Bjarni Óskarsson, þjálfari Vals, sendi sína menn framar á völlinn í vörninni og það riðlaði sóknarleik gestanna. Heimamenn gengu á lagið, skoruðu sex mörk gegn einu og tryggðu sér framlengingu. Vignir Stefánsson jafnaði metin í 22-22 og Hlynur Morthens varði svo skot Jóhanns Jóhannssonar og því þurfti að framlengja. Þar áttu Valsmenn fá svör gegn sterkri vörn Aftureldingar og ekki síst Davíð Svanssyni sem varði sjö skot í framlengingunni og 22 alls. Mosfellingar voru líka í vandræðum í sókninni en náðu að kreista fram þrjú mörk gegn tveimur Valsmanna. Heimamenn fengu reyndar tækifæri til að knýja fram aðra framlengingu en skot Guðmundar Hólmars Helgasonar small í stönginni og Mosfellingar hreinlega ærðust af fögnuði eftir að lokaflautið gall. Valsmenn byrjuðu leikinn mun betur, komust í 3-0 og voru í raun klaufar að ná ekki betra forskoti. Það tók Aftureldingu níu mínútur að skora fyrsta mark sitt en eftir að það kom fengu þeir aukið sjálfstraust í sókninni. Varnarleikurinn var svo gríðarlega sterkur með Gunnar Þórsson í broddi fylkingar. Það er ótrúlegur kraftur í þessum litla líkama og Gunnar hreinlega jarðaði Geir Guðmundsson, hægri skyttu Vals, líkt og í leik fjögur á laugardaginn. Geir skoraði samtals 16 mörk í leikjum tvö og þrjú en aðeins þrjú samanlagt í næstu tveimur leikjum. Gunnar á mestan heiðurinn af því. Afturelding leiddi með þremur mörkum í hálfleik, 9-12, og eftir fjórar mínútur í seinni hálfleik var staðan orðin 10-15. Gestirnir voru með góð tök á leiknum og vörnin var áfram sterk. Sóknarmenn Vals léku undir pari í kvöld nema hornamennirnir Sveinn Aron Sveinsson og Vignir sem skoruðu 13 af 24 mörkum liðsins í leiknum. Geir, Guðmundur Hólmar og Elvar Friðriksson fundu ekki taktinn og línuspilið var ekki mikið. Þrándur Gíslason kom Aftureldingu í 16-21 þegar átta mínútur voru eftir en þá fyrst fóru Valsmenn í gang. Framliggjandi vörn þeirra þvingaði gestina í tapaða bolta og á fimm mínútum fuðraði forskot Mosfellinga upp. Guðmundur Hólmar jafnaði metin í 21-21 en Pétur Júníusson svaraði með marki af línunni. Afturelding fékk svo möguleika til að komast tveimur mörkum yfir en Jóhann Jóhannsson fékk dæmdan á sig ruðning. Valsmenn fóru í sókn og opnuðu hornið fyrir Vigni sem jafnaði metin og tryggði sínum mönnum framlengingu. Þar reyndust gestirnir hins vegar sterkari eins og áður sagði.Einar Andri: Gunni kláraði Geir einn á einn Einar Andri Einarsson, þjálfari Aftureldingar, var að vonum í skýjunum eftir að hans menn tryggðu sér sæti í úrslitum eftir sigur á Val. „Það er stórkostlegt að vera komnir í úrslit annað árið í röð, sérstaklega ef maður hugsar aftur til nóvember þar sem við vorum með 6-7 menn meidda og í 6. sæti,“ sagði Einar eftir leikinn í kvöld. „Þá var það fjarlægur draumur að komast í úrslit en þetta sýnir vinnusemina í drengjunum og metnaðinn í félaginu.“ Mosfellingar voru með fín tök á leiknum í kvöld en fóru illa að ráði sínu undir lokin þegar þeir misstu niður fimm marka forskot eftir að Valsmenn breyttu um vörn. „Það kom smá panikk hjá okkur og við sáum sigurinn í hillingum. Við töpuðum boltanum og fengum hraðaupphlaup á okkur og þetta vatt upp á sig. En þetta hafðist,“ sagði þjálfarinn. Geir Guðmundsson, hægri skytta Vals, fór mikinn í öðrum og þriðja leiknum í einvíginu en skoraði aðeins samtals þrjú mörk í fjórða og fimmta leiknum. Hver var lykilinn að því? „Þú verður eiginlega að spyrja Gunnar Malmquist að því,“ sagði Einar en Norðanmaðurinn var magnaður í vörninni í síðustu tveimur leikjum einvígisins. „Við sendum hann aðeins hærra á völlinn og veðjuðum á ákveðnar áherslur í varnarleiknum. En fyrst og síðast var það Gunni sem kláraði Geir einn á einn. Hann hefur endalausa orku og hann tók þetta svolítið á sig.“ Afturelding mætir Haukum í úrslitum annað árið í röð. Einar segir að hans menn séu reynslunni ríkari eftir 3-0 tap í fyrra. „Við erum allavega reynslunni ríkari. Við fórum svolítið laskaðir inn í úrslitin í fyrra og erum aðeins laskaðir núna, reyndar eins og Haukarnir. Það kemur svo bara í ljós hvort við erum tilbúnari,“ sagði Einar að endingu.Óskar Bjarni: Davíð var banabitinn Óskar Bjarni Óskarsson, þjálfari Vals, var vitanlega svekktur eftir eins marks tap fyrir Aftureldingu í kvöld. „Þetta er blóðugt tap. Við sýndum frábæran karakter að ná að vinna þetta upp en svo var blaðran sprungin í framlengingunni. Ég óska Aftureldingu til hamingju og vona að einvígið milli þeirra og Hauka verði skemmtilegt,“ sagði Óskar eftir leik. „Það er voðalega erfitt að segja eitthvað núna. Þetta var flott rimma, fór 3-2 og það var táknrænt að það kæmi framlenging og jafnvel vító. Það voru sentimetrar sem skildu á milli. „Svo var Davíð [Svansson] banabitinn, hann er búinn að vera frábær í úrslitakeppninni fyrir utan einn leik,“ sagði Óskar. En hefði hann átt að breyta fyrr um vörn í seinni hálfleik? „Ég veit það ekki. Mér fannst við ekkert spes í leiknum, hvorki í vörn né sókn. Við vorum ekki nógu beittir. Kannski við átt að breyta fyrr og vera sókndjarfari,“ sagði Óskar að lokum.Davíð: Gott að vita af svona stuðningi „Takk Rothöggið,“ voru fyrstu viðbrögð Davíðs Svanssonar, markvarðar Aftureldingar, eftir sigurinn á Val í kvöld. „Það að þeir skuli vera á öxlunum á manni, við endann á markinu, gefur manni helling. Það er gott að vita af svona góðum stuðningi á bak við sig.“ Afturelding leiddi lengst af í leiknum í kvöld en Valsmenn tryggðu sér framlengingu með frábærum 6-1 endaspretti. En var Davíð ekkert smeykur um að augnablikið væri með Val í framlengingunni? „Það vill oft vera. En málið var að þeir spiluðu aggresíva vörn og við þurftum bara smá hlé til að geta stillt upp nýjum sóknarafbrigðum. „Eftir venjulegan leiktíma gátum við skipulagt okkur fyrir framlenginguna. Þá fundum við lausnirnar,“ sagði Davíð sem var magnaður í framlengingunni og varði þá sjö skot. „Þetta var geðveikt og ég get ekki kvartað,“ sagði Davíð. En var hann með lokaskot Vals sem small í stönginni? „Ég hefði allavega tekið frákastið,“ sagði markvörðurinn öflugi og hló. Olís-deild karla Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Liverpool úr leik þrátt fyrir sigur á Ítalíu Fótbolti Leverkusen neitar að tapa Fótbolti Fleiri fréttir Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Jóhanna Margrét skiptir um lið innan Svíþjóðar Fimmtán dagar á milli leikja í sama einvígi í Olís deild karla Sebastian tekur við kvennaliði Víkings Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Sjá meira
Afturelding er komin í úrslit Olís-deildar karla í handbolta annað árið í röð eftir eins marks sigur, 24-25, á Val í oddaleik í Valshöllinni í kvöld. Leikurinn var frábær og svo sannarlega góð auglýsing fyrir íslenskan handbolta. Það var mannmargt í Valshöllinni í kvöld og stemmningin rafmögnuð. Úrslitin réðust í framlengingu sem Valsmenn tryggðu sér með frábærum endaspretti. Mosfellingar leiddu með fimm mörkum, 16-21, þegar átta mínútur voru til leiksloka og fátt benti til annars en að þeir væru að sigla örugglega í úrslit. En Valsmenn sýndu karakter og komu til baka. Óskar Bjarni Óskarsson, þjálfari Vals, sendi sína menn framar á völlinn í vörninni og það riðlaði sóknarleik gestanna. Heimamenn gengu á lagið, skoruðu sex mörk gegn einu og tryggðu sér framlengingu. Vignir Stefánsson jafnaði metin í 22-22 og Hlynur Morthens varði svo skot Jóhanns Jóhannssonar og því þurfti að framlengja. Þar áttu Valsmenn fá svör gegn sterkri vörn Aftureldingar og ekki síst Davíð Svanssyni sem varði sjö skot í framlengingunni og 22 alls. Mosfellingar voru líka í vandræðum í sókninni en náðu að kreista fram þrjú mörk gegn tveimur Valsmanna. Heimamenn fengu reyndar tækifæri til að knýja fram aðra framlengingu en skot Guðmundar Hólmars Helgasonar small í stönginni og Mosfellingar hreinlega ærðust af fögnuði eftir að lokaflautið gall. Valsmenn byrjuðu leikinn mun betur, komust í 3-0 og voru í raun klaufar að ná ekki betra forskoti. Það tók Aftureldingu níu mínútur að skora fyrsta mark sitt en eftir að það kom fengu þeir aukið sjálfstraust í sókninni. Varnarleikurinn var svo gríðarlega sterkur með Gunnar Þórsson í broddi fylkingar. Það er ótrúlegur kraftur í þessum litla líkama og Gunnar hreinlega jarðaði Geir Guðmundsson, hægri skyttu Vals, líkt og í leik fjögur á laugardaginn. Geir skoraði samtals 16 mörk í leikjum tvö og þrjú en aðeins þrjú samanlagt í næstu tveimur leikjum. Gunnar á mestan heiðurinn af því. Afturelding leiddi með þremur mörkum í hálfleik, 9-12, og eftir fjórar mínútur í seinni hálfleik var staðan orðin 10-15. Gestirnir voru með góð tök á leiknum og vörnin var áfram sterk. Sóknarmenn Vals léku undir pari í kvöld nema hornamennirnir Sveinn Aron Sveinsson og Vignir sem skoruðu 13 af 24 mörkum liðsins í leiknum. Geir, Guðmundur Hólmar og Elvar Friðriksson fundu ekki taktinn og línuspilið var ekki mikið. Þrándur Gíslason kom Aftureldingu í 16-21 þegar átta mínútur voru eftir en þá fyrst fóru Valsmenn í gang. Framliggjandi vörn þeirra þvingaði gestina í tapaða bolta og á fimm mínútum fuðraði forskot Mosfellinga upp. Guðmundur Hólmar jafnaði metin í 21-21 en Pétur Júníusson svaraði með marki af línunni. Afturelding fékk svo möguleika til að komast tveimur mörkum yfir en Jóhann Jóhannsson fékk dæmdan á sig ruðning. Valsmenn fóru í sókn og opnuðu hornið fyrir Vigni sem jafnaði metin og tryggði sínum mönnum framlengingu. Þar reyndust gestirnir hins vegar sterkari eins og áður sagði.Einar Andri: Gunni kláraði Geir einn á einn Einar Andri Einarsson, þjálfari Aftureldingar, var að vonum í skýjunum eftir að hans menn tryggðu sér sæti í úrslitum eftir sigur á Val. „Það er stórkostlegt að vera komnir í úrslit annað árið í röð, sérstaklega ef maður hugsar aftur til nóvember þar sem við vorum með 6-7 menn meidda og í 6. sæti,“ sagði Einar eftir leikinn í kvöld. „Þá var það fjarlægur draumur að komast í úrslit en þetta sýnir vinnusemina í drengjunum og metnaðinn í félaginu.“ Mosfellingar voru með fín tök á leiknum í kvöld en fóru illa að ráði sínu undir lokin þegar þeir misstu niður fimm marka forskot eftir að Valsmenn breyttu um vörn. „Það kom smá panikk hjá okkur og við sáum sigurinn í hillingum. Við töpuðum boltanum og fengum hraðaupphlaup á okkur og þetta vatt upp á sig. En þetta hafðist,“ sagði þjálfarinn. Geir Guðmundsson, hægri skytta Vals, fór mikinn í öðrum og þriðja leiknum í einvíginu en skoraði aðeins samtals þrjú mörk í fjórða og fimmta leiknum. Hver var lykilinn að því? „Þú verður eiginlega að spyrja Gunnar Malmquist að því,“ sagði Einar en Norðanmaðurinn var magnaður í vörninni í síðustu tveimur leikjum einvígisins. „Við sendum hann aðeins hærra á völlinn og veðjuðum á ákveðnar áherslur í varnarleiknum. En fyrst og síðast var það Gunni sem kláraði Geir einn á einn. Hann hefur endalausa orku og hann tók þetta svolítið á sig.“ Afturelding mætir Haukum í úrslitum annað árið í röð. Einar segir að hans menn séu reynslunni ríkari eftir 3-0 tap í fyrra. „Við erum allavega reynslunni ríkari. Við fórum svolítið laskaðir inn í úrslitin í fyrra og erum aðeins laskaðir núna, reyndar eins og Haukarnir. Það kemur svo bara í ljós hvort við erum tilbúnari,“ sagði Einar að endingu.Óskar Bjarni: Davíð var banabitinn Óskar Bjarni Óskarsson, þjálfari Vals, var vitanlega svekktur eftir eins marks tap fyrir Aftureldingu í kvöld. „Þetta er blóðugt tap. Við sýndum frábæran karakter að ná að vinna þetta upp en svo var blaðran sprungin í framlengingunni. Ég óska Aftureldingu til hamingju og vona að einvígið milli þeirra og Hauka verði skemmtilegt,“ sagði Óskar eftir leik. „Það er voðalega erfitt að segja eitthvað núna. Þetta var flott rimma, fór 3-2 og það var táknrænt að það kæmi framlenging og jafnvel vító. Það voru sentimetrar sem skildu á milli. „Svo var Davíð [Svansson] banabitinn, hann er búinn að vera frábær í úrslitakeppninni fyrir utan einn leik,“ sagði Óskar. En hefði hann átt að breyta fyrr um vörn í seinni hálfleik? „Ég veit það ekki. Mér fannst við ekkert spes í leiknum, hvorki í vörn né sókn. Við vorum ekki nógu beittir. Kannski við átt að breyta fyrr og vera sókndjarfari,“ sagði Óskar að lokum.Davíð: Gott að vita af svona stuðningi „Takk Rothöggið,“ voru fyrstu viðbrögð Davíðs Svanssonar, markvarðar Aftureldingar, eftir sigurinn á Val í kvöld. „Það að þeir skuli vera á öxlunum á manni, við endann á markinu, gefur manni helling. Það er gott að vita af svona góðum stuðningi á bak við sig.“ Afturelding leiddi lengst af í leiknum í kvöld en Valsmenn tryggðu sér framlengingu með frábærum 6-1 endaspretti. En var Davíð ekkert smeykur um að augnablikið væri með Val í framlengingunni? „Það vill oft vera. En málið var að þeir spiluðu aggresíva vörn og við þurftum bara smá hlé til að geta stillt upp nýjum sóknarafbrigðum. „Eftir venjulegan leiktíma gátum við skipulagt okkur fyrir framlenginguna. Þá fundum við lausnirnar,“ sagði Davíð sem var magnaður í framlengingunni og varði þá sjö skot. „Þetta var geðveikt og ég get ekki kvartað,“ sagði Davíð. En var hann með lokaskot Vals sem small í stönginni? „Ég hefði allavega tekið frákastið,“ sagði markvörðurinn öflugi og hló.
Olís-deild karla Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Ramos rekinn úr húsi fyrir að sparka í klof Bookers Körfubolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Liverpool úr leik þrátt fyrir sigur á Ítalíu Fótbolti Leverkusen neitar að tapa Fótbolti Fleiri fréttir Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Ísland í erfiðum riðli á EM Jóhanna Margrét skiptir um lið innan Svíþjóðar Fimmtán dagar á milli leikja í sama einvígi í Olís deild karla Sebastian tekur við kvennaliði Víkings Tap hjá Íslendingaliðinu í fyrsta leik 8-liða úrslita Norska stórliðið örugglega í undanúrslit HSÍ keyri sig ekki aftur í þrot vegna HM Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga „Mættum klárir og ætluðum að svara fyrir laugardaginn“ Alfreð og Dagur saman í riðli á Ólympíuleikunum Spenntur fyrir að halda HM með Íslendingum HM í handbolta 2031 fer fram á Íslandi Magnaður Bjarki Már þegar Veszprém svo gott sem tryggði sér titilinn ÍBV sendi ÍR í sumarfrí Stefán Arnars: Fram er með fjóra og við einn Uppgjör, viðtöl og myndir: Stjarnan - Haukar 21-25 | Stjörnukonur sendar í sumarfrí Stefán Rafn leggur skóna á hilluna Uppgjörið, viðtöl og myndir: Haukar – ÍBV 31-37 | Eyjamenn sendu Hauka í sumarfrí KA komið í sumarfrí en FH heldur áfram Magdeburg bikarmeistari eftir stórsigur gegn Melsungen Flensburg hirti brons í bikarkeppni „Hef ekki trú á að FH geti unnið Val í seríu“ Elvar Örn frábær og Melsungen mætir Magdeburg í úrslitum Stjarnan tryggði sér oddaleik Gísli og Ómar allt í öllu þegar Magdeburg flaug í úrslit Valur fyrsta lið inn í undanúrslit „Við stóðumst ekki prófið í dag“ Sjá meira
Uppgjör og viðtöl: Afturelding - Stjarnan 35-24 | Mosfellingar keyrðu og bökkuðu yfir Garðbæinga