Umfjöllun, viðtöl og myndir: Valur - ÍBV 1-2 | ÍBV upp í fjórða sætið með góðum sigri Kristinn Páll Teitsson á Valsvellinum skrifar 17. ágúst 2016 22:00 Eyjakonur gerðu góða ferð upp á fasta landið og tóku þrjú stig gegn Val. vísir/hanna ÍBV svaraði fyrir tapið í bikarúrslitunum og lyfti sér upp í 4. sæti Pepsi-deildar kvenna með 2-1 sigri á Val í 12. umferð í kvöld.Hanna K. Andrésdóttir, ljósmyndari Fréttablaðsins og Vísis, var á Valsvellinum í kvöld og tók meðfylgjandi myndir. ÍBV komst yfir á lokamínútu fyrri hálfleiks með glæsilegu marki frá Rebekah Bass þegar hún lyfti boltanum yfir Söndru Sigurðardóttir í marki Vals af löngu færi. Sigríður Lára Garðarsdóttir í liði ÍBV fékk rautt spjald tíu mínútum fyrir leikslok en Cloe Lacasse náði að bæta við öðru marki ÍBV stuttu síðar. Dóra María Lárusdóttir náði að klóra í bakkann fyrir Valskonur þegar fimm mínútur voru til leiksloka en lengra komust þær ekki.Afhverju vann ÍBV? Eyjakonur byrjuðu leikinn af krafti en náðu ekki að skapa sér færin framan af. Eftir því sem líða tók á leikinn kom meiri jafnræði en mark Rebekuh braut upp leikinn. Eftir það gat ÍBV fært sig aftar á völlinn og beitt skyndisóknum. Það mátti oft litlu muna að gestirnir myndu refsa Val með skyndisókn þar til Cloe Lacasse bætti við öðru marki ÍBV á gríðarlega mikilvægum tíma. Aðeins tveimur mínútum áður misstu Eyjakonur mann af velli og var Valsliðið eflaust farið að sjá möguleika á þremur stigum gegn tíu leikmönnum en mark Lacasse slökkti þann neista. Dóra María náði að minnka muninn fyrir Val en markið kom einfaldlega of seint þegar fimm mínútur voru til leiksloka. Að lokum var þetta gríðarlega góður sigur fyrir ÍBV sem gaf varla færi á sér í leiknum og tóku þær verðskuldað þrjú stig.Þessar stóðu uppúr Varnarlína ÍBV stóð vakt sína vel í dag og gáfu Margréti Láru Viðarsdóttir aldrei neinn tíma á boltann. Sóley Guðmundsdóttir var í örlitlum vandræðum framan af en hún steig upp í seinni hálfleik og lokaði á hægri kant Valsliðsins. Markaskorararnir tveir í liði ÍBV, Rebekah og Cloe, voru sívinnandi í leiknum og gáfu þær Valsvörninni ekkert eftir í baráttunni. Í liði Vals var Vesna Elísa Smiljkovic spræk framan af og komu flestar sóknir liðsins í gegnum hana en það dróg af henni eftir því sem leið á leikinn. Hlín Eiríksdóttir kom af krafti inn af bekknum og lagði upp markið fyrir Dóru Maríu en það virtist vanta baráttuandann í liðsfélaga þeirra.Hvað gekk illa? Sóknarleikur Vals var ekki upp á marga fiska framan af fyrir utan stuttan kafla í fyrri hálfleik. Fyrir vikið reyndi Margrét Lára að draga sig neðar á völlinn í stað þess að vera inn í teignum til þess að binda endahnút á sóknir Vals.Hvað gerist næst? Valskonur eru svo gott sem fallnar úr leik í baráttunni um Íslandsmeistaratitilinn eftir tapið í kvöld en næsti leikur liðsins er gegn FH á útivelli. Liðið þarf að treysta á að bæði Stjarnan og Breiðablik misstígi sig af krafti á lokametrunum en bilið er líklegast of mikið þegar sex umferðir eru eftir. ÍBV á annan gríðarlega erfiðan útileik gegn Stjörnunni í næstu umferð en eftir sigurinn í kvöld á liðið enn möguleika á 3. sætinu í Pepsi-deildinni. Bryndís: Féllum full aftarlega í seinni hálfleik„Þetta er bara frábært. Valur er í toppbaráttunni og við vildum ekki missa þær of langt framúr okkur svo þetta var stór sigur fyrir okkur,“ sagði Bryndís Lára Hrafnkelsdóttir, markvörður ÍBV, eftir leikinn í kvöld. ÍBV byrjaði leikinn af krafti og voru Eyjakonur einfaldlega óheppnar að komast ekki yfir á upphafsmínútunum. „Við erum búnar að gleyma þessum leik, við hættum að hugsa um hann um leið og hann var flautaður af. Við vildum gera betur í kvöld og við erum ánægðar með hvernig við brugðumst við,“ sagði Bryndís og bætti við: „Ég var mjög ánægð með fyrri hálfleikinn og fyrsta korterið í seinni hálfleiknum en við duttum of aftarlega eftir því sem leið á leikinn. Við fórum kannski full aftarlega að mínu mati.“ Bryndís viðurkenndi að það hefði farið um hana þegar Sigríður Lára fékk rautt spjald tíu mínútum fyrir leikslok í stöðunni 1-0. „Að sjálfsögðu fór um mann í markinu. Valsliðið er mjög sterkt lið og við vissum að þær myndu pressa okkur. Við vissum að þær myndu reyna að krossa mikið með þessa turna en okkur tókst að tækla það vel.“ Bryndís sagði Eyjaliðið vera með sitt markmið og að þær væru ekki að horfa á neitt sæti. „Við erum með okkar markmið og við reynum bara að vinna að því. Toppliðin tvö eru með gott forskot þannig við erum að búa okkur til lítil markmið sem við getum einblínt á.“ Dóra María: Urðum einfaldlega undir í baráttunni í kvöld„Þetta var kjörið tækifæri til þess að saxa á Breiðablik fyrst þær misstigu sig í dag en í stað þess spilum við mótið svolítið frá okkur,“ sagði Dóra María Lárusdóttir, leikmaður Vals, ómyrk í máli að leikslokum. Dóra var fljót að svara aðspurð hvað hefði farið úrskeiðis í kvöld. „Við héldum bolta illa, við náðum varla tveimur sendingum á milli í fyrri hálfleik. Fyrir vikið leituðu bæði lið í langa bolta á blautum vellinum í kvöld en þær náðu að nýta sín færi vel í dag. Það vantaði ýmislegt uppá og við urðum einfaldlega undir í baráttunni.“ Dóra var skiljanlega svekkt yfir öðru marki ÍBV í leiknum sem kom stuttu eftir að þær misstu mann af velli. „Maður sá það fyrir sér að við næðum að komast betur inn í leikinn. Við vorum byrjaðar að spila betur og vorum með yfirhöndina en þær gerðu vel og lokuðu vel á okkur.“ Valskonur eru sjö stigum á eftir Stjörnunni á toppi deildarinnar þegar sex umferðir eru eftir en ÍBV er aðeins þremur stigum á eftir Val í 4. sæti. „Sjö stig er orðið stórt bil og við þurfum að treysta á að Stjarnan tapi stigum í tveimur leikjum ásamt því að tapa gegn okkur. Þetta verður erfitt en við vonum það besta.“ Ian Jeffs: Fann á stelpunum að þær vildu svara fyrir tapið í bikarnum„Að taka þrjú stig á Hlíðarenda er auðvitað frábært og ég er gríðarlega ánægður með stelpurnar eftir sigurinn,“ sagði Ian Jeffs, þjálfari ÍBV, sáttur að leikslokum í kvöld. „Það var mikið svekkelsi eftir bikarleikinn á föstudaginn en við nýttum helgina í að endurstilla okkur og líta á það sem eftir er. Ég fann það á þeim strax að þær vildu svara fyrir tapið.“ Mörk Eyjaliðsins komu bæði á gríðarlega mikilvægum tíma, rétt fyrir lok fyrri hálfleiks og stuttu eftir rauða spjaldið sem ÍBV fékk tíu mínútum fyrir leikslok. „Bæði mörkin tvö eru á mjög mikilvægum tímum því Valsliðið setti mikla pressu á okkur. Við náðum svo að klára leikinn og sýndum hvað við getum varist vel þótt að Valsliðið væri farið að dæla löngum boltum inn á teiginn.“ Pepsi Max-deild kvenna Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Ramos rekinn úr húsi fyrir að sparka í klof Bookers Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Lét leikmenn Tindastóls heyra það: Fólk hérna á þetta ekki skilið Körfubolti Liverpool úr leik þrátt fyrir sigur á Ítalíu Fótbolti Fleiri fréttir Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Hefur varið helming vítanna sem hann hefur reynt við í Bestu Arnar hefur ekki tapað fyrir Rúnari í meira en þrjú ár Valur og FH mætast í bikarnum en meistararnir fá heimsókn úr Garði KR-ingar meira en tíu klukkutímum fljótari í sjö mörkin í ár Allir vinir í skóginum: Sameiginlegt Fan Zone fyrir fyrsta leik Nadíu með Val Sjáðu þrennu Viktors og vítavörsluna sem bjargaði Val Sjá meira
ÍBV svaraði fyrir tapið í bikarúrslitunum og lyfti sér upp í 4. sæti Pepsi-deildar kvenna með 2-1 sigri á Val í 12. umferð í kvöld.Hanna K. Andrésdóttir, ljósmyndari Fréttablaðsins og Vísis, var á Valsvellinum í kvöld og tók meðfylgjandi myndir. ÍBV komst yfir á lokamínútu fyrri hálfleiks með glæsilegu marki frá Rebekah Bass þegar hún lyfti boltanum yfir Söndru Sigurðardóttir í marki Vals af löngu færi. Sigríður Lára Garðarsdóttir í liði ÍBV fékk rautt spjald tíu mínútum fyrir leikslok en Cloe Lacasse náði að bæta við öðru marki ÍBV stuttu síðar. Dóra María Lárusdóttir náði að klóra í bakkann fyrir Valskonur þegar fimm mínútur voru til leiksloka en lengra komust þær ekki.Afhverju vann ÍBV? Eyjakonur byrjuðu leikinn af krafti en náðu ekki að skapa sér færin framan af. Eftir því sem líða tók á leikinn kom meiri jafnræði en mark Rebekuh braut upp leikinn. Eftir það gat ÍBV fært sig aftar á völlinn og beitt skyndisóknum. Það mátti oft litlu muna að gestirnir myndu refsa Val með skyndisókn þar til Cloe Lacasse bætti við öðru marki ÍBV á gríðarlega mikilvægum tíma. Aðeins tveimur mínútum áður misstu Eyjakonur mann af velli og var Valsliðið eflaust farið að sjá möguleika á þremur stigum gegn tíu leikmönnum en mark Lacasse slökkti þann neista. Dóra María náði að minnka muninn fyrir Val en markið kom einfaldlega of seint þegar fimm mínútur voru til leiksloka. Að lokum var þetta gríðarlega góður sigur fyrir ÍBV sem gaf varla færi á sér í leiknum og tóku þær verðskuldað þrjú stig.Þessar stóðu uppúr Varnarlína ÍBV stóð vakt sína vel í dag og gáfu Margréti Láru Viðarsdóttir aldrei neinn tíma á boltann. Sóley Guðmundsdóttir var í örlitlum vandræðum framan af en hún steig upp í seinni hálfleik og lokaði á hægri kant Valsliðsins. Markaskorararnir tveir í liði ÍBV, Rebekah og Cloe, voru sívinnandi í leiknum og gáfu þær Valsvörninni ekkert eftir í baráttunni. Í liði Vals var Vesna Elísa Smiljkovic spræk framan af og komu flestar sóknir liðsins í gegnum hana en það dróg af henni eftir því sem leið á leikinn. Hlín Eiríksdóttir kom af krafti inn af bekknum og lagði upp markið fyrir Dóru Maríu en það virtist vanta baráttuandann í liðsfélaga þeirra.Hvað gekk illa? Sóknarleikur Vals var ekki upp á marga fiska framan af fyrir utan stuttan kafla í fyrri hálfleik. Fyrir vikið reyndi Margrét Lára að draga sig neðar á völlinn í stað þess að vera inn í teignum til þess að binda endahnút á sóknir Vals.Hvað gerist næst? Valskonur eru svo gott sem fallnar úr leik í baráttunni um Íslandsmeistaratitilinn eftir tapið í kvöld en næsti leikur liðsins er gegn FH á útivelli. Liðið þarf að treysta á að bæði Stjarnan og Breiðablik misstígi sig af krafti á lokametrunum en bilið er líklegast of mikið þegar sex umferðir eru eftir. ÍBV á annan gríðarlega erfiðan útileik gegn Stjörnunni í næstu umferð en eftir sigurinn í kvöld á liðið enn möguleika á 3. sætinu í Pepsi-deildinni. Bryndís: Féllum full aftarlega í seinni hálfleik„Þetta er bara frábært. Valur er í toppbaráttunni og við vildum ekki missa þær of langt framúr okkur svo þetta var stór sigur fyrir okkur,“ sagði Bryndís Lára Hrafnkelsdóttir, markvörður ÍBV, eftir leikinn í kvöld. ÍBV byrjaði leikinn af krafti og voru Eyjakonur einfaldlega óheppnar að komast ekki yfir á upphafsmínútunum. „Við erum búnar að gleyma þessum leik, við hættum að hugsa um hann um leið og hann var flautaður af. Við vildum gera betur í kvöld og við erum ánægðar með hvernig við brugðumst við,“ sagði Bryndís og bætti við: „Ég var mjög ánægð með fyrri hálfleikinn og fyrsta korterið í seinni hálfleiknum en við duttum of aftarlega eftir því sem leið á leikinn. Við fórum kannski full aftarlega að mínu mati.“ Bryndís viðurkenndi að það hefði farið um hana þegar Sigríður Lára fékk rautt spjald tíu mínútum fyrir leikslok í stöðunni 1-0. „Að sjálfsögðu fór um mann í markinu. Valsliðið er mjög sterkt lið og við vissum að þær myndu pressa okkur. Við vissum að þær myndu reyna að krossa mikið með þessa turna en okkur tókst að tækla það vel.“ Bryndís sagði Eyjaliðið vera með sitt markmið og að þær væru ekki að horfa á neitt sæti. „Við erum með okkar markmið og við reynum bara að vinna að því. Toppliðin tvö eru með gott forskot þannig við erum að búa okkur til lítil markmið sem við getum einblínt á.“ Dóra María: Urðum einfaldlega undir í baráttunni í kvöld„Þetta var kjörið tækifæri til þess að saxa á Breiðablik fyrst þær misstigu sig í dag en í stað þess spilum við mótið svolítið frá okkur,“ sagði Dóra María Lárusdóttir, leikmaður Vals, ómyrk í máli að leikslokum. Dóra var fljót að svara aðspurð hvað hefði farið úrskeiðis í kvöld. „Við héldum bolta illa, við náðum varla tveimur sendingum á milli í fyrri hálfleik. Fyrir vikið leituðu bæði lið í langa bolta á blautum vellinum í kvöld en þær náðu að nýta sín færi vel í dag. Það vantaði ýmislegt uppá og við urðum einfaldlega undir í baráttunni.“ Dóra var skiljanlega svekkt yfir öðru marki ÍBV í leiknum sem kom stuttu eftir að þær misstu mann af velli. „Maður sá það fyrir sér að við næðum að komast betur inn í leikinn. Við vorum byrjaðar að spila betur og vorum með yfirhöndina en þær gerðu vel og lokuðu vel á okkur.“ Valskonur eru sjö stigum á eftir Stjörnunni á toppi deildarinnar þegar sex umferðir eru eftir en ÍBV er aðeins þremur stigum á eftir Val í 4. sæti. „Sjö stig er orðið stórt bil og við þurfum að treysta á að Stjarnan tapi stigum í tveimur leikjum ásamt því að tapa gegn okkur. Þetta verður erfitt en við vonum það besta.“ Ian Jeffs: Fann á stelpunum að þær vildu svara fyrir tapið í bikarnum„Að taka þrjú stig á Hlíðarenda er auðvitað frábært og ég er gríðarlega ánægður með stelpurnar eftir sigurinn,“ sagði Ian Jeffs, þjálfari ÍBV, sáttur að leikslokum í kvöld. „Það var mikið svekkelsi eftir bikarleikinn á föstudaginn en við nýttum helgina í að endurstilla okkur og líta á það sem eftir er. Ég fann það á þeim strax að þær vildu svara fyrir tapið.“ Mörk Eyjaliðsins komu bæði á gríðarlega mikilvægum tíma, rétt fyrir lok fyrri hálfleiks og stuttu eftir rauða spjaldið sem ÍBV fékk tíu mínútum fyrir leikslok. „Bæði mörkin tvö eru á mjög mikilvægum tímum því Valsliðið setti mikla pressu á okkur. Við náðum svo að klára leikinn og sýndum hvað við getum varist vel þótt að Valsliðið væri farið að dæla löngum boltum inn á teiginn.“
Pepsi Max-deild kvenna Mest lesið Booker um sparkið í stellið: „Partur af körfuboltanum en þetta var allt of mikið“ Körfubolti Dagný ánægð að vera mætt aftur til æfinga Enski boltinn „Þurfum á öllum að halda fyrir loka áhlaup í deildinni“ Fótbolti „Hlakka rosalega til að sjá troðfullt hús á mánudaginn“ Körfubolti Ramos rekinn úr húsi fyrir að sparka í klof Bookers Körfubolti Þjálfari Hákon Arnars: „Áttum skilið að fara áfram“ Fótbolti Ósáttur með dómara leiksins: „Eins og að spila gegn fjórtán mönnum“ Fótbolti Uppgjör og viðtöl: Njarðvík - Þór Þ. 107-110 | Þórsarar sigri frá undanúrslitum Körfubolti Lét leikmenn Tindastóls heyra það: Fólk hérna á þetta ekki skilið Körfubolti Liverpool úr leik þrátt fyrir sigur á Ítalíu Fótbolti Fleiri fréttir Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af „Djöfull hlýtur að vera óþolandi að spila á móti þessum gaur“ „Allir sem eru búnir að sjá þetta aftur segja mér hvernig þetta hefði átt að vera“ Uppgjörið og viðtal: Fram - Víkingur 0-1 | Íslandsmeistararnir áfram með fullt hús Hefur varið helming vítanna sem hann hefur reynt við í Bestu Arnar hefur ekki tapað fyrir Rúnari í meira en þrjú ár Valur og FH mætast í bikarnum en meistararnir fá heimsókn úr Garði KR-ingar meira en tíu klukkutímum fljótari í sjö mörkin í ár Allir vinir í skóginum: Sameiginlegt Fan Zone fyrir fyrsta leik Nadíu með Val Sjáðu þrennu Viktors og vítavörsluna sem bjargaði Val Sjá meira