Umfjöllun, viðtöl og einkunnir: Víkingur Ó. - KR 0-1 | Evrópudraumur KR lifir enn Ingvi Þór Sæmundsson skrifar 25. september 2016 17:00 Þorsteinn Már mætti sínum gömlu félögum í KR. vísir/hanna KR vann sinn fjórða leik í röð þegar liðið sótti Víking Ó. heim í 21. umferð Pepsi-deildar karla í dag. Lokatölur 0-1, KR í vil. Pálmi Rafn Pálmason skoraði eina mark leiksins á 28. mínútu þegar hann vippaði boltanum laglega yfir Cristian Martinez Liberato í marki Ólsara. Stefán Logi Magnússon varði í tvígang úr dauðafærum heimamanna en skoraði svo sjálfsmark þegar stundarfjórðungur var til leiksloka. Markið var hins vegar dæmt af við litla hrifningu Víkinga. Með sigrinum komst KR í 4. sæti deildarinnar en liðið á góða möguleika á að ná Evrópusæti. Ólsarar, sem hafa ekki unnið leik síðan í lok júní, eru enn í mikilli fallhættu en þeim til happs gerði Fylki 2-2 jafntefli við botnlið Þróttar á sama tíma. Víkingur er því ekki í fallsæti fyrir lokaumferðina.Af hverju vann KR? Leikurinn var frekar tíðindalítill. Ólafsvíkurvöllur var blautur og þungur og því var lítið um góðan fótbolta. Mikið jafnræði var með liðunum en það sem gerði útslagið var að KR-ingar voru beittari í vítateigunum. Pálmi Rafn nýtti sér mistök Aleix Egea Acame þegar hann skoraði. Sá síðarnefndi fékk dauðafæri snemma leiks sem Stefán Logi varði og hann átti svo aðra lykilmarkvörslu snemma í seinni hálfleik þegar Pape Mamadou Faye slapp einn í gegn. Ólsarar skoruðu síðan, að því er virtist, löglegt mark sem var ekki dæmt gilt. Blóðugt fyrir þá en stig hefði hjálpað heilmikið til botnbaráttunni.Þessir stóðu upp úr Fyrir utan markið sem var ekki dæmt átti Stefán Logi afbragðs leik milli stanganna hjá KR; varði tvö dauðafæri og var duglegur að sópa upp fyrir aftan vörnina. Varnarleikur KR var heilt yfir mjög góður og vinnusemin í liðinu til fyrirmyndar. Aron Bjarki Jósepsson átti góðan leik sem og Indriði Sigurðsson en þeir ná virkilega vel saman í hjarta KR-varnarinnar.Hvað gekk illa? Spil beggja liða var ekki upp á marga fiska eins og áður sagði en aðstæður spiluðu þar inn í. Það vantaði þó ekkert upp á vinnsluna í báðum liðum og baráttan var mikil. Aleix vill eflaust gleyma þessum leik sem fyrst. Hann gerði mistök í markinu þegar hann þrumaði boltanum í Pálma Rafn og Spánverjinn klúðraði einnig dauðafæri í upphafi leiks. Erlendur Eiríksson, dómari leiksins, og aðstoðarmenn hans hafa átt betri daga en svo virðist sem þeir hafi gert stór mistök í markinu sem Ólsarar skoruðu.Hvað gerist næst? Í lokaumferðinni sækir Víkingur Stjörnuna heim á meðan KR fær Fylki í heimsókn. Ólsarar vonast væntanlega eftir að KR-ingar geri þeim greiða en vinni Fylkismenn ekki eru þeir fallnir, burtséð frá því hvað gerist í leik Stjörnunnar og Víkings. Með sigri eru Ólsarar öruggir en þeir eru sem fyrr með örlögin í sínum höndum. Það hefur ekkert breyst þótt liðið geti ekki unnið leiki. KR-ingar eru í baráttu við Stjörnuna, Breiðablik og Fjölni um tvö laus sæti í Evrópudeildinni á næsta tímabili. KR er í 4. sæti deildarinnar með 35 stig, jafn mörg og Breiðablik en einu stigi minna en Stjarnan. Fjölnir kemur svo í 5. sætinu með 34 stig.Ejub: Vona Erlendar og okkar vegna að þetta hafi verið mark Ejub Purisevic, þjálfari Víkings Ó., sagði sína menn hafa spilað vel gegn KR þótt uppskeran væri engin. En hvað fannst honum skilja liðin að? „Markið. Við fengum flott færi í byrjun leiks og byrjuðum leikinn rosalega vel. Fyrstu 20-25 mínúturnar voru virkilega góðar sem og seinni hálfleikurinn,“ sagði Ejub eftir leik. „Við skoruðum mark sem var ekki dæmt gilt. Ég veit ekki hvað maður á að segja, ætli KR hafi ekki haft gæði og reynslu til að klára svona jafnan leik.“ Þegar stundarfjórðungur var eftir af leiknum var mark dæmt af Ólsurum. Umdeildur dómur svo ekki sé meira sagt en hvernig leit þetta út fyrir Ejub? „Að þetta var mark. Ég vona Erlendar vegna og okkar vegna að þetta hafi verið mark því mér finnst það alltof dýrt ef þetta hefur verið löglegt mark,“ sagði þjálfarinn. Þrátt fyrir að Ólsarar hafi ekki unnið leik síðan í lok júní eru þeir ekki í fallsæti og enn með örlögin í sínum eigin höndum fyrir lokaumferðina. „Sem betur fer. Með smá heppni í dag hefði þetta verið búið. Þegar þú ert í svona stöðu er kannski erfiðara að skora en þetta kemur vonandi næst,“ sagði Ejub að lokum.Willum: Unnum fyrir sigrinum Willum Þór Þórsson, þjálfari KR, kvaðst ánægður með stigin þrjú sem hans menn sóttu til Ólafsvíkur. „Þetta var hörkuleikur og hart tekist á. Það mátti vart á milli sjá,“ sagði Willum eftir leik. „En ég var feykilega ánægður með mína menn í dag. Við unnum fyrir sigrinum, vorum þéttir og gáfum fá færi á okkur.“ Þrátt fyrir góðan varnarleik KR-inga fengu Ólsarar dauðafæri í sitt hvorum hálfleiknum sem Stefán Logi Magnússon varði vel. Willum hrósaði markverðinum sínum. „Þetta er ekki fyrsti leikurinn þar sem hann stígur upp. Hann er búinn að standa sig feykilega vel,“ sagði Willum. Aðspurður um markið sem var dæmt af Ólsurum í seinni hálfleik hafði hann þetta að segja: „Erlendur var ekki í neinum vafa og dæmdi strax aukaspyrnu. Ég var alveg rólegur,“ sagði Willum. KR hefur unnið fjóra leiki í röð og á enn góða möguleika á að ná Evrópusæti. Lærisveinar Willums fá Fylkismenn í heimsókn í lokaumferðinni. „Þetta er það sem við stefndum á. Við eigum lokaleikinn á heimavelli og það er gaman að enda tímabilið á leik sem skiptir máli,“ sagði Willum að lokum. Pepsi Max-deild karla Tengdar fréttir "Markið" í Ólafsvík: Fannst ég ekki gera neitt rangt Umdeilt atvik átti sér stað í leik Víkings Ó. og KR í 21. umferð Pepsi-deildar karla í kvöld. 25. september 2016 16:31 Mest lesið Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti Fimleikastelpurnar fá fjórtán milljarða vegna sinnuleysis FBI Sport Booker um sparkið í stellið: „Partur af körfuboltanum en þetta var allt of mikið“ Körfubolti Ramos rekinn úr húsi fyrir að sparka í klof Bookers Körfubolti Lét leikmenn Tindastóls heyra það: Fólk hérna á þetta ekki skilið Körfubolti Neville orðlaus: „Var þetta gert opinbert á sínum tíma?“ Enski boltinn Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik Körfubolti Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslenski boltinn Liverpool úr leik þrátt fyrir sigur á Ítalíu Fótbolti Nýtt merki Þróttar komið á búninginn Íslenski boltinn Fleiri fréttir „Ef þetta er rautt, af hverju komast aðrir upp með að brjóta miklu oftar?“ „Allt í lagi fram að rauða spjaldinu en breyttist mikið þá“ ÍA kynnir Rúnar Má til leiks Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslandsmeistararnir sóttu bakvörð til Bandaríkjanna Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af Sjá meira
KR vann sinn fjórða leik í röð þegar liðið sótti Víking Ó. heim í 21. umferð Pepsi-deildar karla í dag. Lokatölur 0-1, KR í vil. Pálmi Rafn Pálmason skoraði eina mark leiksins á 28. mínútu þegar hann vippaði boltanum laglega yfir Cristian Martinez Liberato í marki Ólsara. Stefán Logi Magnússon varði í tvígang úr dauðafærum heimamanna en skoraði svo sjálfsmark þegar stundarfjórðungur var til leiksloka. Markið var hins vegar dæmt af við litla hrifningu Víkinga. Með sigrinum komst KR í 4. sæti deildarinnar en liðið á góða möguleika á að ná Evrópusæti. Ólsarar, sem hafa ekki unnið leik síðan í lok júní, eru enn í mikilli fallhættu en þeim til happs gerði Fylki 2-2 jafntefli við botnlið Þróttar á sama tíma. Víkingur er því ekki í fallsæti fyrir lokaumferðina.Af hverju vann KR? Leikurinn var frekar tíðindalítill. Ólafsvíkurvöllur var blautur og þungur og því var lítið um góðan fótbolta. Mikið jafnræði var með liðunum en það sem gerði útslagið var að KR-ingar voru beittari í vítateigunum. Pálmi Rafn nýtti sér mistök Aleix Egea Acame þegar hann skoraði. Sá síðarnefndi fékk dauðafæri snemma leiks sem Stefán Logi varði og hann átti svo aðra lykilmarkvörslu snemma í seinni hálfleik þegar Pape Mamadou Faye slapp einn í gegn. Ólsarar skoruðu síðan, að því er virtist, löglegt mark sem var ekki dæmt gilt. Blóðugt fyrir þá en stig hefði hjálpað heilmikið til botnbaráttunni.Þessir stóðu upp úr Fyrir utan markið sem var ekki dæmt átti Stefán Logi afbragðs leik milli stanganna hjá KR; varði tvö dauðafæri og var duglegur að sópa upp fyrir aftan vörnina. Varnarleikur KR var heilt yfir mjög góður og vinnusemin í liðinu til fyrirmyndar. Aron Bjarki Jósepsson átti góðan leik sem og Indriði Sigurðsson en þeir ná virkilega vel saman í hjarta KR-varnarinnar.Hvað gekk illa? Spil beggja liða var ekki upp á marga fiska eins og áður sagði en aðstæður spiluðu þar inn í. Það vantaði þó ekkert upp á vinnsluna í báðum liðum og baráttan var mikil. Aleix vill eflaust gleyma þessum leik sem fyrst. Hann gerði mistök í markinu þegar hann þrumaði boltanum í Pálma Rafn og Spánverjinn klúðraði einnig dauðafæri í upphafi leiks. Erlendur Eiríksson, dómari leiksins, og aðstoðarmenn hans hafa átt betri daga en svo virðist sem þeir hafi gert stór mistök í markinu sem Ólsarar skoruðu.Hvað gerist næst? Í lokaumferðinni sækir Víkingur Stjörnuna heim á meðan KR fær Fylki í heimsókn. Ólsarar vonast væntanlega eftir að KR-ingar geri þeim greiða en vinni Fylkismenn ekki eru þeir fallnir, burtséð frá því hvað gerist í leik Stjörnunnar og Víkings. Með sigri eru Ólsarar öruggir en þeir eru sem fyrr með örlögin í sínum höndum. Það hefur ekkert breyst þótt liðið geti ekki unnið leiki. KR-ingar eru í baráttu við Stjörnuna, Breiðablik og Fjölni um tvö laus sæti í Evrópudeildinni á næsta tímabili. KR er í 4. sæti deildarinnar með 35 stig, jafn mörg og Breiðablik en einu stigi minna en Stjarnan. Fjölnir kemur svo í 5. sætinu með 34 stig.Ejub: Vona Erlendar og okkar vegna að þetta hafi verið mark Ejub Purisevic, þjálfari Víkings Ó., sagði sína menn hafa spilað vel gegn KR þótt uppskeran væri engin. En hvað fannst honum skilja liðin að? „Markið. Við fengum flott færi í byrjun leiks og byrjuðum leikinn rosalega vel. Fyrstu 20-25 mínúturnar voru virkilega góðar sem og seinni hálfleikurinn,“ sagði Ejub eftir leik. „Við skoruðum mark sem var ekki dæmt gilt. Ég veit ekki hvað maður á að segja, ætli KR hafi ekki haft gæði og reynslu til að klára svona jafnan leik.“ Þegar stundarfjórðungur var eftir af leiknum var mark dæmt af Ólsurum. Umdeildur dómur svo ekki sé meira sagt en hvernig leit þetta út fyrir Ejub? „Að þetta var mark. Ég vona Erlendar vegna og okkar vegna að þetta hafi verið mark því mér finnst það alltof dýrt ef þetta hefur verið löglegt mark,“ sagði þjálfarinn. Þrátt fyrir að Ólsarar hafi ekki unnið leik síðan í lok júní eru þeir ekki í fallsæti og enn með örlögin í sínum eigin höndum fyrir lokaumferðina. „Sem betur fer. Með smá heppni í dag hefði þetta verið búið. Þegar þú ert í svona stöðu er kannski erfiðara að skora en þetta kemur vonandi næst,“ sagði Ejub að lokum.Willum: Unnum fyrir sigrinum Willum Þór Þórsson, þjálfari KR, kvaðst ánægður með stigin þrjú sem hans menn sóttu til Ólafsvíkur. „Þetta var hörkuleikur og hart tekist á. Það mátti vart á milli sjá,“ sagði Willum eftir leik. „En ég var feykilega ánægður með mína menn í dag. Við unnum fyrir sigrinum, vorum þéttir og gáfum fá færi á okkur.“ Þrátt fyrir góðan varnarleik KR-inga fengu Ólsarar dauðafæri í sitt hvorum hálfleiknum sem Stefán Logi Magnússon varði vel. Willum hrósaði markverðinum sínum. „Þetta er ekki fyrsti leikurinn þar sem hann stígur upp. Hann er búinn að standa sig feykilega vel,“ sagði Willum. Aðspurður um markið sem var dæmt af Ólsurum í seinni hálfleik hafði hann þetta að segja: „Erlendur var ekki í neinum vafa og dæmdi strax aukaspyrnu. Ég var alveg rólegur,“ sagði Willum. KR hefur unnið fjóra leiki í röð og á enn góða möguleika á að ná Evrópusæti. Lærisveinar Willums fá Fylkismenn í heimsókn í lokaumferðinni. „Þetta er það sem við stefndum á. Við eigum lokaleikinn á heimavelli og það er gaman að enda tímabilið á leik sem skiptir máli,“ sagði Willum að lokum.
Pepsi Max-deild karla Tengdar fréttir "Markið" í Ólafsvík: Fannst ég ekki gera neitt rangt Umdeilt atvik átti sér stað í leik Víkings Ó. og KR í 21. umferð Pepsi-deildar karla í kvöld. 25. september 2016 16:31 Mest lesið Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti Fimleikastelpurnar fá fjórtán milljarða vegna sinnuleysis FBI Sport Booker um sparkið í stellið: „Partur af körfuboltanum en þetta var allt of mikið“ Körfubolti Ramos rekinn úr húsi fyrir að sparka í klof Bookers Körfubolti Lét leikmenn Tindastóls heyra það: Fólk hérna á þetta ekki skilið Körfubolti Neville orðlaus: „Var þetta gert opinbert á sínum tíma?“ Enski boltinn Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik Körfubolti Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslenski boltinn Liverpool úr leik þrátt fyrir sigur á Ítalíu Fótbolti Nýtt merki Þróttar komið á búninginn Íslenski boltinn Fleiri fréttir „Ef þetta er rautt, af hverju komast aðrir upp með að brjóta miklu oftar?“ „Allt í lagi fram að rauða spjaldinu en breyttist mikið þá“ ÍA kynnir Rúnar Má til leiks Uppgjör, viðtöl og myndir: Stjarnan - Valur 1-0 | Stjörnumenn komnir á blað Íslandsmeistararnir sóttu bakvörð til Bandaríkjanna Gunnhildur Yrsa og Erin eiga von á barni Nýtt merki Þróttar komið á búninginn Besta-spáin 2024: Brakar í heila prófessorsins Besta-spáin 2024: Nálgast núllpunktinn á ný Besta-spáin 2024: Svífa áfram á bleika skýinu Besta-spáin 2024: Ekkert Murr Murr „Er eiginlega ennþá í sjokki“ Þróttarar kjósa um nýtt merki Spáin segir að Valur verji titilinn Amanda verður best og FH-ingar grófastir Besta-spáin 2024: Ætla að gera falldrauginn afturreka úr Árbænum Svona var kynningarfundur Bestu deildar kvenna Niðurstöðu að vænta í máli Arnars og KA eftir mánuð Besta-spáin 2024: Blóðtakan of mikil Heimir Guðjóns og Óskar Hrafn hafa báðir látið Hallgrím heyra það „Vorum að spila á móti besta liði landsins“ Uppgjör og viðtal: Valur - Víkingur 1-1 | Bikarmeistar Víkings Meistarar meistaranna Þór/KA fær Bryndísi á láni frá Íslandsmeisturum Vals Besta byrjun Íslandsmeistara í átta ár Biðin eftir fyrsta leiknum á grasi lengist Óskar Örn jafnaði met Gunnleifs Pressa á Hallgrími: „Áttu að þurfa að segja þetta við leikmenn?“ Gummi Ben: Hann fær boltann í lærið Jóhann Ingi Vill vera jafn iðinn við kolann og Olga Færseth Sjáðu sigurmark Víkinga og mark Framara sem var dæmt af Sjá meira
"Markið" í Ólafsvík: Fannst ég ekki gera neitt rangt Umdeilt atvik átti sér stað í leik Víkings Ó. og KR í 21. umferð Pepsi-deildar karla í kvöld. 25. september 2016 16:31
Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti
Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik Körfubolti
Uppgjörið: Grindavík - Tindastóll 91-89 | Íslandsmeisturunum sópað úr leik í Smáranum Körfubolti
Uppgjörið og viðtöl: Keflavík - Álftanes 88-84 | Keflvíkingar tóku forystuna í hörkuleik Körfubolti