Erlent

Tyrklandsstjórn heldur hreinsunum sínum áfram

Atli Ísleifsson skrifar
Erdogan Tyrklandsforseti.
Erdogan Tyrklandsforseti. Vísir/AFP
Tyrknesk stjórnvöld hafa rekið 87 starfsmenn leyniþjónustu landsins úr starfi vegna gruns um tengsl við misheppnaða valdaránstilraun í landinu í júlí. Lögregla hefur hafið rannsókn í máli 52 þeirra.

Tyrkneski ríkisfjölmiðillinn Andalou greinir frá þessu.

Tugþúsundir opinberra starfsmanna hefur vikið frá störfum í kjölfar valdaránstilraunarinnar en þetta eru fyrstu starfsmenn leyniþjónustunnar sem eru látnir fara.

Leyniþjónustan hefur verið harðlega gagnrýnd af Tyrklandsstjórn fyrir að hafa ekki varað við að valdaránstilraunin væri í pípunum.

Klerkurinn Fethullah Gülen er af Tyrklandsstjórn grunaður um að hafa stýrt aðgerðum í valdaránstilrauninni en hann hefur sjálfur neitað því. Hann er í sjálfskipaðri útlegð og býr í í Pennsylvaníu í Bandaríkjunum.


Tengdar fréttir

„Lágmark að Ísland láti í sér heyra“

Dómarafélag Íslands vill að íslensk stjórnvöld beiti sér í málefnum 1.700 tyrkneskra dómara sem hnepptir voru í gæsluvarðhald í tengslum við hreinsanir Erdogans forseta. Margir þeirra dómara sem nú sitja í fangelsi í Tyrklandi eru vinir íslenskra starfsbræðra þeirra.




Fleiri fréttir

Sjá meira


×