Innlent

Tvö reiðhjólaslys í gærkvöldi

Gissur Sigurðsson skrifar
Vísir/Getty
Ung hjólreiðastúlka slasaðist og var flutt á slysadeild þegar hjólið skall á bíl á mótum Kvisthaga og Hjarðarhaga um kvöldmatarleitið í gær. Nánari tildrög koma ekki fram í skeyti lögreglunnar, en stúlkan reyndist ekki alvarlega slösuð.

Umferðarslysum þar sem hjólreiðafólk á í hlut hefur fjölgað nokkuð að undanförnu, sem sjálfsagt má að hluta rekja til mikillar fjölgunar reiðhjólafólks í umferðinni.

Þá slasaðist kona þegar hún hjólaði á stein í Heiðmörk í gærkvöldi og féll í jörðina. Erfitt aðgengi var að vettvangi slyssins og þurftu nokkrir sjúkarflutningamenn á sérbúnum tækjum að koma að björgun hennar. Hún mun hafa beinbrotnað í byltunni og var flutt á slysadeild.  




Fleiri fréttir

Sjá meira


×