Lífið

Tvíburinn: Hafðu ekki áhyggjur af því sem koma skal

Ég ætla alveg að harðbanna þér að hafa áhyggjur af framtíðinni.
Ég ætla alveg að harðbanna þér að hafa áhyggjur af framtíðinni.
Elsku skemmtilegi Tvíburinn minn. Sumarið hefur gefið þér miklar tilfinningahæðir og lægðir.

Ég ætla alveg að harðbanna þér að hafa áhyggjur af framtíðinni því það eru slíkar hugsanir sem senda þér kvíða og stoppa þig. Vertu opinn fyrir óvæntum uppákomum og ef einhver býður þér að koma með til tunglsins, ekki spá í á hvaða farrými þú situr heldur skelltu þér bara.

Mikilvæg ákvörðun breytir lífi þínu og þú munt sjá ljósið og leiðina sem virkar um leið og þú tekur hana.

Það mun byggjast upp sterkt samband hjá þér og þú finnur hamingjutilfinninguna góðu. Mestu húmoristar í heiminum eru í tvíburamerkinu svo notaðu húmorinn og gerðu grín að sjálfum þér því að um leið og þú hlærð þá deyja áhyggjurnar.

Hentu þér í það sem þú þarft að gera og þá ertu meira en hálfnaður. Ekki bíða eftir rétta tímanum því að rétti tíminn fyrir þig, elskan mín, er núna! Það eru einhver óvænt ferðalög í kortunum þínum.

Þú verður að vera viss í ástinni því að þá verður ástin viss um þig, elsku Tvíburinn minn.

Mottó: Um leið og hugsanir mínar breytast, breytist lífið.

Frægir Tvíburar: Örn Árnason leikari, Óli Geir Jónsson plötusnúður, Bjarni töframaður, Hrund Þórsdóttir fréttakona, Össur Skarphéðinsson húmoristi, Johnny Depp leikari, Páll Magnússon fjölmiðlamaður, Kjartan Atli Kjartansson lífsspekúlant, Andi Freyr útvarpsmaður. 


Tengdar fréttir

Vogin: Allt á sér ástæðu

Elsku kjarkmikla Vog. Það er ekki hægt að segja að allt hafi farið nákvæmlega eins og þú ætlaðir þér.

Sporðdreki: Ekkert getur stoppað þig

Elsku Sporðdreki. Það má líkja þér við fuglinn Fönix. Það er alveg sama hvaða erfiðleikum þú lendir í, þú finnur þér alltaf leið út úr þeim.

Hrútur: Láttu heyrast í þér

Elsku aflmikli Hrúturinn minn. Lífið er í raun auðvelt en það erum við sjálf sem flækjum það.

Krabbinn: Hafðu trú á sjálfum þér

Elsku hressi Krabbinn minn. Það er svo mikill kraftur í kortinu þínu að þú verður að nýta þér hann. Það er eins og þú sért að ganga stigann að takmarki þínu og sjáir skýrt hvað þú vilt.

Steingeit: Ekki stjórnast af áliti annarra

Elsku karaktermikla Steingeit. Það þarf að vera myrkur til þess að stjörnurnar sjáist og þú ert búin að hafa regnbogann sem þitt tilfinningalitróf. Það er svo margt sjaldgæft í lífinu, til dæmis ástin.

Nautið: Segðu já við hinu óvænta

Elsku hjartans Nautið mitt. Ekki deyja áður en þú lifir. Þetta ættu að vera einkunnarorðin þín því þú gætir allt eins farið hálfdautt í gegnum lífið ef þú sprengir ekki þægindarammann utan af þér.

Meyjan: Taktu áhættu

Elsku góðhjartaða Meyja. Haustið er þinn tími. Þú skalt nýta þér það að þú ert farin að sjá hvernig þú kemur þér út úr þeim erfiðleikum sem þú hefur áhyggjur af. Þú ert að taka áhættu sem reddast á síðustu stundu.

Vatnsberi: Hafðu gaman af því sem þú gerir

Elsku fallegi Vatnsberi. Mundu að þeir sem haga sér of vel skrifa yfirleitt ekki mannkynssöguna! Og árangur þinn felst ekki í því að hafa allt fullkomið heldur því að hafa gaman af því sem þú gerir.






Fleiri fréttir

Sjá meira


×