Erlent

Tveir létust í hvirfilbyl í Flórída

Stefán Ó. Jónsson skrifar
Twitter
Tveir létustu og fjórir eru sagðir alvarlega slasaðir eftir að hvirfilbylur gekk yfir Flórída í Bandaríkjunum í dag. Allir sex einstaklingarnir eru sagðir hafa verið fjölskyldumeðlimir og að þeir hafi búið saman í hjólhýsi í Duette, nærri Tampa.

Þau látnu voru afi og amma þeirra 4 sem slösuðust. Öll voru færð á sjúkrahús. Faðir barnanna hlaut einnig minniháttar meiðsli.

Fregnir hafa borist af að minnsta kosti þremur hvirfilbyljum sem gengið hafa yfir miðhluti Flórída-fylkis í dag. Þeir hafa allir átt upptök sín á Mexíkóflóa.

Talið er að um 17 þúsund heimili hafi verið án rafmagns í Sarasota-sýslu í dag þegar veðrið var hvað verst. Þá urðu mörg hús illa úti og að minnsta kosti eitt hefur hrunið til grunna. Íbúa var bjargað úr rústunum og heilsast vel. Þá bárust tilkynningar af þökum sem fokið höfðu af húsum á svæðinu.

Veðrið er nú að mestu gengi niður.




Fleiri fréttir

Sjá meira


×