Tveir hópar olíufélaga á Drekasvæðið í sumar

Kristján Már Unnarsson skrifar 19. mars 2015 21:15

Kanadíska olíufélagið Ithaca hefur ákveðið að senda rannsóknarskip á Drekasvæðið til endurvarpsmælinga í sumar. Kínverska félagið CNOOC hefur einnig staðfest sömu áform. Þar með er ljóst að tveir hópar sérleyfishafa hefja olíuleit þar á næstu mánuðum.

Sérleyfin til olíuleitar og olíuvinnslu á Drekasvæðinu voru upphaflega þrjú en í desember skilaði hópur undir forystu Faroe Petroleum inn sínu leyfi. Hinir hóparnir, undir forystu Ithaca og CNOOC, halda sínu striki en íslenska félagið Eykon tengist þeim báðum.

Kanadíska félagið Ithaca og kínverska félagið CNOOC eru meirihlutaeigendur og rekstraraðilar sérleyfanna tveggja.

Kínverska félagið var þegar í haust búið að lýsa yfir vilja sínum til að byrja í sumar og hefur nú staðfest þau áform sín, að því er fram kemur í viðtali við Gunnlaug Jónsson, framkvæmdastjóra Eykons, í fréttum Stöðvar 2.

Þetta fyrsta stig olíuleitarinnar felst í því að rannsóknarskip verða send á svæðið til endurvarpsmælinga. Þau sigla þá eftir fyrirfram ákveðnum ferlum með kapla og mælibúnað í eftirdragi til að kortleggja jarðlögin undir hafsbotni. Gunnlaugur segir að í öðru leyfinu verði teknar sneiðmyndir sem samsvara eittþúsund kílómetrum en í hinu leyfinu verði það tvöþúsund kílómetrar.

Rannsóknarskipum af þessu tagi fylgja nokkur aðstoðarskip en hérlendis verða menn helst varir við umsvifin ef flotinn kemur til hafnar að sækja vistir og þjónustu. Kveðst Gunnlaugur telja líklegt að skipin komi til hafnar hérlendis.

Gunnlaugur Jónsson, framkvæmdastjóri Eykons.Stöð 2/Baldur Hrafnkell Jónsson.

Þá er hugsanlegt er að hóparnir tveir sameinist um rannsóknarskip. Gunnlaugur segir viðræður hafnar um slíkt milli leyfishafanna og það komi væntanlega í ljós á næstu vikum eða mánuðum.

Hann segir að lágu olíuverði fylgi lágt verð á þjónustu við olíugeirann. „Við teljum það ekki víst að svo lágt verð fáist á næstu árum þannig að við viljum nota tækifærið,“ segir Gunnlaugur.

Olíuleit á Drekasvæði

Tengdar fréttir

Segir ástæðulaust að óttast Kínverja

Helsti sérfræðingur norræna Nordea-bankans um olíuiðnaðinn, Thina Saltvedt, segir fátt benda til þess að olíuútrás Kínverja sé fyrst og fremst til að soga olíuna til eigin heimalands.

28. júní 2014 13:00

Olíuleitin hagstæðari vegna verðfalls á olíu

Enginn bilbugur er á sérleyfishöfum á Drekasvæðinu, þótt olíuverð hafi hrapað um helming. Talsmaður Eykons segir þvert á móti að nú verði olíuleitin ákjósanlegri og tilkostnaður töluvert lægri.

11. janúar 2015 07:48

Eyfirðingar þjónusta olíuleitarflota af Drekasvæðinu

Floti fjögurra olíurannsóknarskipa kom inn til Akureyrar í dag af Drekasvæðinu til að sækja sér vistir og þjónustu sem og til áhafnaskipta. Eyfirðingar fá þarna forsmekkinn af þeim umsvifum sem vaxandi olíuleit í Norðurhöfum gæti skapað á Íslandi á næstu árum. Rannsóknarskipið Nordic Explorer fer fyrir flotanum en með því eru þrjú fylgdarskip, tvö færeysk og eitt íslenskt, Valberg VE.

10. júlí 2012 20:00

Eftir 30 ár á Drekasvæðinu vonast Steinar til að styttist í gleðitíðindi

Íslenskur jarðeðlisfræðingur, sem byrjaði fyrir yfir þrjátíu árum að leita olíu á Drekasvæðinu, segir að nú séu sterk fyrirtæki komin inn sem dragi vagninn.

25. október 2014 19:30

Reyðarfjörður valinn sem olíubær Íslands

Eykon Energy hefur valið Reyðarfjörð sem þjónustumiðstöð fyrir bæði olíuleit og olíuvinnslu á Drekasvæðinu. Formaður bæjarráðs Fjarðabyggðar segir þetta skapa gríðarleg tækifæri.

11. maí 2014 19:15

Kínverjar mættir til að hefja olíuleitina

Leyfishafar á Drekasvæðinu undir forystu kínverska félagsins CNOOC ákváðu á fundi í dag að hraðar yrði farið af stað í olíuleitina en áætlanir gerðu ráð fyrir.

20. október 2014 20:15

Telja að olían endist í 150 ár hið minnsta

Bandaríska olíufélagið ExxonMobil telur að olía haldi áfram að vera mikilvægasti orkugjafi mannkyns næsta aldarfjórðung, að minnsta kosti.

15. mars 2015 14:06

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.