Innlent

Tveir handteknir í umfangsmiklum aðgerðum lögreglu

Kolbeinn Tumi Daðason skrifar
Frá aðgerðum lögreglu í gær.
Frá aðgerðum lögreglu í gær. Vísir/Aðsend
Fjölmennt lið lögreglu var kallað út að horni Barónstígs og Grettisgötu síðdegis í gær. Voru tveir handteknir í aðgerðum lögreglunnar.

Samkvæmt upplýsingum frá lögreglu var tilkynnt um innbrot í íbúð við Grettisgötu eftir hádegi í gær. Var um eftirlýsta menn að ræða sem áttu eftir að ljúka afplánun auk þess sem þeir áttu eftir að greiða sektir. Þriðji maðurinn sem lögregla hafði hendur í hári var drengur sem fluttur var á Stuðla.

Vísir greindi fyrst frá aðgerðum lögreglu í gær sem vöktu mikla athygli vegfarenda. Voru sumir með símana á lofti og gerðu lögreglumenn tilraun til þess að meina fólki að taka myndir og myndbönd.


Tengdar fréttir

Umfangsmiklar lögregluaðgerðir í miðbænum

Fjölmennt lið lögreglu var kallað út að horni Barónstígs og Grettisgötu í miðbæ Reykjavíkur um þrjúleytið í dag. Alls voru fjórir lögreglubílar og fjögur mótorhjól á staðnum, auk sérsveitarmanna.




Fleiri fréttir

Sjá meira


×