Tveggja ári fangelsi fyrir nauðgun: Sagði að frásögn konunnar væri „hrein ímyndun“ Sunna Kristín Hilmarsdóttir skrifar 6. mars 2015 11:38 Héraðsdómur taldi framburð konunnar einkar trúverðugan, öfugt við framburð mannsins sem braut á henni. Vísir/Getty Héraðsdómur Reykjavíkur dæmdi í dag 35 ára gamlan karlmann í 2 ára fangelsi fyrir nauðgun. Brotið átti sér stað í ágúst árið 2013 í herbergi konunnar en hún og maðurinn bjuggu í sömu íbúð. Konan er bandarískur ríkisborgari og hafði komið til landsins tveimur dögum áður en maðurinn braut á henni. Hann var í nokkurs konar forsvari fyrir leigusala íbúðarinnar og sýndi henni til dæmis herbergið sem hún flutti síðar í. Maðurinn er sakfelldur fyrir að hafa farið óboðinn inn í herbergi konunnar þar sem hún lá í rúmi sínu. Lagðist hann nakinn upp í til hennar og strauk konunni, bæði innan og utan klæða um handleggi, bak, brjóst, læri og rass.Bað manninn ítrekað um að fara Þá á maðurinn einnig að hafa lagst ofan á konuna, sem lá á maganum, „og viðhaft samræðishreyfingar þannig að stinnur getnaðarlimur ákærða hafi strokist við rass brotaþola,“ eins og segir í dómi héraðsdóms. Telur dómurinn að háttsemi mannsins hafi verið til þess fallin að veita honum fullnægingu en háttsemin fellur undir skilgreiningu nauðgunar samkvæmt lögum. Konan náði á endanum að losa sig og komast út úr herberginu. Í gögnum málsins eru skilaboð sem konan sendi vini sínum á Facebook skömmu eftir að maðurinn braut á henni. Þar greinir konan frá því að hún hafi ítrekað beðið manninn um að fara út úr herberginu en hann hafi ekki orðið við bón hennar. Hún viti ekki hvað hún eigi að gera og í sambærilegum skilaboðum sem hún sendi fleiri vinum sínum segist hún vera hrædd og biður um hjálp.Framburður mannsins „haldinn miklu óraunveruleikablæ“ Maðurinn neitaði sök í málinu og sagði sögu brotaþola „hreina ímyndun.“ Hún hafi hins vegar sent honum skilaboð með því að daðra við hann, skilja eftir bleika rakvél á baðherberginu og vera fáklædd í íbúðinni. Þá sagði hann konuna jafnframt að hafa vakið athygli á sér með því að opna og loka hurð og hún hafi í raun verið að stríða honum og athuga vald sitt yfir honum. Fram kom í máli konunnar að hún hafi í fyrstu ekki áttað sig á því að maðurinn byggi líka í íbúðinni. Því hafi hún verið léttklædd í íbúðinni og beðið manninn afsökunar á því. Að mati dómsins er frásögn konunnar „einkar trúverðug“ en framburður mannsins „haldinn miklum óraunveruleikablæ og fær skynjun hans á aðstæðum á engan hátt staðist.“ Maðurinn var því sakfelldur og dæmdur til að greiða konunni 1 milljón króna í skaðabætur. Dóminn í heild sinni má sjá hér. Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Kínversk ferðaskrifstofa mátti sín lítils gegn TM Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira
Héraðsdómur Reykjavíkur dæmdi í dag 35 ára gamlan karlmann í 2 ára fangelsi fyrir nauðgun. Brotið átti sér stað í ágúst árið 2013 í herbergi konunnar en hún og maðurinn bjuggu í sömu íbúð. Konan er bandarískur ríkisborgari og hafði komið til landsins tveimur dögum áður en maðurinn braut á henni. Hann var í nokkurs konar forsvari fyrir leigusala íbúðarinnar og sýndi henni til dæmis herbergið sem hún flutti síðar í. Maðurinn er sakfelldur fyrir að hafa farið óboðinn inn í herbergi konunnar þar sem hún lá í rúmi sínu. Lagðist hann nakinn upp í til hennar og strauk konunni, bæði innan og utan klæða um handleggi, bak, brjóst, læri og rass.Bað manninn ítrekað um að fara Þá á maðurinn einnig að hafa lagst ofan á konuna, sem lá á maganum, „og viðhaft samræðishreyfingar þannig að stinnur getnaðarlimur ákærða hafi strokist við rass brotaþola,“ eins og segir í dómi héraðsdóms. Telur dómurinn að háttsemi mannsins hafi verið til þess fallin að veita honum fullnægingu en háttsemin fellur undir skilgreiningu nauðgunar samkvæmt lögum. Konan náði á endanum að losa sig og komast út úr herberginu. Í gögnum málsins eru skilaboð sem konan sendi vini sínum á Facebook skömmu eftir að maðurinn braut á henni. Þar greinir konan frá því að hún hafi ítrekað beðið manninn um að fara út úr herberginu en hann hafi ekki orðið við bón hennar. Hún viti ekki hvað hún eigi að gera og í sambærilegum skilaboðum sem hún sendi fleiri vinum sínum segist hún vera hrædd og biður um hjálp.Framburður mannsins „haldinn miklu óraunveruleikablæ“ Maðurinn neitaði sök í málinu og sagði sögu brotaþola „hreina ímyndun.“ Hún hafi hins vegar sent honum skilaboð með því að daðra við hann, skilja eftir bleika rakvél á baðherberginu og vera fáklædd í íbúðinni. Þá sagði hann konuna jafnframt að hafa vakið athygli á sér með því að opna og loka hurð og hún hafi í raun verið að stríða honum og athuga vald sitt yfir honum. Fram kom í máli konunnar að hún hafi í fyrstu ekki áttað sig á því að maðurinn byggi líka í íbúðinni. Því hafi hún verið léttklædd í íbúðinni og beðið manninn afsökunar á því. Að mati dómsins er frásögn konunnar „einkar trúverðug“ en framburður mannsins „haldinn miklum óraunveruleikablæ og fær skynjun hans á aðstæðum á engan hátt staðist.“ Maðurinn var því sakfelldur og dæmdur til að greiða konunni 1 milljón króna í skaðabætur. Dóminn í heild sinni má sjá hér.
Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Vilja taka upp auðlindagjald að hætti Norðmanna Innlent Eigendur sjókvíaeldis þurfa ekki að greiða auðlindagjald Innlent Segir lág laun leikskólakennara mýtu Innlent Kínversk ferðaskrifstofa mátti sín lítils gegn TM Innlent Fleiri fréttir Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Leikskólakennarar ósáttir við vettlingagjörning Sjá meira