Túnin í Hrunamannahreppi Guðmundur Snæbjörnsson skrifar 19. ágúst 2016 11:45 Í sumar ók ég í gegnum Hrunamannahrepp. Þar sá ég græna velli, sem skreyttir voru bleikum heyrúllum. Þegar landið hafði vaknað af vetrardvala hafði snjórinn bráðnað og grassprettan tekið við sér. Túnin slegin. Hrossagaukurinn hneggjaði meðan snúningsvél þeytti grasi og snéri því. Bindivél hafði þrætt böndin og þjappað grasinu. Þá hafði pökkunarvél verið ekið um tún, gripið heybagganna og plastað þá, þar til að pakkningin var örugg. Þegar ég var kominn út fyrir hreppamörkin sá ég eitt tún sem var ólíkt hinum. Á túninu mátti sjá margar glæsilegar heyrúllur, en við jaðar túnsins, stóð plastlaus rúlla. Það hafði rignt íhana. Hún var gegnblaut, fúin og úldin. Öll vinnan á bakvið hana var til einskis. Það myndi ekki þjóna neinum tilgangi að plasta hana í dag. Það væri of seint.Baggi námsmannsins Í núverandi lánasjóðskerfi og því sem boðað er, er námslánum úthlutað þegar námsmenn hafa staðist lokapróf. Ekki þegar þeir þurfa á fénu að halda, heldur nokkrum mánuðum síðar. Þegar ruslatunnan er yfirfull af plastnúðlupakkningum og búið er að lepja skelina til botns þáer Lánasjóðurinn tilbúinn að rétta hjálparhönd. Námsmaðurinn er eins og rúllan sem varð eftir á túninu. Á meðan beðið var eftir plasti blotnaði hún og fúnaði. Hvað myndi það stoða að plasta hana í dag? Pakkningarnar yrðu fallegar en innihaldið skemmt. Í greinargerð frumvarpsins segir að mikil umsýsla fylgi því að úthluta námsaðstoð samhliða námi. Þrátt fyrir það er námsaðstoð mánaðarleg í Svíþjóð, Noregi og Danmörku. Löndum sem hafa lánasjóðskerfi sambærilegt því sem frumvarpið stefnir að. Hagur Lánasjóðsins virðist hér hafa verið tekinn framyfir hag námsmanna, enda öruggara fyrir sjóðinn að greiða lánin út þegar staðfesting á námsárangi er kominn. Því námsmaður sem ekki stenst nám sitt, fær ekki námslán. Hér er því áhættan alfarið á námsmönnum. Það er spurning hvort hluti af áhættunni ætti að lenda á herðum Lánasjóðsins, því hans meginhlutverk er að létta byrði námsmanna. Þarf Lánasjóðurinn bæði að hafa belti og axlabönd á meðan námsmaðurinn hefur bara buxnastrenginn?Ef taka á upp lánasjóðskerfi að norrænni fyrirmynd, þýðir ekki að taka bara upp þá hluta kerfisins sem henta Lánasjóðnum.Þeir vegir sem færir eru Það eru engir greiðfærir vegir fyrir námsmenn. Ef þeir vilja fá lán sín fyrirfram verða þeir að fara um holóttan og mjúkan moldarveg. Þeir myndu fara sama veg, hvort sem frumvarpið tekur gildi eða ekki. Þeir námsmenn sem þurfa á námslán myndu annaðhvort taka yfirdráttarlán hjá banka eða vinna fyrir fyrri önnina og láta námslánin þá duga þá seinni. Báðar leiðir eru meingallaðar og óheppilegar fyrir námsmenn. Ef námsmaður tekur yfirdráttarlán, þá þarf hann strax um haustið að ákveða hversu mikið lán hann vill. Líklegast er að hann biðji um fullt lán, til þess að vera öruggur. Ef hann nær prófunum þá fær hann vaxtastyrk frá LÍN og greiðir upp yfirdráttinn. Ef hann nær prófunum ekki þá gæti hann þurft að hætta í námi til þess að standa í endurgreiðslum við bankann. Ef námsmaður reynir að vinna nægilega um sumarið til þess að það dugi fyrri önnina, þá þarf hann samt að gæta hófs í vinnu sinni. Þegar hann hefur unnið sér inn fyrir meira en 930.000 krónum, þá er hann kominn yfir frítekjumark sjóðsins, og lán hans fer að skerðast. Ekki er reyndar öruggt hvort og hvert frítekjumarkið yrði ef frumvarpið yrði samþykkt, en á móti kemur að beini styrkurinn myndi skerðast með tilliti til tekjuskatts ef meðaltekjur námsmanns verða yfir 82 þúsund krónum á mánuði yfir allt árið án tillits til styrksins. Námsmaðurinn reynir því að fá hverja krónu sem möguleg er að fá frá lánasjóðnum, en ef hann ætlar að eiga nóg fé til að þrauka af veturinn skerðist námsaðstoðin svo um munar. Hann þyrfti því mögulega að vinna fyrir hluta af seinni önninni líka.Nauðsynleg breyting Það að úthlutun námsstyrkja skuli vera eftirá, leiðir til þess að aðilar taka eins mikið fé frá Lánasjóðnum og þeir geta. Það er slæmt í núverandi kerfi, en á móti kemur að lánin hafa að geyma falda styrkinn, og hlutfallslegur styrkur eykst með aukinni lántöku. Það er ennþá verra í kerfinu sem frumvarpið boðar. Þar er námsaðstoð tvískipt. Þar er námslánum skipt í beinan námsstyrk og námsaðstoð. Námsmenn eru hvattir til þess að láta styrkinn duga sér og námslánin eru ekki jafn hagkvæm og þau voru. Margir munu ekki hafa þess kost að láta styrkinn duga sér. Þeir munu ekki geta séð fyrir öll útgjöld næstu mánuðina, og reyna því að fá eins mikið fé og þeir geta úr lánasjóðnum, til þess að tryggja betur fjárhagslegt öryggi sitt. Fjárhæðin sem nemendum stendur til boða verður einnig hærri, þar sem LÍN myndi loksins lána fyrir fullri námsframvindu. Ef að námsaðstoðin væri mánaðarleg þá gætu nemendur betur stýrt skuldsetningu sinni. Það myndi líka koma í veg fyrir að nemendur tæku kostnaðarsöm yfirdráttarlán. Nemendur gætu skipulagt sig mánaðarlega og reynt að láta styrkinn duga þá mánuði sem hægt væri. Þeir hefðu einnig stöðuga tekjulind út námstímann, sem miðar við þarfir þeirra hverju sinni. Þeir þyrftu ekki að stóla sig jafn mikið á vinnu sumarsins eða fjárhagsaðstoð annarra. Lánasjóðurinn er nú þegar að að greiða skólagjaldalán út fyrirfram og í fyrri tíð voru námslán greidd út mánaðarlega. Þetta er því enginn ómöguleiki. Í umsögn Stúdentaráðs má finna nokkrar hugmyndir að leiðum sem hægt væri að fara, til að koma slíku kerfi á. Hljómgrunnur um breytingar Þegar nýtt lánasjóðsfrumvarp fór í gegnum fyrstu umræðu tóku margir upp hanskann fyrir þessari kröfu námsmanna. Bjarkey Olsen Gunnarsdóttir, Guðmundur Steingrímsson, Árni Páll Árnason og Katrín Jakobsdóttir nefndu öll að þessu ætti að breyta. Það er mikilvægt að allsherjar- og menntamálanefnd taki undir með okkur og knýji þessar nauðsynlegu breytingar fram, sem og aðrar breytingar sem við krefjumst. Það þýðir lítið að aðstoða nemendur eftirá. Það á að aðstoða nemendur þegar þeir þurfa aðstoð. Hagur okkar ætti að vera í fyrrirúmi við endurskoðun á námslánum. Við viljum ekki kerfi sem býst við því að við föllum í námi. Við viljum kerfi sem hvetur okkur áfram og veitir okkur þann stuðning sem við þurfum til menntunar. Í landi þar sem forsætisráðherra er bóndi, þá er vonandi að ríkisstjórnin hugsi jafn vel um námsmenn og hugsað er um tún hans í Hrunamannahrepp. Viltu birta grein á Vísi? Sendu okkur póst. Senda grein Mest lesið Það vantar vanan og áreiðanlegan mann í verkið Haraldur Ólafsson Skoðun Er þetta í alvöru verðlaunaefni? Snorri Másson Skoðun Dýravelferðarmartröð af áður óþekktri stærð Benedikta Guðrún Svavarsdóttir Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir Skoðun Árangur gegn verðbólgu Þórdís Kolbrún R. Gylfadóttir Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun Áhugaverðir tímar kalla á áhugaverðan forseta Cody Alexander Skahan Skoðun Biskup í tengslum Guðrún Karls Helgudóttir Skoðun Er menning stórmál? Ingibjörg Ösp Stefánsdóttir Skoðun Uppskera að vori Lilja Dögg Alfreðsdóttir Skoðun Skoðun Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Skoðun Þurfum við koma Íslandi aftur á rétta braut? Diljá Mist Einarsdóttir skrifar Skoðun Bergmál frá geymslustað líkamans Matthildur Björnsdóttir skrifar Skoðun Gummi Kalli Kristinn Sigurðsson skrifar Skoðun Það verður ekki bæði sleppt og haldið Melkorka Mjöll Kristinsdóttir skrifar Sjá meira
Í sumar ók ég í gegnum Hrunamannahrepp. Þar sá ég græna velli, sem skreyttir voru bleikum heyrúllum. Þegar landið hafði vaknað af vetrardvala hafði snjórinn bráðnað og grassprettan tekið við sér. Túnin slegin. Hrossagaukurinn hneggjaði meðan snúningsvél þeytti grasi og snéri því. Bindivél hafði þrætt böndin og þjappað grasinu. Þá hafði pökkunarvél verið ekið um tún, gripið heybagganna og plastað þá, þar til að pakkningin var örugg. Þegar ég var kominn út fyrir hreppamörkin sá ég eitt tún sem var ólíkt hinum. Á túninu mátti sjá margar glæsilegar heyrúllur, en við jaðar túnsins, stóð plastlaus rúlla. Það hafði rignt íhana. Hún var gegnblaut, fúin og úldin. Öll vinnan á bakvið hana var til einskis. Það myndi ekki þjóna neinum tilgangi að plasta hana í dag. Það væri of seint.Baggi námsmannsins Í núverandi lánasjóðskerfi og því sem boðað er, er námslánum úthlutað þegar námsmenn hafa staðist lokapróf. Ekki þegar þeir þurfa á fénu að halda, heldur nokkrum mánuðum síðar. Þegar ruslatunnan er yfirfull af plastnúðlupakkningum og búið er að lepja skelina til botns þáer Lánasjóðurinn tilbúinn að rétta hjálparhönd. Námsmaðurinn er eins og rúllan sem varð eftir á túninu. Á meðan beðið var eftir plasti blotnaði hún og fúnaði. Hvað myndi það stoða að plasta hana í dag? Pakkningarnar yrðu fallegar en innihaldið skemmt. Í greinargerð frumvarpsins segir að mikil umsýsla fylgi því að úthluta námsaðstoð samhliða námi. Þrátt fyrir það er námsaðstoð mánaðarleg í Svíþjóð, Noregi og Danmörku. Löndum sem hafa lánasjóðskerfi sambærilegt því sem frumvarpið stefnir að. Hagur Lánasjóðsins virðist hér hafa verið tekinn framyfir hag námsmanna, enda öruggara fyrir sjóðinn að greiða lánin út þegar staðfesting á námsárangi er kominn. Því námsmaður sem ekki stenst nám sitt, fær ekki námslán. Hér er því áhættan alfarið á námsmönnum. Það er spurning hvort hluti af áhættunni ætti að lenda á herðum Lánasjóðsins, því hans meginhlutverk er að létta byrði námsmanna. Þarf Lánasjóðurinn bæði að hafa belti og axlabönd á meðan námsmaðurinn hefur bara buxnastrenginn?Ef taka á upp lánasjóðskerfi að norrænni fyrirmynd, þýðir ekki að taka bara upp þá hluta kerfisins sem henta Lánasjóðnum.Þeir vegir sem færir eru Það eru engir greiðfærir vegir fyrir námsmenn. Ef þeir vilja fá lán sín fyrirfram verða þeir að fara um holóttan og mjúkan moldarveg. Þeir myndu fara sama veg, hvort sem frumvarpið tekur gildi eða ekki. Þeir námsmenn sem þurfa á námslán myndu annaðhvort taka yfirdráttarlán hjá banka eða vinna fyrir fyrri önnina og láta námslánin þá duga þá seinni. Báðar leiðir eru meingallaðar og óheppilegar fyrir námsmenn. Ef námsmaður tekur yfirdráttarlán, þá þarf hann strax um haustið að ákveða hversu mikið lán hann vill. Líklegast er að hann biðji um fullt lán, til þess að vera öruggur. Ef hann nær prófunum þá fær hann vaxtastyrk frá LÍN og greiðir upp yfirdráttinn. Ef hann nær prófunum ekki þá gæti hann þurft að hætta í námi til þess að standa í endurgreiðslum við bankann. Ef námsmaður reynir að vinna nægilega um sumarið til þess að það dugi fyrri önnina, þá þarf hann samt að gæta hófs í vinnu sinni. Þegar hann hefur unnið sér inn fyrir meira en 930.000 krónum, þá er hann kominn yfir frítekjumark sjóðsins, og lán hans fer að skerðast. Ekki er reyndar öruggt hvort og hvert frítekjumarkið yrði ef frumvarpið yrði samþykkt, en á móti kemur að beini styrkurinn myndi skerðast með tilliti til tekjuskatts ef meðaltekjur námsmanns verða yfir 82 þúsund krónum á mánuði yfir allt árið án tillits til styrksins. Námsmaðurinn reynir því að fá hverja krónu sem möguleg er að fá frá lánasjóðnum, en ef hann ætlar að eiga nóg fé til að þrauka af veturinn skerðist námsaðstoðin svo um munar. Hann þyrfti því mögulega að vinna fyrir hluta af seinni önninni líka.Nauðsynleg breyting Það að úthlutun námsstyrkja skuli vera eftirá, leiðir til þess að aðilar taka eins mikið fé frá Lánasjóðnum og þeir geta. Það er slæmt í núverandi kerfi, en á móti kemur að lánin hafa að geyma falda styrkinn, og hlutfallslegur styrkur eykst með aukinni lántöku. Það er ennþá verra í kerfinu sem frumvarpið boðar. Þar er námsaðstoð tvískipt. Þar er námslánum skipt í beinan námsstyrk og námsaðstoð. Námsmenn eru hvattir til þess að láta styrkinn duga sér og námslánin eru ekki jafn hagkvæm og þau voru. Margir munu ekki hafa þess kost að láta styrkinn duga sér. Þeir munu ekki geta séð fyrir öll útgjöld næstu mánuðina, og reyna því að fá eins mikið fé og þeir geta úr lánasjóðnum, til þess að tryggja betur fjárhagslegt öryggi sitt. Fjárhæðin sem nemendum stendur til boða verður einnig hærri, þar sem LÍN myndi loksins lána fyrir fullri námsframvindu. Ef að námsaðstoðin væri mánaðarleg þá gætu nemendur betur stýrt skuldsetningu sinni. Það myndi líka koma í veg fyrir að nemendur tæku kostnaðarsöm yfirdráttarlán. Nemendur gætu skipulagt sig mánaðarlega og reynt að láta styrkinn duga þá mánuði sem hægt væri. Þeir hefðu einnig stöðuga tekjulind út námstímann, sem miðar við þarfir þeirra hverju sinni. Þeir þyrftu ekki að stóla sig jafn mikið á vinnu sumarsins eða fjárhagsaðstoð annarra. Lánasjóðurinn er nú þegar að að greiða skólagjaldalán út fyrirfram og í fyrri tíð voru námslán greidd út mánaðarlega. Þetta er því enginn ómöguleiki. Í umsögn Stúdentaráðs má finna nokkrar hugmyndir að leiðum sem hægt væri að fara, til að koma slíku kerfi á. Hljómgrunnur um breytingar Þegar nýtt lánasjóðsfrumvarp fór í gegnum fyrstu umræðu tóku margir upp hanskann fyrir þessari kröfu námsmanna. Bjarkey Olsen Gunnarsdóttir, Guðmundur Steingrímsson, Árni Páll Árnason og Katrín Jakobsdóttir nefndu öll að þessu ætti að breyta. Það er mikilvægt að allsherjar- og menntamálanefnd taki undir með okkur og knýji þessar nauðsynlegu breytingar fram, sem og aðrar breytingar sem við krefjumst. Það þýðir lítið að aðstoða nemendur eftirá. Það á að aðstoða nemendur þegar þeir þurfa aðstoð. Hagur okkar ætti að vera í fyrrirúmi við endurskoðun á námslánum. Við viljum ekki kerfi sem býst við því að við föllum í námi. Við viljum kerfi sem hvetur okkur áfram og veitir okkur þann stuðning sem við þurfum til menntunar. Í landi þar sem forsætisráðherra er bóndi, þá er vonandi að ríkisstjórnin hugsi jafn vel um námsmenn og hugsað er um tún hans í Hrunamannahrepp.
Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir Skoðun
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir Skoðun
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun